Sri Rahu Stotram 2 – ஶ்ரீ ராஹு ஸ்தோத்ரம் – 2

ஸ்தோத்ரநிதி → நவக்³ரஹ ஸ்தோத்திரங்கள் → ஶ்ரீ ராஹு ஸ்தோத்ரம் – 2

அஸ்ய ஶ்ரீ ராஹுஸ்தோத்ரமஹாமந்த்ரஸ்ய வாமதே³வ ருஷி꞉, அநுஷ்டுப் ச²ந்த³꞉, ராஹுர்தே³வதா, ஶ்ரீ ராஹுக்³ரஹ ப்ரஸாத³ஸித்³த்⁴யர்தே² ஜபே விநியோக³꞉ ।

கஶ்யப உவாச ।
ஶ்ருண்வந்து முநய꞉ ஸர்வே ராஹுப்ரீதிகரம் ஸ்தவம் ।
ஸர்வரோக³ப்ரஶமநம் விஷபீ⁴திஹரம் பரம் ॥ 1 ॥

ஸர்வஸம்பத்கரம் சைவ கு³ஹ்யமேதத³நுத்தமம் ।
ஆத³ரேண ப்ரவக்ஷ்யாமி ஶ்ரூயதாமவதா⁴நத꞉ ॥ 2 ॥

ராஹு꞉ ஸூர்யரிபுஶ்சைவ விஷஜ்வாலீ ப⁴யாநக꞉ ।
ஸுதா⁴ம்ஶுவைரி꞉ ஶ்யாமாத்மா விஷ்ணுசக்ராஹிதோ ப³லீ ॥ 3 ॥

பு⁴ஜகே³ஶஸ்தீக்ஷ்ணத³ம்ஷ்ட்ர꞉ க்ரூரகர்மா க்³ரஹாதி⁴ப꞉ ।
த்³வாத³ஶைதாநி நாமாநி நித்யம் யோ நியத꞉ படே²த் ॥ 4 ॥

ஜப்த்வா து ப்ரதிமாம் சைவ ஸீஸஜாம் மாஷஸம்ஸ்தி²தாம் ।
நீலைர்க³ந்தா⁴க்ஷதை꞉ புஷ்பைர்ப⁴க்த்யா ஸம்பூஜ்ய யத்நத꞉ ॥ 5 ॥

விதி⁴நா வஹ்நிமாதா³ய தூ³ர்வாந்நாஜ்யாஹுதீ꞉ க்ரமாத் ।
தந்மந்த்ரேணைவ ஜுஹுயாத்³யாவத³ஷ்டோத்தரம் ஶதம் ॥ 6 ॥

ஹுத்வைவம் ப⁴க்திமாந் ராஹும் ப்ரார்த²யேத்³க்³ரஹநாயகம் ।
ஸர்வாபத்³விநிவ்ருத்யர்த²ம் ப்ராஞ்ஜலி꞉ ப்ரணதோ நர꞉ ॥ 7 ॥

ராஹோ கராளவத³ந ரவிசந்த்³ரப⁴யங்கர ।
தமோரூப நமஸ்துப்⁴யம் ப்ரஸாத³ம் குரு ஸர்வதா³ ॥ 8 ॥

ஸிம்ஹிகாஸுத ஸூர்யாரே ஸித்³த⁴க³ந்த⁴ர்வபூஜித ।
ஸிம்ஹவாஹ நமஸ்துப்⁴யம் ஸர்வாந் ரோகா³ந் நிவாரய ॥ 9 ॥

க்ருபாணப²லகாஹஸ்த த்ரிஶூலிந் வரதா³யக ।
கராளாதிகராளாஸ்ய க³தா³ந்மே நாஶயாகி²லாந் ॥ 10 ॥

ஸ்வர்பா⁴நோ ஸர்பவத³ந ஸுதா⁴கரவிமர்த³ந ।
ஸுராஸுரவரஸ்துத்ய ஸர்வதா³ த்வம் ப்ரஸீத³ மே ॥ 11 ॥

இதி ஸம்ப்ரார்தி²தோ ராஹு꞉ து³ஷ்டஸ்தா²நக³தோ(அ)பி வா ।
ஸுப்ரீதோ ஜாயதே தஸ்ய ஸர்வாந் ரோகா³ந் விநாஶயேத் ॥ 12 ॥

விஷாந்ந ஜாயதே பீ⁴தி꞉ மஹாரோக³ஸ்ய கா கதா² ।
ஸர்வாந் காமாநவாப்நோதி நஷ்டம் ராஜ்யமவாப்நுயாத் ॥ 13 ॥

ஏவம் படே²த³நுதி³நம் ஸ்தவராஜமேதம்
மர்த்ய꞉ ப்ரஸந்நஹ்ருத³யோ விஜிதேந்த்³ரியோ ய꞉ ।
ஆரோக்³யமாயுரதுலம் லப⁴தே ஸுபுத்ராந்
ஸர்வேக்³ரஹா விஷமகா³꞉ ஸுரதிப்ரஸந்நா꞉ ॥ 14 ॥

இதி ஶ்ரீ ராஹு ஸ்தோத்ரம் ।

---

மேலும் நவக்ரஹ ஸ்தோத்திரங்கள் காண்க.

---