Read in తెలుగు / ಕನ್ನಡ / தமிழ் / देवनागरी / English (IAST)
ದೇವ್ಯುವಾಚ |
ಶ್ರೀಕಂಠ ಕರುಣಾಸಿಂಧೋ ದೀನಬಂಧೋ ಜಗತ್ಪತೇ |
ಭೂತಿಭೂಷಿತಸರ್ವಾಂಗ ಪರಾತ್ಪರತರ ಪ್ರಭೋ || ೧ ||
ಕೃತಾಂಜಲಿಪುಟಾ ಭೂತ್ವಾ ಪೃಚ್ಛಾಮ್ಯೇಕಂ ದಯಾನಿಧೇ |
ಆದ್ಯಾ ಯಾ ಚಿತ್ಸ್ವರೂಪಾ ಯಾ ನಿರ್ವಿಕಾರಾ ನಿರಂಜನಾ || ೨ ||
ಬೋಧಾತೀತಾ ಜ್ಞಾನಗಮ್ಯಾ ಕೂಟಸ್ಥಾನಂದವಿಗ್ರಹಾ |
ಅಗ್ರಾಹ್ಯಾತೀಂದ್ರಿಯಾ ಶುದ್ಧಾ ನಿರೀಹಾ ಸ್ವಾವಭಾಸಿಕಾ || ೩ ||
ಗುಣಾತೀತಾ ನಿಷ್ಪ್ರಪಂಚಾ ಹ್ಯವಾಙ್ಮನಸಗೋಚರಾ |
ಪ್ರಕೃತಿರ್ಜಗದುತ್ಪತ್ತಿಸ್ಥಿತಿಸಂಹಾರಕಾರಿಣೀ || ೪ ||
ರಕ್ಷಾರ್ಥಂ ಜಗತೋ ದೇವಕಾರ್ಯಾರ್ಥಂ ವಾ ಸುರದ್ವಿಷಾಮ್ |
ನಾಶಾಯ ಧತ್ತೇ ಸಾ ದೇಹಂ ತತ್ತತ್ಕಾರ್ಯೈಕಸಾಧಕಮ್ || ೫ ||
ತತ್ರ ಭೂಧರಣಾರ್ಥಾಯ ಯಜ್ಞವಿಸ್ತಾರಹೇತವೇ |
ವಿದ್ಯುತ್ಕೇಶಹಿರಣ್ಯಾಕ್ಷಬಾಲಾಕಾದಿವಧಾಯ ಚ || ೬ ||
ಆವಿರ್ಬಭೂವ ಯಾ ಶಕ್ತಿರ್ಘೋರಾ ಭೂದಾರರೂಪಿಣೀ |
ವಾರಾಹೀ ವಿಕಟಾಕಾರಾ ದಾನವಾಸುರನಾಶಿನೀ || ೭ ||
ಸದ್ಯಃ ಸಿದ್ಧಿಕರೀ ದೇವೀ ಘೋರಾದ್ಘೋರತರಾ ಶಿವಾ |
ತಸ್ಯಾಃ ಸಹಸ್ರನಾಮಾಖ್ಯಂ ಸ್ತೋತ್ರಂ ಮೇ ಸಮುದೀರಯ || ೮ ||
ಕೃಪಾಲೇಶೋಽಸ್ತಿ ಮಯಿ ಚೇದ್ಭಾಗ್ಯಂ ಮೇ ಯದಿ ವಾ ಭವೇತ್ |
ಅನುಗ್ರಾಹ್ಯಾ ಯದ್ಯಹಂ ಸ್ಯಾಂ ತದಾ ವದ ದಯಾನಿಧೇ || ೯ ||
ಈಶ್ವರ ಉವಾಚ |
ಸಾಧು ಸಾಧು ವರಾರೋಹೇ ಧನ್ಯಾ ಬಹುಮತಾಸಿ ಮೇ |
ಶುಶ್ರೂಷಯಾ ಸಮುತ್ಪನ್ನಾ ಭಕ್ತಿಃ ಶ್ರದ್ಧಾನ್ವಿತಾ ತವ || ೧೦ ||
ಸಹಸ್ರನಾಮ ವಾರಾಹ್ಯಾಃ ಸರ್ವಸಿದ್ಧಿವಿಧಾಯಿ ಚ |
ತವ ಚೇನ್ನ ಪ್ರವಕ್ಷ್ಯಾಮಿ ಪ್ರಿಯೇ ಕಸ್ಯ ವದಾಮ್ಯಹಮ್ || ೧೧ ||
ಕಿಂತು ಗೋಪ್ಯಂ ಪ್ರಯತ್ನೇನ ಸಂರಕ್ಷ್ಯಂ ಪ್ರಾಣತೋಽಪಿ ಚ |
ವಿಶೇಷತಃ ಕಲಿಯುಗೇ ನ ದೇಯಂ ಯಸ್ಯ ಕಸ್ಯಚಿತ್ |
ಸರ್ವೇಽನ್ಯಥಾ ಸಿದ್ಧಿಭಾಜೋ ಭವಿಷ್ಯಂತಿ ವರಾನನೇ || ೧೨ ||
ಓಂ ಅಸ್ಯ ಶ್ರೀವಾರಾಹೀಸಹಸ್ರನಾಮಸ್ತೋತ್ರಸ್ಯ ಮಹಾದೇವ ಋಷಿಃ ಅನುಷ್ಟುಪ್ ಛಂದಃ ಶ್ರೀವಾರಾಹೀ ದೇವತಾ ಐಂ ಬೀಜಂ ಕ್ರೋಂ ಶಕ್ತಿಃ ಹುಂ ಕೀಲಕಂ ಮಮ ಸರ್ವಾರ್ಥಸಿದ್ಧ್ಯರ್ಥೇ ಜಪೇ ವಿನಿಯೋಗಃ |
ಓಂ ವಾರಾಹೀ ವಾಮನೀ ವಾಮಾ ಬಗಳಾ ವಾಸವೀ ವಸುಃ |
ವೈದೇಹೀ ವೀರಸೂರ್ಬಾಲಾ ವರದಾ ವಿಷ್ಣುವಲ್ಲಭಾ || ೧೩ ||
ವಂದಿತಾ ವಸುದಾ ವಶ್ಯಾ ವ್ಯಾತ್ತಾಸ್ಯಾ ವಂಚಿನೀ ಬಲಾ |
ವಸುಂಧರಾ ವೀತಿಹೋತ್ರಾ ವೀತರಾಗಾ ವಿಹಾಯಸೀ || ೧೪ ||
ಸರ್ವಾ ಖನಿಪ್ರಿಯಾ ಕಾಮ್ಯಾ ಕಮಲಾ ಕಾಂಚನೀ ರಮಾ |
ಧೂಮ್ರಾ ಕಪಾಲಿನೀ ವಾಮಾ ಕುರುಕುಲ್ಲಾ ಕಲಾವತೀ || ೧೫ ||
ಯಾಮ್ಯಾಽಽಗ್ನೇಯೀ ಧರಾ ಧನ್ಯಾ ಧರ್ಮಿಣೀ ಧ್ಯಾನಿನೀ ಧ್ರುವಾ |
ಧೃತಿರ್ಲಕ್ಷ್ಮೀರ್ಜಯಾ ತುಷ್ಟಿಃ ಶಕ್ತಿರ್ಮೇಧಾ ತಪಸ್ವಿನೀ || ೧೬ ||
ವೇಧಾ ಜಯಾ ಕೃತಿಃ ಕಾಂತಿಃ ಸ್ವಾಹಾ ಶಾಂತಿರ್ದಮಾ ರತಿಃ |
ಲಜ್ಜಾ ಮತಿಃ ಸ್ಮೃತಿರ್ನಿದ್ರಾ ತಂತ್ರಾ ಗೌರೀ ಶಿವಾ ಸ್ವಧಾ || ೧೭ ||
ಚಂಡೀ ದುರ್ಗಾಽಭಯಾ ಭೀಮಾ ಭಾಷಾ ಭಾಮಾ ಭಯಾನಕಾ |
ಭೂದಾರಾ ಭಯಹಾ ಭೀರುರ್ಭೈರವೀ ಭಂಗರಾ ಭಟೀ || ೧೮ ||
ಘುರ್ಘುರಾ ಘೋಷಣಾ ಘೋರಾ ಘೋಷಿಣೀ ಘೋಣಸಂಯುತಾ |
ಘನಾಘನಾ ಘರ್ಘರಾ ಚ ಘೋಣಯುಕ್ತಾಽಘನಾಶಿನೀ || ೧೯ ||
ಪೂರ್ವಾಗ್ನೇಯೀ ಯಾತು ಯಾಮ್ಯಾ ವಾಯವ್ಯುತ್ತರವಾರುಣೀ |
ಐಶಾನ್ಯೂರ್ಧ್ವಾಧಃಸ್ಥಿತಾ ಚ ಪೃಷ್ಠದಕ್ಷಾಗ್ರವಾಮಗಾ || ೨೦ ||
ಹೃನ್ನಾಭಿಬ್ರಹ್ಮರಂಧ್ರಾರ್ಕಸ್ವರ್ಗಪಾತಾಳಭೂಮಿಗಾ |
ಐಂ ಶ್ರೀಃ ಹ್ರೀಃ ಕ್ಲೀಂ ತೀರ್ಥಗತಿಃ ಪ್ರೀತಿರ್ಧೀರ್ಗೀಃ ಕಲಾಽವ್ಯಯಾ || ೨೧ ||
ಋಗ್ಯಜುಃ ಸಾಮರೂಪಾ ಚ ಪರಾ ಪೋತ್ರಿಣ್ಯುದುಂಬರಾ |
ಗದಾಸಿಶಕ್ತಿಚಾಪೇಷುಶೂಲಚಕ್ರರ್ಷ್ಟಿಧಾರಿಣೀ || ೨೨ ||
ಜರತೀ ಯುವತೀ ಬಾಲಾ ಚತುರಂಗಬಲೋತ್ಕಟಾ |
ಸತ್ಯಾಕ್ಷರಾ ನಿಧಿರ್ನೇತ್ರೀ ಧಾತ್ರೀ ಪೋತ್ರೀ ಪರಾ ಪಟುಃ || ೨೩ ||
ಕ್ಷೇತ್ರಜ್ಞಾ ಕಂಪಿನೀ ಜ್ಯೇಷ್ಠಾ ದುರಾಧರ್ಷಾ ಧುರಂಧರಾ |
ಮಾಲಿನೀ ಮಾನಿನೀ ಮಾತಾ ಮಾನನೀಯಾ ಮನಸ್ವಿನೀ || ೨೪ ||
ಮದೋತ್ಕಟಾ ಮನ್ಯುಕರೀ ಮನುರೂಪಾ ಮನೋಜವಾ |
ಮೇದಸ್ವಿನೀ ಮದ್ಯರತಾ ಮಧುಪಾ ಮಂಗಳಾಽಮರಾ || ೨೫ ||
ಮಾಯಾ ಮಾತಾಽಽಮಯಹರೀ ಮೃಡಾನೀ ಮಹಿಳಾ ಮೃತಿಃ |
ಮಹಾದೇವೀ ಮೋಹಹರೀ ಮಂಜುರ್ಮೃತ್ಯುಂಜಯಾಽಮಲಾ || ೨೬ ||
ಮಾಂಸಲಾ ಮಾನವಾ ಮೂಲಾ ಮಹಾರಾತ್ರಿರ್ಮದಾಲಸಾ |
ಮೃಗಾಂಕಾ ಮೇನಕಾ ಮಾನ್ಯಾ ಮಹಿಷಘ್ನೀ ಮದಂತಿಕಾ || ೨೭ ||
ಮೂರ್ಛಾಮೋಹಮೃಷಾಮೋಘಾಮದಮೃತ್ಯುಮಲಾಪಹಾ |
ಸಿಂಹರ್ಕ್ಷಮಹಿಷವ್ಯಾಘ್ರಮೃಗಕ್ರೋಡಾನನಾ ಧುನೀ || ೨೮ ||
ಧರಿಣೀ ಧಾರಿಣೀ ಧೇನುರ್ಧರಿತ್ರೀ ಧಾವನೀ ಧವಾ |
ಧರ್ಮಧ್ವನಾ ಧ್ಯಾನಪರಾ ಧನಧಾನ್ಯಧರಾಪ್ರದಾ || ೨೯ ||
ಪಾಪದೋಷರಿಪುವ್ಯಾಧಿನಾಶಿನೀ ಸಿದ್ಧಿದಾಯಿನೀ |
ಕಲಾಕಾಷ್ಠಾಕ್ಷಮಾಪಕ್ಷಾಹಸ್ತ್ರುಟಿಶ್ವಾಸರೂಪಿಣೀ || ೩೦ ||
ಸಮೃದ್ಧಾ ಸುಭುಜಾ ರೌದ್ರೀ ರಾಧಾ ರಾಗಾ ರಮಾರಣಿಃ |
ರಾಮಾ ರತಿಪ್ರಿಯಾ ರುಷ್ಟಾ ರಕ್ಷಿಣೀ ರವಿಮಧ್ಯಗಾ || ೩೧ ||
ರಜನೀ ರಮಣೀ ರೇವಾ ರಂಕಿನೀ ರಂಜಿನೀ ರಮಾ |
ರೋಷಾ ರೋಷವತೀ ರೂಕ್ಷಾ ಕರಿರಾಜ್ಯಪ್ರದಾ ರತಾ || ೩೨ ||
ರೂಕ್ಷಾ ರೂಪವತೀ ರಾಸ್ಯಾ ರುದ್ರಾಣೀ ರಣಪಂಡಿತಾ |
ಗಂಗಾ ಚ ಯಮುನಾ ಚೈವ ಸರಸ್ವತಿಸ್ವಸೂರ್ಮಧುಃ || ೩೩ ||
ಗಂಡಕೀ ತುಂಗಭದ್ರಾ ಚ ಕಾವೇರೀ ಕೌಶಿಕೀ ಪಟುಃ |
ಕಟ್ವೋರಗವತೀ ಚಾರಾ ಸಹಸ್ರಾಕ್ಷಾ ಪ್ರತರ್ದನಾ || ೩೪ ||
ಸರ್ವಜ್ಞಾ ಶಾಂಕರೀ ಶಾಸ್ತ್ರೀ ಜಟಾಧಾರಿಣ್ಯಯೋರದಾ |
ಯಾವನೀ ಸೌರಭೀ ಕುಬ್ಜಾ ವಕ್ರತುಂಡಾ ವಧೋದ್ಯತಾ || ೩೫ ||
ಚಂದ್ರಾಪೀಡಾ ವೇದವೇದ್ಯಾ ಶಂಖಿನೀ ನೀಲಲೋಹಿತಾ |
ಧ್ಯಾನಾತೀತಾಽಪರಿಚ್ಛೇದ್ಯಾ ಮೃತ್ಯುರೂಪಾ ತ್ರಿವರ್ಗದಾ || ೩೬ ||
ಅರೂಪಾ ಬಹುರೂಪಾ ಚ ನಾನಾರೂಪಾ ನತಾನನಾ |
ವೃಷಾಕಪಿರ್ವೃಷಾರೂಢಾ ವೃಷೇಶೀ ವೃಷವಾಹನಾ || ೩೭ ||
ವೃಷಪ್ರಿಯಾ ವೃಷಾವರ್ತಾ ವೃಷಪರ್ವಾ ವೃಷಾಕೃತಿಃ |
ಕೋದಂಡಿನೀ ನಾಗಚೂಡಾ ಚಕ್ಷುಷ್ಯಾ ಪರಮಾರ್ಥಿಕಾ || ೩೮ ||
ದುರ್ವಾಸಾ ದುರ್ಗಹಾ ದೇವೀ ದುರಾವಾಸಾ ದುರಾರಿಹಾ |
ದುರ್ಗಾ ರಾಧಾ ದುಃಖಹಂತ್ರೀ ದುರಾರಾಧ್ಯಾ ದವೀಯಸೀ || ೩೯ ||
ದುರಾವಾಸಾ ದುಷ್ಪ್ರಹಸ್ತಾ ದುಷ್ಪ್ರಕಂಪಾ ದುರೂಹಿಣೀ |
ಸುವೇಣೀ ರಮಣೀ ಶ್ಯಾಮಾ ಮೃಗವ್ಯಾಧಾರ್ಘತಾಪಿನೀ || ೪೦ ||
ಉಗ್ರಾ ತಾರ್ಕ್ಷೀ ಪಾಶುಪತೀ ಕೌಣಪೀ ಕುಣಪಾಶನಾ | [ದುರ್ಗಾ]
ಕಪರ್ದಿನೀ ಕಾಮಕಾಮಾ ಕಮನೀಯಾ ಕಲೋಜ್ಜ್ವಲಾ || ೪೧ ||
ಕಾಸಾವಹೃತ್ಕಾರಕಾನೀ ಕಂಬುಕಂಠೀ ಕೃತಾಗಮಾ |
ಕರ್ಕಶಾ ಕಾರಣಾ ಕಾಂತಾ ಕಲ್ಪಾಽಕಲ್ಪಾ ಕಟಂಕಟಾ || ೪೨ ||
ಶ್ಮಶಾನನಿಲಯಾ ಭಿನ್ನಾ ಗಜಾರುಢಾ ಗಜಾಪಹಾ |
ತತ್ಪ್ರಿಯಾ ತತ್ಪರಾ ರಾಯಾ ಸ್ವರ್ಭಾನುಃ ಕಾಲವಂಚಿನೀ || ೪೩ ||
ಶಾಖಾ ವಿಶಾಖಾ ಗೋಶಾಖಾ ಸುಶಾಖಾ ಶೇಷಶಾಖಿನೀ |
ವ್ಯಂಗಾ ಶುಭಾಂಗಾ ವಾಮಾಂಗಾ ನೀಲಾಂಗಾಽನಂಗರೂಪಿಣೀ || ೪೪ ||
ಸಾಂಗೋಪಾಂಗಾ ಚ ಸಾರಂಗಾ ಸುಭಾಂಗಾ ರಂಗರೂಪಿಣೀ |
ಭದ್ರಾ ಸುಭದ್ರಾ ಭದ್ರಾಕ್ಷೀ ಸಿಂಹಿಕಾ ವಿನತಾಽದಿತಿಃ || ೪೫ ||
ಹೃದ್ಯಾಽವದ್ಯಾ ಸುಪದ್ಯಾ ಚ ಗದ್ಯಪದ್ಯಪ್ರಿಯಾ ಪ್ರಸೂಃ |
ಚರ್ಚಿಕಾ ಭೋಗವತ್ಯಂಬಾ ಸಾರಸೀ ಶಬರೀ ನಟೀ || ೪೬ ||
ಯೋಗಿನೀ ಪುಷ್ಕಲಾಽನಂತಾ ಪರಾ ಸಾಂಖ್ಯಾ ಶಚೀ ಸತೀ |
ನಿಮ್ನಗಾ ನಿಮ್ನನಾಭಿಶ್ಚ ಸಹಿಷ್ಣುರ್ಜಾಗೃತೀ ಲಿಪಿಃ || ೪೭ ||
ದಮಯಂತೀ ದಮೀ ದಂಡೋದ್ದಂಡಿನೀ ದಾರದಾಯಿಕಾ |
ದೀಪಿನೀ ದಾವಿನೀ ಧಾತ್ರೀ ದಕ್ಷಕನ್ಯಾ ದಮ್ಯಾ ದರತ್ || ೪೮ ||
ದಾಹಿನೀ ದ್ರವಿಣೀ ದರ್ವೀ ದಂಡಿನೀ ದಂಡನಾಯಿಕಾ |
ದಾನಪ್ರಿಯಾ ದೋಷಹಂತ್ರೀ ದುಃಖದಾರಿದ್ರ್ಯನಾಶಿನೀ || ೪೯ ||
ದೋಷದಾ ದೋಷಕೃದ್ದೋಗ್ಧ್ರೀ ದೋಹತೀ ದೇವಿಕಾಽಧನಾ |
ದರ್ವೀಕರೀ ದುರ್ವಲಿತಾ ದುರ್ಯುಗಾಽದ್ವಯವಾದಿನೀ || ೫೦ ||
ಚರಾಚರಾಽನಂತವೃಷ್ಟಿರುನ್ಮತ್ತಾ ಕಮಲಾಽಲಸಾ |
ತಾರಿಣೀ ತಾರಕಾಂತಾರಾ ಪರಮಾತ್ಮಾಬ್ಜಲೋಚನಾ || ೫೧ ||
ಇಂದುರ್ಹಿರಣ್ಯಕವಚಾ ವ್ಯವಸ್ಥಾ ವ್ಯವಸಾಯಿಕಾ |
ಈಶನಂದಾ ನದೀ ನಾಗೀ ಯಕ್ಷಿಣೀ ಸರ್ಪಿಣೀ ವರೀ || ೫೨ ||
ಸುಧಾ ಸುರಾ ವಿಶ್ವಸಹಾ ಸುವರ್ಣಾಂಗದಧಾರಿಣೀ |
ಜನನೀ ಪ್ರೀತಿಭಾಗೇಶೀ ಸಾಮ್ರಾಜ್ಞೀ ಸಂವಿದುತ್ತಮಾ || ೫೩ ||
ಅಮೇಯಾಽರಿಷ್ಟದಮನೀ ಪಿಂಗಳಾ ಲಿಂಗಧಾರಿಣೀ |
ಚಾಮುಂಡಾ ಪ್ಲಾವಿನೀ ಹಾಲಾ ಬೃಹಜ್ಜ್ಯೋತಿರುರುಕ್ರಮಾ || ೫೪ ||
ಸುಪ್ರತೀಕಾ ಚ ಸುಗ್ರೀವಾ ಹವ್ಯವಾಹಾ ಪ್ರಲಾಪಿನೀ |
ನಭಸ್ಯಾ ಮಾಧವೀ ಜ್ಯೇಷ್ಠಾ ಶಿಶಿರಾ ಜ್ವಾಲಿನೀ ರುಚಿಃ || ೫೫ ||
ಶುಕ್ಲಾ ಶುಕ್ರಾ ಶುಚಾ ಶೋಕಾ ಶುಕೀ ಭೇಕೀ ಪಿಕೀ ಬಕೀ |
ಪೃಷದಶ್ವಾ ನಭೋಯೋನಿಃ ಸುಪ್ರತೀಕಾ ವಿಭಾವರೀ || ೫೬ ||
ಗರ್ವಿತಾ ಗುರ್ವಿಣೀ ಗಣ್ಯಾ ಗುರುರ್ಗುರುಧರೀ ಗಯಾ |
ಗಂಧರ್ವೀ ಗಣಿಕಾ ಗುಂದ್ರಾ ಗಾರುಡೀ ಗೋಪಿಕಾಽಗ್ರಗಾ || ೫೭ ||
ಗಣೇಶೀ ಗಾಮಿನೀ ಗಂತಾ ಗೋಪತಿರ್ಗಂಧಿನೀ ಗವೀ |
ಗರ್ಜಿತಾ ಗಾನನೀ ಗೋನಾ ಗೋರಕ್ಷಾ ಗೋವಿದಾಂ ಗತಿಃ || ೫೮ ||
ಗ್ರಾಥಿಕೀ ಗ್ರಥಿಕೃದ್ಗೋಷ್ಠೀ ಗರ್ಭರೂಪಾ ಗುಣೈಷಿಣೀ |
ಪಾರಸ್ಕರೀ ಪಾಂಚನದಾ ಬಹುರೂಪಾ ವಿರೂಪಿಕಾ || ೫೯ ||
ಊಹಾ ವ್ಯೂಹಾ ದುರೂಹಾ ಚ ಸಮ್ಮೋಹಾ ಮೋಹಹಾರಿಣೀ |
ಯಜ್ಞವಿಗ್ರಹಿಣೀ ಯಜ್ಞಾ ಯಾಯಜೂಕಾ ಯಶಸ್ವಿನೀ || ೬೦ ||
ಅಗ್ನಿಷ್ಟೋಮಾಽತ್ಯಗ್ನಿಷ್ಟೋಮಾ ವಾಜಪೇಯಶ್ಚ ಷೋಡಶೀ |
ಪುಂಡರೀಕಾಽಶ್ವಮೇಧಶ್ಚ ರಾಜಸೂಯಶ್ಚ ನಾಭಸಃ || ೬೧ ||
ಸ್ವಿಷ್ಟಕೃದ್ಬಹುಸೌವರ್ಣೋ ಗೋಸವಶ್ಚ ಮಹಾವ್ರತಃ |
ವಿಶ್ವಜಿದ್ಬ್ರಹ್ಮಯಜ್ಞಶ್ಚ ಪ್ರಾಜಾಪತ್ಯಃ ಶಿಲಾಯವಃ || ೬೨ ||
ಅಶ್ವಕ್ರಾಂತಾ ರಥಕ್ರಾಂತಾ ವಿಷ್ಣುಕ್ರಾಂತಾ ವಿಭಾವಸುಃ |
ಸೂರ್ಯಕ್ರಾಂತಾ ಗಜಕ್ರಾಂತಾ ಬಲಿಭಿನ್ನಾಗಯಜ್ಞಕಃ || ೬೩ ||
ಸಾವಿತ್ರೀ ಚಾರ್ಧಸಾವಿತ್ರೀ ಸರ್ವತೋಭದ್ರವಾರುಣಾ |
ಆದಿತ್ಯಾಮಯ ಗೋದೋಹ ಗವಾಮಯ ಮೃಗಾಮಯಾ || ೬೪ ||
ಸರ್ಪಮಯಃ ಕಾಲಪಿಂಜಃ ಕೌಂಡಿನ್ಯೋಪನಾಗಾಹಲಃ |
ಅಗ್ನಿವಿದ್ದ್ವಾದಶಾಹಸ್ವೋಪಾಂಶುಃ ಸೋಮ ವಿಧೋ ಹನಃ || ೬೫ ||
ಅಶ್ವಪ್ರತಿಗ್ರಹೋ ಬರ್ಹಿರಥೋಽಭ್ಯುದಯ ಋದ್ಧಿರಾಟ್ |
ಸರ್ವಸ್ವದಕ್ಷಿಣೋ ದೀಕ್ಷಾ ಸೋಮಾಖ್ಯಾ ಸಮಿದಾಹ್ವಯಃ || ೬೬ ||
ಕಠಾಯನಶ್ಚ ಗೋದೋಹಃ ಸ್ವಾಹಾಕಾರಸ್ತನೂನಪಾತ್ |
ದಂಡಾ ಪುರುಷ ಮೇಧಶ್ಚ ಶ್ಯೇನೋ ವಜ್ರ ಇಷುರ್ಯಮಃ || ೬೭ ||
ಅಂಗಿರಾಃ ಕಂಕಭೇರುಂಡಾ ಚಾಂದ್ರಾಯಣಪರಾಯಣಾ |
ಜ್ಯೋತಿಷ್ಟೋಮಃ ಗುದೋ ದರ್ಶೋ ನಂದ್ಯಾಖ್ಯಃ ಪೌರ್ಣಮಾಸಿಕಃ || ೬೮ ||
ಗಜಪ್ರತಿಗ್ರಹೋ ರಾತ್ರಿಃ ಸೌರಭಃ ಶಾಂಕಲಾಯನಃ |
ಸೌಭಾಗ್ಯಕೃಚ್ಚ ಕಾರೀಷೋ ಬೈದಲಾಯನರಾಮಠೌ || ೬೯ ||
ಶೋಚಿಷ್ಕಾರೀ ನಾಚಿಕೇತಃ ಶಾಂತಿಕೃತ್ಪುಷ್ಟಿಕೃತ್ತಥಾ |
ವೈನತೇಯೋಚ್ಚಾಟನೌ ಚ ವಶೀಕರಣ ಮಾರಣೇ || ೭೦ ||
ತ್ರೈಲೋಕ್ಯಮೋಹನೋ ವೀರಃ ಕಂದರ್ಪಬಲಶಾತನಃ |
ಶಂಖಚೂಡೋ ಗಜಚ್ಛಾಯೋ ರೌದ್ರಾಖ್ಯೋ ವಿಷ್ಣುವಿಕ್ರಮಃ || ೭೧ ||
ಭೈರವಃ ಕವಹಾಖ್ಯಶ್ಚಾವಭೃಥೋಽಷ್ಟಕಪಾಲಕಃ |
ಶ್ರೌಷಟ್ ವೌಷಟ್ ವಷಟ್ಕಾರಃ ಪಾಕಸಂಸ್ಥಾ ಪರಿಶ್ರುತೀ || ೭೨ ||
ಚಯನೋ ನರಮೇಧಶ್ಚ ಕಾರೀರೀ ರತ್ನದಾನಿಕಾ |
ಸೌತ್ರಾಮಣೀ ಚ ಭಾರುಂದಾ ಬಾರ್ಹಸ್ಪತ್ಯೋ ಬಲಂಗಮಃ || ೭೩ ||
ಪ್ರಚೇತಾಃ ಸರ್ವಸತ್ರಶ್ಚ ಗಜಮೇಧಃ ಕರಂಭಕಃ |
ಹವಿಃಸಂಸ್ಥಾ ಸೋಮಸಂಸ್ಥಾ ಪಾಕಸಂಸ್ಥಾ ಗರುತ್ಮತೀ || ೭೪ ||
ಸತ್ಯಸೂರ್ಯಶ್ಚಮಸಃ ಸ್ರುಕ್ ಸ್ರುವೋಲೂಖಲ ಮೇಕ್ಷಣೀ |
ಚಪಲೋ ಮಂಥನೀ ಮೇಢೀ ಯೂಪಃ ಪ್ರಾಗ್ವಂಶಕುಂಚಿಕಾ || ೭೫ ||
ರಶ್ಮಿರಂಶುಶ್ಚ ದೋಭ್ಯಶ್ಚ ವಾರುಣೋದಃ ಪವಿಃ ಕುಥಾ |
ಆಪ್ತೋರ್ಯಾಮೋ ದ್ರೋಣಕಲಶೋ ಮೈತ್ರಾವರುಣ ಆಶ್ವಿನಃ || ೭೬ ||
ಪಾತ್ನೀವತಶ್ಚ ಮಂಥೀ ಚ ಹಾರಿಯೋಜನ ಏವ ಚ |
ಪ್ರತಿಪ್ರಸ್ಥಾನಶುಕ್ರೌ ಚ ಸಾಮಿಧೇನೀ ಸಮಿತ್ಸಮಾ || ೭೭ ||
ಹೋತಾಽಧ್ವರ್ಯುಸ್ತಥೋದ್ಗಾತಾ ನೇತಾ ತ್ವಷ್ಟಾ ಚ ಯೋತ್ರಿಕಾ |
ಆಗ್ನೀಧ್ರೋಽಚ್ಛಾವಕಾಷ್ಟಾವಗ್ಗ್ರಾವಸ್ತುತ್ಪ್ರತರ್ದಕಃ || ೭೮ ||
ಸುಬ್ರಹ್ಮಣ್ಯೋ ಬ್ರಾಹ್ಮಣಶ್ಚ ಮೈತ್ರಾವರುಣವಾರುಣೌ |
ಪ್ರಸ್ತೋತಾ ಪ್ರತಿಪ್ರಸ್ಥಾತಾ ಯಜಮಾನೋ ಧ್ರುವಂತ್ರಿಕಾ || ೭೯ ||
ಆಮಿಕ್ಷಾ ಪೃಷದಾಜ್ಯಂ ಚ ಹವ್ಯಂ ಕವ್ಯಂ ಚರುಃ ಪಯಃ |
ಜುಹುದ್ಘ್ರಾವೋಪಭೃದ್ಬ್ರಹ್ಮಾ ತ್ರಯೀ ತ್ರೇತಾ ತರಸ್ವಿನೀ || ೮೦ ||
ಪುರೋಡಾಶಃ ಪಶೂಕರ್ಷಃ ಪ್ರೋಕ್ಷಣೀ ಬ್ರಹ್ಮಯಜ್ಞಿನೀ |
ಅಗ್ನಿಜಿಹ್ವಾ ದರ್ಭರೋಮಾ ಬ್ರಹ್ಮಶೀರ್ಷಾ ಮಹೋದರೀ || ೮೧ ||
ಅಮೃತಪ್ರಾಶಿಕಾ ನಾರಾಯಣೀ ನಗ್ನಾ ದಿಗಂಬರಾ |
ಓಂಕಾರಿಣೀ ಚತುರ್ವೇದರೂಪಾ ಶ್ರುತಿರನುಲ್ಬಣಾ || ೮೨ ||
ಅಷ್ಟಾದಶಭುಜಾ ರಂಭಾ ಸತ್ಯಾ ಗಗನಚಾರಿಣೀ |
ಭೀಮವಕ್ತ್ರಾ ಮಹಾವಕ್ತ್ರಾ ಕೀರ್ತಿರಾಕೃಷ್ಣಪಿಂಗಳಾ || ೮೩ ||
ಕೃಷ್ಣಮೂರ್ಧಾ ಮಹಾಮೂರ್ಧಾ ಘೋರಮೂರ್ಧಾ ಭಯಾನನಾ |
ಘೋರಾನನಾ ಘೋರಜಿಹ್ವಾ ಘೋರರಾವಾ ಮಹಾವ್ರತಾ || ೮೪ ||
ದೀಪ್ತಾಸ್ಯಾ ದೀಪ್ತನೇತ್ರಾ ಚ ಚಂಡಪ್ರಹರಣಾ ಜಟೀ |
ಸುರಭೀ ಸೌಲಭೀ ವೀಚೀ ಛಾಯಾ ಸಂಧ್ಯಾ ಚ ಮಾಂಸಲಾ || ೮೫ ||
ಕೃಷ್ಣಾ ಕೃಷ್ಣಾಂಬರಾ ಕೃಷ್ಣಶಾರ್ಙ್ಗಿಣೀ ಕೃಷ್ಣವಲ್ಲಭಾ |
ತ್ರಾಸಿನೀ ಮೋಹಿನೀ ದ್ವೇಷ್ಯಾ ಮೃತ್ಯುರೂಪಾ ಭಯಾಪಹಾ || ೮೬ ||
ಭೀಷಣಾ ದಾನವೇಂದ್ರಘ್ನೀ ಕಲ್ಪಕರ್ತಾ ಕ್ಷಯಂಕರೀ |
ಅಭಯಾ ಪೃಥಿವೀ ಸಾಧ್ವೀ ಕೇಶಿನೀ ವ್ಯಾಧಿಜನ್ಮಹಾ || ೮೭ ||
ಅಕ್ಷೋಭ್ಯಾಽಽಹ್ಲಾದಿನೀ ಕನ್ಯಾ ಪವಿತ್ರಾ ರೋಪಿಣೀ ಶುಭಾ |
ಕನ್ಯಾದೇವೀ ಸುರಾದೇವೀ ಭೀಮಾದೇವೀ ಮದಂತಿಕಾ || ೮೮ ||
ಶಾಕಂಭರೀ ಮಹಾಶ್ವೇತಾ ಧೂಮ್ರಾ ಧೂಮ್ರೇಶ್ವರೀಶ್ವರೀ |
ವೀರಭದ್ರಾ ಮಹಾಭದ್ರಾ ಮಹಾದೇವೀ ಮಹಾಸುರೀ || ೮೯ ||
ಶ್ಮಶಾನವಾಸಿನೀ ದೀಪ್ತಾ ಚಿತಿಸಂಸ್ಥಾ ಚಿತಿಪ್ರಿಯಾ |
ಕಪಾಲಹಸ್ತಾ ಖಟ್ವಾಂಗೀ ಖಡ್ಗಿನೀ ಶೂಲಿನೀ ಹಲೀ || ೯೦ ||
ಕಾಂತಾರಿಣೀ ಮಹಾಯೋಗೀ ಯೋಗಮಾರ್ಗಾ ಯುಗಗ್ರಹಾ |
ಧೂಮ್ರಕೇತುರ್ಮಹಾಸ್ಯಾಯುರ್ಯುಗಾನಾಂ ಪರಿವರ್ತಿನೀ || ೯೧ ||
ಅಂಗಾರಿಣ್ಯಂಕುಶಕರಾ ಘಂಟಾವರ್ಣಾ ಚ ಚಕ್ರಿಣೀ |
ವೇತಾಳೀ ಬ್ರಹ್ಮವೇತಾಳೀ ಮಹಾವೇತಾಳಿಕಾ ತಥಾ || ೯೨ ||
ವಿದ್ಯಾರಾಜ್ಞೀ ಮೋಹರಾಜ್ಞೀ ಮಹಾರಾಜ್ಞೀ ಮಹೋದರೀ |
ಭೂತಂ ಭವ್ಯಂ ಭವಿಷ್ಯಂ ಚ ಸಾಂಖ್ಯಂ ಯೋಗಸ್ತಪೋ ದಮಃ || ೯೩ ||
ಅಧ್ಯಾತ್ಮಂ ಚಾಧಿದೈವಂ ಚಾಧಿಭೂತಾಂಶ ಏವ ಚ |
ಘಂಟಾರವಾ ವಿರೂಪಾಕ್ಷೀ ಶಿಖಿವಿಚ್ಛ್ರೀಚಯಪ್ರಿಯಾ || ೯೪ ||
ಖಡ್ಗಶೂಲಗದಾಹಸ್ತಾ ಮಹಿಷಾಸುರಮರ್ದಿನೀ |
ಮಾತಂಗೀ ಮತ್ತಮಾತಂಗೀ ಕೌಶಿಕೀ ಬ್ರಹ್ಮವಾದಿನೀ || ೯೫ ||
ಉಗ್ರತೇಜಾ ಸಿದ್ಧಸೇನಾ ಜೃಂಭಿಣೀ ಮೋಹಿನೀ ತಥಾ |
ಜಯಾ ಚ ವಿಜಯಾ ಚೈವ ವಿನತಾ ಕದ್ರುರೇವ ಚ || ೯೬ ||
ಧಾತ್ರೀ ವಿಧಾತ್ರೀ ವಿಕ್ರಾಂತಾ ಧ್ವಸ್ತಾ ಮೂರ್ಛಾ ಚ ಮೂರ್ಛನೀ |
ದಮನೀ ಧರ್ಮಿಣೀ ದಮ್ಯಾ ಛೇದಿನೀ ತಾಪಿನೀ ತಪೀ || ೯೭ ||
ಬಂಧಿನೀ ಬಾಧಿನೀ ಬಂಧಾ ಬೋಧಾತೀತಾ ಬುಧಪ್ರಿಯಾ |
ಹರಿಣೀ ಹಾರಿಣೀ ಹಂತ್ರೀ ಧರಿಣೀ ಧಾರಿಣೀ ಧರಾ || ೯೮ ||
ವಿಸಾಧಿನೀ ಸಾಧಿನೀ ಚ ಸಂಧ್ಯಾ ಸಂಗೋಪನೀ ಪ್ರಿಯಾ |
ರೇವತೀ ಕಾಲಕರ್ಣೀ ಚ ಸಿದ್ಧಿರ್ಲಕ್ಷ್ಮೀರರುಂಧತೀ || ೯೯ ||
ಧರ್ಮಪ್ರಿಯಾ ಧರ್ಮರತಿಃ ಧರ್ಮಿಷ್ಠಾ ಧರ್ಮಚಾರಿಣೀ |
ವ್ಯುಷ್ಟಿಃ ಖ್ಯಾತಿಃ ಸಿನೀವಾಲೀ ಕುಹೂಃ ಋತುಮತೀ ಮೃತಿಃ || ೧೦೦ ||
ತ್ವಾಷ್ಟ್ರೀ ವೈರೋಚನೀ ಮೈತ್ರೀ ನೀರಜಾ ಕೈಟಭೇಶ್ವರೀ |
ಭ್ರಮಣೀ ಭ್ರಾಮಣೀ ಭ್ರಾಮಾ ಭ್ರಮರೀ ಭ್ರಾಮರೀ ಭ್ರಮಾ || ೧೦೧ ||
ನಿಷ್ಕಳಾ ಕಲಹಾ ನೀತಾ ಕೌಲಾಕಾರಾ ಕಳೇಬರಾ |
ವಿದ್ಯುಜ್ಜಿಹ್ವಾ ವರ್ಷಿಣೀ ಚ ಹಿರಣ್ಯಾಕ್ಷನಿಪಾತಿನೀ || ೧೦೨ ||
ಜಿತಕಾಮಾ ಕಾಮೃಗಯಾ ಕೋಲಾ ಕಲ್ಪಾಂಗಿನೀ ಕಲಾ | [ಕಾಮಗಮಾ]
ಪ್ರಧಾನಾ ತಾರಕಾ ತಾರಾ ಹಿತಾತ್ಮಾ ಹಿತಭೇದಿನೀ || ೧೦೩ ||
ದುರಕ್ಷರಾ ಪರಬ್ರಹ್ಮ ಮಹಾದಾನಾ ಮಹಾಹವಾ |
ವಾರುಣೀ ವ್ಯರುಣೀ ವಾಣೀ ವೀಣಾ ವೇಣೀ ವಿಹಂಗಮಾ || ೧೦೪ ||
ಮೋದಪ್ರಿಯಾ ಮೋದಕಿನೀ ಪ್ಲವನೀ ಪ್ಲಾವಿನೀ ಪ್ಲುತಿಃ |
ಅಜರಾ ಲೋಹಿತಾ ಲಾಕ್ಷಾ ಪ್ರತಪ್ತಾ ವಿಶ್ವಭೋಜಿನೀ || ೧೦೫ ||
ಮನೋ ಬುದ್ಧಿರಹಂಕಾರಃ ಕ್ಷೇತ್ರಜ್ಞಾ ಕ್ಷೇತ್ರಪಾಲಿಕಾ |
ಚತುರ್ವೇದಾ ಚತುರ್ಭಾರಾ ಚತುರಂತಾ ಚರುಪ್ರಿಯಾ || ೧೦೬ ||
ಚರ್ವಿಣೀ ಚೋರಿಣೀ ಚಾರೀ ಶಾಂಕರೀ ಚರ್ಮಭೈರವೀ |
ನಿರ್ಲೇಪಾ ನಿಷ್ಪ್ರಪಂಚಾ ಚ ಪ್ರಶಾಂತಾ ನಿತ್ಯವಿಗ್ರಹಾ || ೧೦೭ ||
ಸ್ತವ್ಯಾ ಸ್ತವಪ್ರಿಯಾ ವ್ಯಾಳಾ ಗುರುರಾಶ್ರಿತವತ್ಸಲಾ |
ನಿಷ್ಕಳಂಕಾ ನಿರಾಲಂಬಾ ನಿರ್ದ್ವಂದ್ವಾ ನಿಷ್ಪರಿಗ್ರಹಾ || ೧೦೮ ||
ನಿರ್ಗುಣಾ ನಿರ್ಮಲಾ ನಿತ್ಯಾ ನಿರೀಹಾ ನಿರಘಾ ನವಾ |
ನಿರಿಂದ್ರಿಯಾ ನಿರಾಭಾಸಾ ನಿರ್ಮೋಹಾ ನೀತಿನಾಯಿಕಾ || ೧೦೯ ||
ನಿರಿಂಧನಾ ನಿಷ್ಕಳಾ ಚ ಲೀಲಾಕಾರಾ ನಿರಾಮಯಾ |
ಮುಂಡಾ ವಿರೂಪಾ ವಿಕೃತಾ ಪಿಂಗಳಾಕ್ಷೀ ಗುಣೋತ್ತರಾ || ೧೧೦ ||
ಪದ್ಮಗರ್ಭಾ ಮಹಾಗರ್ಭಾ ವಿಶ್ವಗರ್ಭಾ ವಿಲಕ್ಷಣಾ |
ಪರಮಾತ್ಮಾ ಪರೇಶಾನೀ ಪರಾ ಪಾರಾ ಪರಂತಪಾ || ೧೧೧ ||
ಸಂಸಾರಸೇತುಃ ಕ್ರೂರಾಕ್ಷೀ ಮೂರ್ಛಾಮುಕ್ತಾ ಮನುಪ್ರಿಯಾ | [ಮಗ್ನಾ]
ವಿಸ್ಮಯಾ ದುರ್ಜಯಾ ದಕ್ಷಾ ದನುಹಂತ್ರೀ ದಯಾಲಯಾ || ೧೧೨ ||
ಪರಬ್ರಹ್ಮಾಽಽನಂದರೂಪಾ ಸರ್ವಸಿದ್ಧಿವಿಧಾಯಿನೀ | ಓಂ |
ಏವಮುಡ್ಡಾಮರಾತಂತ್ರಾನ್ಮಯೋದ್ಧೃತ್ಯ ಪ್ರಕಾಶಿತಮ್ || ೧೧೩ ||
ಗೋಪನೀಯಂ ಪ್ರಯತ್ನೇನ ನಾಖ್ಯೇಯಂ ಯಸ್ಯ ಕಸ್ಯಚಿತ್ |
ಯದೀಚ್ಛಸಿ ದ್ರುತಂ ಸಿದ್ಧಿಮೈಶ್ವರ್ಯಂ ಚಿರಜೀವಿತಾಮ್ || ೧೧೪ ||
ಆರೋಗ್ಯಂ ನೃಪಸಮ್ಮಾನಂ ದಾನಾನ್ಯಸ್ಯ ತು ಕೀರ್ತಯೇತ್ |
ನಾಮ್ನಾಂ ಸಹಸ್ರಂ ವಾರಾಹ್ಯಾಃ ಮಯಾ ತೇ ಸಮುದೀರಿತಮ್ || ೧೧೫ ||
ಯಃ ಪಠೇಚ್ಛೃಣುಯಾದ್ವಾಪಿ ಸರ್ವಪಾಪೈಃ ಪ್ರಮುಚ್ಯತೇ |
ಅಶ್ವಮೇಧಸಹಸ್ರಸ್ಯ ವಾಜಪೇಯಶತಸ್ಯ ಚ || ೧೧೬ ||
ಪುಂಡರೀಕಾಯುತಸ್ಯಾಪಿ ಫಲಂ ಪಾಠಾತ್ ಪ್ರಜಾಯತೇ |
ಪಠತಃ ಸರ್ವಭಾವೇನ ಸರ್ವಾ ಸ್ಯುಃ ಸಿದ್ಧಯಃ ಕರೇ || ೧೧೭ ||
ಜಾಯತೇ ಮಹದೈಶ್ವರ್ಯಂ ಸರ್ವೇಷಾಂ ದಯಿತೋ ಭವೇತ್ |
ಘನಸಾರಾಯತೇ ವಹ್ನಿರಗಾಧೋಬ್ಧಿಃ ಕಣಾಯತೇ || ೧೧೮ ||
ಸಿದ್ಧಯಶ್ಚ ತೃಣಾಯಂತೇ ವಿಷಮಪ್ಯಮೃತಾಯತೇ |
ಹಾರಾಯಂತೇ ಮಹಾಸರ್ಪಾಃ ಸಿಂಹಃ ಕ್ರೀಡಾಮೃಗಾಯತೇ || ೧೧೯ ||
ದಾಸಾಯಂತೇ ಮಹೀಪಾಲಾ ಜಗನ್ಮಿತ್ರಾಯತೇಽಖಿಲಮ್ |
ತಸ್ಮಾನ್ನಾಮ್ನಾಂ ಸಹಸ್ರೇಣ ಸ್ತುತಾ ಸಾ ಜಗದಂಬಿಕಾ |
ಪ್ರಯಚ್ಛತ್ಯಖಿಲಾನ್ ಕಾಮಾನ್ ದೇಹಾಂತೇ ಪರಮಾಂ ಗತಿಮ್ || ೧೨೦ ||
ಇತಿ ಉಡ್ಡಾಮರತಂತ್ರೇ ಶ್ರೀ ಆದಿವಾರಾಹೀ ಸಹಸ್ರನಾಮ ಸ್ತೋತ್ರಮ್ ||
ಇನ್ನಷ್ಟು ಶ್ರೀ ವಾರಾಹೀ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
