Sri Rahu Panchavimshati Nama Stotram – ஶ்ரீ ராஹு பஞ்சவிம்ஶதிநாம ஸ்தோத்ரம்

ராஹுர்தா³நவமந்த்ரீ ச ஸிம்ஹிகாசித்தநந்த³ந꞉ ।
அர்த⁴காய꞉ ஸதா³ க்ரோதீ⁴ சந்த்³ராதி³த்யவிமர்த³ந꞉ ॥ 1 ॥

ரௌத்³ரோ ருத்³ரப்ரியோ தை³த்ய꞉ ஸ்வர்பா⁴நுர்பா⁴நுபீ⁴தித³꞉ ।
க்³ரஹராஜ꞉ ஸுதா⁴பாயீ ராகாதித்²யபி⁴லாஷக꞉ ॥ 2 ॥

காலத்³ருஷ்டி꞉ காலரூப꞉ ஶ்ரீகண்ட²ஹ்ருத³யாஶ்ரய꞉ ।
விது⁴ந்துத³꞉ ஸைம்ஹிகேயோ கோ⁴ரரூபோ மஹாப³ல꞉ ॥ 3 ॥

க்³ரஹபீடா³கரோ த³ம்ஷ்ட்ரீ ரக்தநேத்ரோ மஹோத³ர꞉ ।
பஞ்சவிம்ஶதிநாமாநி ஸ்ம்ருத்வா ராஹும் ஸதா³ நர꞉ ॥ 4 ॥

ய꞉ படே²ந்மஹதீ பீடா³ தஸ்ய நஶ்யதி கேவலம் ।
ஆரோக்³யம் புத்ரமதுலாம் ஶ்ரியம் தா⁴ந்யம் பஶூம்ஸ்ததா² ॥ 5 ॥

த³தா³தி ராஹுஸ்தஸ்மை து ய꞉ படே²த் ஸ்தோத்ரமுத்தமம் ।
ஸததம் பட²தே யஸ்து ஜீவேத்³வர்ஷஶதம் நர꞉ ॥ 6 ॥

இதி ஶ்ரீஸ்கந்த³புராணே ஶ்ரீ ராஹு பஞ்சவிம்ஶதிநாம ஸ்தோத்ரம் ॥

Did you see any mistake/variation in the content above? Click here to report mistakes and corrections in Stotranidhi content.