Read in తెలుగు / ಕನ್ನಡ / தமிழ் / देवनागरी / English (IAST)
ತಸ್ಮೈ ನಮಃ ಪರಮಕಾರಣಕಾರಣಾಯ
ದೀಪ್ತೋಜ್ಜ್ವಲಜ್ಜ್ವಲಿತಪಿಂಗಳಲೋಚನಾಯ |
ನಾಗೇಂದ್ರಹಾರಕೃತಕುಂಡಲಭೂಷಣಾಯ
ಬ್ರಹ್ಮೇಂದ್ರವಿಷ್ಣುವರದಾಯ ನಮಃ ಶಿವಾಯ || ೧ ||
ಶ್ರೀಮತ್ಪ್ರಸನ್ನಶಶಿಪನ್ನಗಭೂಷಣಾಯ
ಶೈಲೇಂದ್ರಜಾವದನಚುಂಬಿತಲೋಚನಾಯ |
ಕೈಲಾಸಮಂದರಮಹೇಂದ್ರನಿಕೇತನಾಯ
ಲೋಕತ್ರಯಾರ್ತಿಹರಣಾಯ ನಮಃ ಶಿವಾಯ || ೨ ||
ಪದ್ಮಾವದಾತಮಣಿಕುಂಡಲಗೋವೃಷಾಯ
ಕೃಷ್ಣಾಗರುಪ್ರಚುರಚಂದನಚರ್ಚಿತಾಯ |
ಭಸ್ಮಾನುಷಕ್ತವಿಕಚೋತ್ಪಲಮಲ್ಲಿಕಾಯ
ನೀಲಾಬ್ಜಕಂಠಸದೃಶಾಯ ನಮಃ ಶಿವಾಯ || ೩ ||
ಲಂಬತ್ಸಪಿಂಗಳಜಟಾಮುಕುಟೋತ್ಕಟಾಯ
ದಂಷ್ಟ್ರಾಕರಾಳವಿಕಟೋತ್ಕಟಭೈರವಾಯ |
ವ್ಯಾಘ್ರಾಜಿನಾಂಬರಧರಾಯ ಮನೋಹರಾಯ
ತ್ರೈಲೋಕ್ಯನಾಥನಮಿತಾಯ ನಮಃ ಶಿವಾಯ || ೪ ||
ದಕ್ಷಪ್ರಜಾಪತಿಮಹಾಮಖನಾಶನಾಯ
ಕ್ಷಿಪ್ರಂ ಮಹಾತ್ರಿಪುರದಾನವಘಾತನಾಯ |
ಬ್ರಹ್ಮೋರ್ಜಿತೋರ್ಧ್ವಗಕರೋಟಿನಿಕೃಂತನಾಯ
ಯೋಗಾಯ ಯೋಗನಮಿತಾಯ ನಮಃ ಶಿವಾಯ || ೫ ||
ಸಂಸಾರಸೃಷ್ಟಿಘಟನಾಪರಿವರ್ತನಾಯ
ರಕ್ಷಃ ಪಿಶಾಚಗಣಸಿದ್ಧಸಮಾಕುಲಾಯ |
ಸಿದ್ಧೋರಗಗ್ರಹಗಣೇಂದ್ರನಿಷೇವಿತಾಯ
ಶಾರ್ದೂಲಚರ್ಮವಸನಾಯ ನಮಃ ಶಿವಾಯ || ೬ ||
ಭಸ್ಮಾಂಗರಾಗಕೃತರೂಪಮನೋಹರಾಯ
ಸೌಮ್ಯಾವದಾತವನಮಾಶ್ರಿತಮಾಶ್ರಿತಾಯ |
ಗೌರೀಕಟಾಕ್ಷನಯನಾರ್ಧನಿರೀಕ್ಷಣಾಯ
ಗೋಕ್ಷೀರಧಾರಧವಳಾಯ ನಮಃ ಶಿವಾಯ || ೭ ||
ಆದಿತ್ಯಸೋಮವರುಣಾನಿಲಸೇವಿತಾಯ
ಯಜ್ಞಾಗ್ನಿಹೋತ್ರವರಧೂಮನಿಕೇತನಾಯ |
ಋಕ್ಸಾಮವೇದಮುನಿಭಿಃ ಸ್ತುತಿಸಂಯುತಾಯ
ಗೋಪಾಯ ಗೋಪನಮಿತಾಯ ನಮಃ ಶಿವಾಯ || ೮ ||
ಇತಿ ಶ್ರೀಮಚ್ಛಂಕರಾಚಾರ್ಯಕೃತ ಶಿವಾಷ್ಟಕಮ್ |
ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ.
గమనిక: "శ్రీ కాళికా స్తోత్రనిధి" విడుదల చేశాము. కొనుగోలుకు అందుబాటులో ఉంది. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
