Sri Shiva Ashtakam 3 (Shankaracharya Kritam) – ஶ்ரீ ஶிவாஷ்டகம் 3 (ஶங்கராசார்ய க்ருதம்)

ஸ்தோத்ரநிதி → ஶ்ரீ ஶிவ ஸ்தோத்திரங்கள் → ஶ்ரீ ஶிவாஷ்டகம் 3 (ஶங்கராசார்ய க்ருதம்)

தஸ்மை நம꞉ பரமகாரணகாரணாய
தீ³ப்தோஜ்ஜ்வலஜ்ஜ்வலிதபிங்க³ளலோசநாய ।
நாகே³ந்த்³ரஹாரக்ருதகுண்ட³லபூ⁴ஷணாய
ப்³ரஹ்மேந்த்³ரவிஷ்ணுவரதா³ய நம꞉ ஶிவாய ॥ 1 ॥

ஶ்ரீமத்ப்ரஸந்நஶஶிபந்நக³பூ⁴ஷணாய
ஶைலேந்த்³ரஜாவத³நசும்பி³தலோசநாய ।
கைலாஸமந்த³ரமஹேந்த்³ரநிகேதநாய
லோகத்ரயார்திஹரணாய நம꞉ ஶிவாய ॥ 2 ॥

பத்³மாவதா³தமணிகுண்ட³லகோ³வ்ருஷாய
க்ருஷ்ணாக³ருப்ரசுரசந்த³நசர்சிதாய ।
ப⁴ஸ்மாநுஷக்தவிகசோத்பலமல்லிகாய
நீலாப்³ஜகண்ட²ஸத்³ருஶாய நம꞉ ஶிவாய ॥ 3 ॥

லம்ப³த்ஸபிங்க³ளஜடாமுகுடோத்கடாய
த³ம்ஷ்ட்ராகராளவிகடோத்கடபை⁴ரவாய ।
வ்யாக்⁴ராஜிநாம்ப³ரத⁴ராய மநோஹராய
த்ரைலோக்யநாத²நமிதாய நம꞉ ஶிவாய ॥ 4 ॥

த³க்ஷப்ரஜாபதிமஹாமக²நாஶநாய
க்ஷிப்ரம் மஹாத்ரிபுரதா³நவகா⁴தநாய ।
ப்³ரஹ்மோர்ஜிதோர்த்⁴வக³கரோடிநிக்ருந்தநாய
யோகா³ய யோக³நமிதாய நம꞉ ஶிவாய ॥ 5 ॥

ஸம்ஸாரஸ்ருஷ்டிக⁴டநாபரிவர்தநாய
ரக்ஷ꞉ பிஶாசக³ணஸித்³த⁴ஸமாகுலாய ।
ஸித்³தோ⁴ரக³க்³ரஹக³ணேந்த்³ரநிஷேவிதாய
ஶார்தூ³ளசர்மவஸநாய நம꞉ ஶிவாய ॥ 6 ॥

ப⁴ஸ்மாங்க³ராக³க்ருதரூபமநோஹராய
ஸௌம்யாவதா³தவநமாஶ்ரிதமாஶ்ரிதாய ।
கௌ³ரீகடாக்ஷநயநார்த⁴நிரீக்ஷணாய
கோ³க்ஷீரதா⁴ரத⁴வளாய நம꞉ ஶிவாய ॥ 7 ॥

ஆதி³த்யஸோமவருணாநிலஸேவிதாய
யஜ்ஞாக்³நிஹோத்ரவரதூ⁴மநிகேதநாய ।
ருக்ஸாமவேத³முநிபி⁴꞉ ஸ்துதிஸம்யுதாய
கோ³பாய கோ³பநமிதாய நம꞉ ஶிவாய ॥ 8 ॥

இதி ஶ்ரீமச்ச²ங்கராசார்யக்ருத ஶிவாஷ்டகம் ।

---

மேலும் ஶ்ரீ ஶிவ ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.