Read in తెలుగు / ಕನ್ನಡ / தமிழ் / देवनागरी / English (IAST)
ಧ್ಯಾನಂ –
ಧ್ಯಾಯೇತ್ಸೂರ್ಯಮನಂತಕೋಟಿಕಿರಣಂ ತೇಜೋಮಯಂ ಭಾಸ್ಕರಂ
ಭಕ್ತಾನಾಮಭಯಪ್ರದಂ ದಿನಕರಂ ಜ್ಯೋತಿರ್ಮಯಂ ಶಂಕರಮ್ |
ಆದಿತ್ಯಂ ಜಗದೀಶಮಚ್ಯುತಮಜಂ ತ್ರೈಲೋಕ್ಯಚೂಡಾಮಣಿಂ
ಭಕ್ತಾಭೀಷ್ಟವರಪ್ರದಂ ದಿನಮಣಿಂ ಮಾರ್ತಾಂಡಮಾದ್ಯಂ ಶುಭಮ್ || ೧ ||
ಕಾಲಾತ್ಮಾ ಸರ್ವಭೂತಾತ್ಮಾ ವೇದಾತ್ಮಾ ವಿಶ್ವತೋಮುಖಃ |
ಜನ್ಮಮೃತ್ಯುಜರಾವ್ಯಾಧಿಸಂಸಾರಭಯನಾಶನಃ || ೨ ||
ಬ್ರಹ್ಮಸ್ವರೂಪ ಉದಯೇ ಮಧ್ಯಾಹ್ನೇ ತು ಮಹೇಶ್ವರಃ |
ಅಸ್ತಕಾಲೇ ಸ್ವಯಂ ವಿಷ್ಣುಸ್ತ್ರಯೀಮೂರ್ತಿರ್ದಿವಾಕರಃ || ೩ ||
ಏಕಚಕ್ರರಥೋ ಯಸ್ಯ ದಿವ್ಯಃ ಕನಕಭೂಷಿತಃ |
ಸೋಽಯಂ ಭವತು ನಃ ಪ್ರೀತಃ ಪದ್ಮಹಸ್ತೋ ದಿವಾಕರಃ || ೪ ||
ಪದ್ಮಹಸ್ತಃ ಪರಂಜ್ಯೋತಿಃ ಪರೇಶಾಯ ನಮೋ ನಮಃ |
ಅಂಡಯೋನಿರ್ಮಹಾಸಾಕ್ಷೀ ಆದಿತ್ಯಾಯ ನಮೋ ನಮಃ || ೫ ||
ಕಮಲಾಸನ ದೇವೇಶ ಭಾನುಮೂರ್ತೇ ನಮೋ ನಮಃ |
ಧರ್ಮಮೂರ್ತಿರ್ದಯಾಮೂರ್ತಿಸ್ತತ್ತ್ವಮೂರ್ತಿರ್ನಮೋ ನಮಃ || ೬ ||
ಸಕಲೇಶಾಯ ಸೂರ್ಯಾಯ ಕ್ಷಾಂತೇಶಾಯ ನಮೋ ನಮಃ | [ಛಾಯೇಶಾಯ]
ಕ್ಷಯಾಪಸ್ಮಾರಗುಲ್ಮಾದಿದುರ್ದೋಷವ್ಯಾಧಿನಾಶನಮ್ || ೭ ||
ಸರ್ವಜ್ವರಹರಂ ಚೈವ ಕುಕ್ಷಿರೋಗನಿವಾರಣಮ್ |
ಏತತ್ ಸ್ತೋತ್ರಂ ಶಿವ ಪ್ರೋಕ್ತಂ ಸರ್ವಸಿದ್ಧಿಕರಂ ಪರಮ್ |
ಸರ್ವಸಂಪತ್ಕರಂ ಚೈವ ಸರ್ವಾಭೀಷ್ಟಪ್ರದಾಯಕಮ್ || ೮ ||
ಇತಿ ಶ್ರೀ ಸೂರ್ಯ ಸ್ತೋತ್ರಮ್ |
ಇನ್ನಷ್ಟು ಶ್ರೀ ಸೂರ್ಯ ಸ್ತೋತ್ರಗಳು ನೋಡಿ. ಇನ್ನಷ್ಟು ನವಗ್ರಹ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
