Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರೀವಲ್ಲಭಸೋದರೀ ಶ್ರಿತಜನಶ್ಚಿದ್ದಾಯಿನೀ ಶ್ರೀಮತೀ
ಶ್ರೀಕಂಠಾರ್ಧಶರೀರಗಾ ಶ್ರುತಿಲಸನ್ಮಾಣಿಕ್ಯತಾಟಂಕಕಾ |
ಶ್ರೀಚಕ್ರಾಂತರವಾಸಿನೀ ಶ್ರುತಿಶಿರಃ ಸಿದ್ಧಾಂತಮಾರ್ಗಪ್ರಿಯಾ
ಶ್ರೀವಾಣೀ ಗಿರಿಜಾತ್ಮಿಕಾ ಭಗವತೀ ಶಾಕಂಭರೀ ಪಾತು ಮಾಮ್ || ೧ ||
ಶಾಂತಾ ಶಾರದಚಂದ್ರಸುಂದರಮುಖೀ ಶಾಲ್ಯನ್ನಭೋಜ್ಯಪ್ರಿಯಾ
ಶಾಕೈಃ ಪಾಲಿತವಿಷ್ಟಪಾ ಶತದೃಶಾ ಶಾಕೋಲ್ಲಸದ್ವಿಗ್ರಹಾ |
ಶ್ಯಾಮಾಂಗೀ ಶರಣಾಗತಾರ್ತಿಶಮನೀ ಶಕ್ರಾದಿಭಿಃ ಸಂಸ್ತುತಾ
ಶಂಕರ್ಯಷ್ಟಫಲಪ್ರದಾ ಭಗವತೀ ಶಾಕಂಭರೀ ಪಾತು ಮಾಮ್ || ೨ ||
ಕಂಜಾಕ್ಷೀ ಕಲಶೀ ಭವಾದಿವಿನುತಾ ಕಾತ್ಯಾಯನೀ ಕಾಮದಾ
ಕಲ್ಯಾಣೀ ಕಮಲಾಲಯಾ ಕರಕೃತಾಂಭೋಜಾಸಿಖೇಟಾಭಯಾ |
ಕಾದಂವಾಸವಮೋದಿನೀ ಕುಚಲಸತ್ಕಾಶ್ಮೀರಜಾಲೇಪನಾ
ಕಸ್ತೂರೀತಿಲಕಾಂಚಿತಾ ಭಗವತೀ ಶಾಕಂಭರೀ ಪಾತು ಮಾಮ್ || ೩ ||
ಭಕ್ತಾನಂದವಿಧಾಯಿನೀ ಭವಭಯಪ್ರಧ್ವಂಸಿನೀ ಭೈರವೀ
ಭಸ್ಮಾಲಂಕೃತಿಭಾಸುರಾ ಭುವನಭೀಕೃದ್ದುರ್ಗದರ್ಪಾಪಹಾ |
ಭೂಭೃನ್ನಾಯಕನಂದಿನೀ ಭುವನಸೂರ್ಭಾಸ್ವತ್ಪರಃ ಕೋಟಿಭಾ
ಭೌಮಾನಂದವಿಹಾರಿಣೀ ಭಗವತೀ ಶಾಕಂಭರೀ ಪಾತು ಮಾಮ್ || ೪ ||
ರೀತಾಮ್ನಾಯಶಿಖಾಸು ರಕ್ತದಶನಾ ರಾಜೀವಪತ್ರೇಕ್ಷಣಾ
ರಾಕಾರಾಜಕರಾವದಾತಹಸಿತಾ ರಾಕೇಂದುಬಿಂಬಸ್ಥಿತಾ |
ರುದ್ರಾಣೀ ರಜನೀಕರಾರ್ಭಕಲಸನ್ಮೌಲೀ ರಜೋರುಪಿಣೀ
ರಕ್ಷಃ ಶಿಕ್ಷಣದೀಕ್ಷಿತಾ ಭಗವತೀ ಶಾಕಂಭರೀ ಪಾತು ಮಾಮ್ || ೫ ||
ಶ್ಲೋಕಾನಾಮಿಹ ಪಂಚಕಂ ಪಠತಿ ಯಃ ಸ್ತೋತ್ರಾತ್ಮಕಂ ಶರ್ಮದಂ
ಸರ್ವಾಪತ್ತಿವಿನಾಶಕಂ ಪ್ರತಿದಿನಂ ಭಕ್ತ್ಯಾ ತ್ರಿಸಂಧ್ಯಂ ನರಃ |
ಆಯುಃಪೂರ್ಣಮಪಾರಮರ್ಥಮಮಲಾಂ ಕೀರ್ತಿಂ ಪ್ರಜಾಮಕ್ಷಯಾಂ
ಶಾಕಂಭರ್ಯನುಕಂಪಯಾ ಸ ಲಭತೇ ವಿದ್ಯಾಂ ಚ ವಿಶ್ವಾರ್ಥಕಾಮ್ || ೬ ||
ಇತಿ ಶ್ರೀಮಚ್ಛಂಕರಾಚಾರ್ಯವಿರಚಿತಂ ಶಾಕಂಭರೀ ಪಂಚಕಮ್ ||
ಇನ್ನಷ್ಟು ದೇವೀ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
