Read in తెలుగు / ಕನ್ನಡ / தமிழ் / देवनागरी / English (IAST)
ಶುಕ್ರಃ ಶುಚಿಃ ಶುಭಗುಣಃ ಶುಭದಃ ಶುಭಲಕ್ಷಣಃ |
ಶೋಭನಾಕ್ಷಃ ಶುಭ್ರರೂಪಃ ಶುದ್ಧಸ್ಫಟಿಕಭಾಸ್ವರಃ || ೧ ||
ದೀನಾರ್ತಿಹಾರಕೋ ದೈತ್ಯಗುರುಃ ದೇವಾಭಿವಂದಿತಃ |
ಕಾವ್ಯಾಸಕ್ತಃ ಕಾಮಪಾಲಃ ಕವಿಃ ಕಳ್ಯಾಣದಾಯಕಃ || ೨ ||
ಭದ್ರಮೂರ್ತಿರ್ಭದ್ರಗುಣೋ ಭಾರ್ಗವೋ ಭಕ್ತಪಾಲನಃ |
ಭೋಗದೋ ಭುವನಾಧ್ಯಕ್ಷೋ ಭುಕ್ತಿಮುಕ್ತಿಫಲಪ್ರದಃ || ೩ ||
ಚಾರುಶೀಲಶ್ಚಾರುರೂಪಶ್ಚಾರುಚಂದ್ರನಿಭಾನನಃ |
ನಿಧಿರ್ನಿಖಿಲಶಾಸ್ತ್ರಜ್ಞೋ ನೀತಿವಿದ್ಯಾಧುರಂಧರಃ || ೪ ||
ಸರ್ವಲಕ್ಷಣಸಂಪನ್ನಃ ಸರ್ವಾವಗುಣವರ್ಜಿತಃ |
ಸಮಾನಾಧಿಕನಿರ್ಮುಕ್ತಃ ಸಕಲಾಗಮಪಾರಗಃ || ೫ ||
ಭೃಗುರ್ಭೋಗಕರೋ ಭೂಮಿಸುರಪಾಲನತತ್ಪರಃ |
ಮನಸ್ವೀ ಮಾನದೋ ಮಾನ್ಯೋ ಮಾಯಾತೀತೋ ಮಹಾಶಯಃ || ೬ ||
ಬಲಿಪ್ರಸನ್ನೋಽಭಯದೋ ಬಲೀ ಬಲಪರಾಕ್ರಮಃ |
ಭವಪಾಶಪರಿತ್ಯಾಗೋ ಬಲಿಬಂಧವಿಮೋಚಕಃ || ೭ ||
ಘನಾಶಯೋ ಘನಾಧ್ಯಕ್ಷೋ ಕಂಬುಗ್ರೀವಃ ಕಳಾಧರಃ |
ಕಾರುಣ್ಯರಸಸಂಪೂರ್ಣಃ ಕಳ್ಯಾಣಗುಣವರ್ಧನಃ || ೮ ||
ಶ್ವೇತಾಂಬರಃ ಶ್ವೇತವಪುಶ್ಚತುರ್ಭುಜಸಮನ್ವಿತಃ |
ಅಕ್ಷಮಾಲಾಧರೋಽಚಿಂತ್ಯೋ ಅಕ್ಷೀಣಗುಣಭಾಸುರಃ || ೯ ||
ನಕ್ಷತ್ರಗಣಸಂಚಾರೋ ನಯದೋ ನೀತಿಮಾರ್ಗದಃ |
ವರ್ಷಪ್ರದೋ ಹೃಷೀಕೇಶಃ ಕ್ಲೇಶನಾಶಕರಃ ಕವಿಃ || ೧೦ ||
ಚಿಂತಿತಾರ್ಥಪ್ರದಃ ಶಾಂತಮತಿಃ ಚಿತ್ತಸಮಾಧಿಕೃತ್ |
ಆಧಿವ್ಯಾಧಿಹರೋ ಭೂರಿವಿಕ್ರಮಃ ಪುಣ್ಯದಾಯಕಃ || ೧೧ ||
ಪುರಾಣಪುರುಷಃ ಪೂಜ್ಯಃ ಪುರುಹೂತಾದಿಸನ್ನುತಃ |
ಅಜೇಯೋ ವಿಜಿತಾರಾತಿರ್ವಿವಿಧಾಭರಣೋಜ್ಜ್ವಲಃ || ೧೨ ||
ಕುಂದಪುಷ್ಪಪ್ರತೀಕಾಶೋ ಮಂದಹಾಸೋ ಮಹಾಮತಿಃ |
ಮುಕ್ತಾಫಲಸಮಾನಾಭೋ ಮುಕ್ತಿದೋ ಮುನಿಸನ್ನುತಃ || ೧೩ ||
ರತ್ನಸಿಂಹಾಸನಾರೂಢೋ ರಥಸ್ಥೋ ರಜತಪ್ರಭಃ |
ಸೂರ್ಯಪ್ರಾಗ್ದೇಶಸಂಚಾರಃ ಸುರಶತ್ರುಸುಹೃತ್ ಕವಿಃ || ೧೪ ||
ತುಲಾವೃಷಭರಾಶೀಶೋ ದುರ್ಧರೋ ಧರ್ಮಪಾಲಕಃ |
ಭಾಗ್ಯದೋ ಭವ್ಯಚಾರಿತ್ರೋ ಭವಪಾಶವಿಮೋಚಕಃ || ೧೫ ||
ಗೌಡದೇಶೇಶ್ವರೋ ಗೋಪ್ತಾ ಗುಣೀ ಗುಣವಿಭೂಷಣಃ |
ಜ್ಯೇಷ್ಠಾನಕ್ಷತ್ರಸಂಭೂತೋ ಜ್ಯೇಷ್ಠಃ ಶ್ರೇಷ್ಠಃ ಶುಚಿಸ್ಮಿತಃ || ೧೬ ||
ಅಪವರ್ಗಪ್ರದೋಽನಂತಃ ಸಂತಾನಫಲದಾಯಕಃ |
ಸರ್ವೈಶ್ವರ್ಯಪ್ರದಃ ಸರ್ವಗೀರ್ವಾಣಗಣಸನ್ನುತಃ || ೧೭ ||
ಏವಂ ಶುಕ್ರಗ್ರಹಸ್ಯೈವ ಕ್ರಮಾದಷ್ಟೋತ್ತರಂ ಶತಮ್ |
ಸರ್ವಪಾಪಪ್ರಶಮನಂ ಸರ್ವಪುಣ್ಯಫಲಪ್ರದಮ್ |
ಯಃ ಪಠೇಚ್ಛೃಣುಯಾದ್ವಾಪಿ ಸರ್ವಾನ್ ಕಾಮಾನವಾಪ್ನುಯಾತ್ || ೧೮ ||
ಇತಿ ಶ್ರೀ ಶುಕ್ರ ಅಷ್ಟೋತ್ತರಶತನಾಮ ಸ್ತೋತ್ರಮ್ |
ಇನ್ನಷ್ಟು ನವಗ್ರಹ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
