Sri Rahu Panchavimshati Nama Stotram – ಶ್ರೀ ರಾಹು ಪಂಚವಿಂಶತಿನಾಮ ಸ್ತೋತ್ರಂ

ಸ್ತೋತ್ರನಿಧಿ → ನವಗ್ರಹ ಸ್ತೋತ್ರಗಳು → ಶ್ರೀ ರಾಹು ಪಂಚವಿಂಶತಿನಾಮ ಸ್ತೋತ್ರಂ

ರಾಹುರ್ದಾನವಮಂತ್ರೀ ಚ ಸಿಂಹಿಕಾಚಿತ್ತನಂದನಃ |
ಅರ್ಧಕಾಯಃ ಸದಾ ಕ್ರೋಧೀ ಚಂದ್ರಾದಿತ್ಯವಿಮರ್ದನಃ || ೧ ||

ರೌದ್ರೋ ರುದ್ರಪ್ರಿಯೋ ದೈತ್ಯಃ ಸ್ವರ್ಭಾನುರ್ಭಾನುಭೀತಿದಃ |
ಗ್ರಹರಾಜಃ ಸುಧಾಪಾಯೀ ರಾಕಾತಿಥ್ಯಭಿಲಾಷಕಃ || ೨ ||

ಕಾಲದೃಷ್ಟಿಃ ಕಾಲರೂಪಃ ಶ್ರೀಕಂಠಹೃದಯಾಶ್ರಯಃ |
ವಿಧುಂತುದಃ ಸೈಂಹಿಕೇಯೋ ಘೋರರೂಪೋ ಮಹಾಬಲಃ || ೩ ||

ಗ್ರಹಪೀಡಾಕರೋ ದಂಷ್ಟ್ರೀ ರಕ್ತನೇತ್ರೋ ಮಹೋದರಃ |
ಪಂಚವಿಂಶತಿನಾಮಾನಿ ಸ್ಮೃತ್ವಾ ರಾಹುಂ ಸದಾ ನರಃ || ೪ ||

ಯಃ ಪಠೇನ್ಮಹತೀ ಪೀಡಾ ತಸ್ಯ ನಶ್ಯತಿ ಕೇವಲಮ್ |
ಆರೋಗ್ಯಂ ಪುತ್ರಮತುಲಾಂ ಶ್ರಿಯಂ ಧಾನ್ಯಂ ಪಶೂಂಸ್ತಥಾ || ೫ ||

ದದಾತಿ ರಾಹುಸ್ತಸ್ಮೈ ತು ಯಃ ಪಠೇತ್ ಸ್ತೋತ್ರಮುತ್ತಮಮ್ |
ಸತತಂ ಪಠತೇ ಯಸ್ತು ಜೀವೇದ್ವರ್ಷಶತಂ ನರಃ || ೬ ||

ಇತಿ ಶ್ರೀಸ್ಕಂದಪುರಾಣೇ ಶ್ರೀ ರಾಹು ಪಂಚವಿಂಶತಿನಾಮ ಸ್ತೋತ್ರಮ್ ||

---

ಇನ್ನಷ್ಟು ನವಗ್ರಹ ಸ್ತೋತ್ರಗಳು ನೋಡಿ.

Did you see any mistake/variation in the content above? Click here to report mistakes and corrections in Stotranidhi content.