Read in తెలుగు / ಕನ್ನಡ / தமிழ் / देवनागरी / English (IAST)
ಕಂಜಾತಪತ್ರಾಯತಲೋಚನಾಯ
ಕರ್ಣಾವತಂಸೋಜ್ಜ್ವಲಕುಂಡಲಾಯ |
ಕಾರುಣ್ಯಪಾತ್ರಾಯ ಸುವಂಶಜಾಯ
ನಮೋಽಸ್ತು ರಾಮಾಯ ಸಲಕ್ಷ್ಮಣಾಯ || ೧ ||
ವಿದ್ಯುನ್ನಿಭಾಂಭೋದಸುವಿಗ್ರಹಾಯ
ವಿದ್ಯಾಧರೈಃ ಸಂಸ್ತುತಸದ್ಗುಣಾಯ |
ವೀರಾವತಾರಾಯ ವಿರೋಧಿಹಂತ್ರೇ
ನಮೋಽಸ್ತು ರಾಮಾಯ ಸಲಕ್ಷ್ಮಣಾಯ || ೨ ||
ಸಂಸಕ್ತದಿವ್ಯಾಯುಧಕಾರ್ಮುಕಾಯ
ಸಮುದ್ರಗರ್ವಾಪಹರಾಯುಧಾಯ |
ಸುಗ್ರೀವಮಿತ್ರಾಯ ಸುರಾರಿಹಂತ್ರೇ
ನಮೋಽಸ್ತು ರಾಮಾಯ ಸಲಕ್ಷ್ಮಣಾಯ || ೩ ||
ಪೀತಾಂಬರಾಲಂಕೃತಮಧ್ಯಕಾಯ
ಪಿತಾಮಹೇಂದ್ರಾಮರವಂದಿತಾಯ |
ಪಿತ್ರೇ ಸ್ವಭಕ್ತಸ್ಯ ಜನಸ್ಯ ಮಾತ್ರೇ
ನಮೋಽಸ್ತು ರಾಮಾಯ ಸಲಕ್ಷ್ಮಣಾಯ || ೪ ||
ನಮೋ ನಮಸ್ತೇಽಖಿಲಪೂಜಿತಾಯ
ನಮೋ ನಮಶ್ಚಂದ್ರನಿಭಾನನಾಯ |
ನಮೋ ನಮಸ್ತೇ ರಘುವಂಶಜಾಯ
ನಮೋಽಸ್ತು ರಾಮಾಯ ಸಲಕ್ಷ್ಮಣಾಯ || ೫ ||
ಇಮಾನಿ ಪಂಚರತ್ನಾನಿ ತ್ರಿಸಂಧ್ಯಂ ಯಃ ಪಠೇನ್ನರಃ |
ಸರ್ವಪಾಪವಿನಿರ್ಮುಕ್ತಃ ಸ ಯಾತಿ ಪರಮಾಂ ಗತಿಮ್ || ೬ ||
ಇತಿ ಶ್ರೀರಾಮಕರ್ಣಾಮೃತಾಂತರ್ಗತಂ ಶ್ರೀರಾಮಪಂಚರತ್ನಮ್ |
ಇನ್ನಷ್ಟು ಶ್ರೀ ರಾಮ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
