Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “నవగ్రహ స్తోత్రనిధి” పారాయణ గ్రంథములో కూడా ఉన్నది. Click here to buy.]
అస్య శ్రీ రాహుస్తోత్రమహామంత్రస్య వామదేవ ఋషిః, అనుష్టుప్ ఛందః, రాహుర్దేవతా, శ్రీ రాహుగ్రహ ప్రసాదసిద్ధ్యర్థే జపే వినియోగః |
కశ్యప ఉవాచ |
శృణ్వంతు మునయః సర్వే రాహుప్రీతికరం స్తవమ్ |
సర్వరోగప్రశమనం విషభీతిహరం పరమ్ || ౧ ||
సర్వసంపత్కరం చైవ గుహ్యమేతదనుత్తమమ్ |
ఆదరేణ ప్రవక్ష్యామి శ్రూయతామవధానతః || ౨ ||
రాహుః సూర్యరిపుశ్చైవ విషజ్వాలీ భయానకః |
సుధాంశువైరిః శ్యామాత్మా విష్ణుచక్రాహితో బలీ || ౩ ||
భుజగేశస్తీక్ష్ణదంష్ట్రః క్రూరకర్మా గ్రహాధిపః |
ద్వాదశైతాని నామాని నిత్యం యో నియతః పఠేత్ || ౪ ||
జప్త్వా తు ప్రతిమాం చైవ సీసజాం మాషసంస్థితామ్ |
నీలైర్గంధాక్షతైః పుష్పైర్భక్త్యా సంపూజ్య యత్నతః || ౫ ||
విధినా వహ్నిమాదాయ దూర్వాన్నాజ్యాహుతీః క్రమాత్ |
తన్మంత్రేణైవ జుహుయాద్యావదష్టోత్తరం శతమ్ || ౬ ||
హుత్వైవం భక్తిమాన్ రాహుం ప్రార్థయేద్గ్రహనాయకమ్ |
సర్వాపద్వినివృత్యర్థం ప్రాంజలిః ప్రణతో నరః || ౭ ||
రాహో కరాళవదన రవిచంద్రభయంకర |
తమోరూప నమస్తుభ్యం ప్రసాదం కురు సర్వదా || ౮ ||
సింహికాసుత సూర్యారే సిద్ధగంధర్వపూజిత |
సింహవాహ నమస్తుభ్యం సర్వాన్ రోగాన్ నివారయ || ౯ ||
కృపాణఫలకాహస్త త్రిశూలిన్ వరదాయక |
కరాళాతికరాళాస్య గదాన్మే నాశయాఖిలాన్ || ౧౦ ||
స్వర్భానో సర్పవదన సుధాకరవిమర్దన |
సురాసురవరస్తుత్య సర్వదా త్వం ప్రసీద మే || ౧౧ ||
ఇతి సంప్రార్థితో రాహుః దుష్టస్థానగతోఽపి వా |
సుప్రీతో జాయతే తస్య సర్వాన్ రోగాన్ వినాశయేత్ || ౧౨ ||
విషాన్న జాయతే భీతిః మహారోగస్య కా కథా |
సర్వాన్ కామానవాప్నోతి నష్టం రాజ్యమవాప్నుయాత్ || ౧౩ ||
ఏవం పఠేదనుదినం స్తవరాజమేతం
మర్త్యః ప్రసన్నహృదయో విజితేంద్రియో యః |
ఆరోగ్యమాయురతులం లభతే సుపుత్రాన్
సర్వేగ్రహా విషమగాః సురతిప్రసన్నాః || ౧౪ ||
ఇతి శ్రీ రాహు స్తోత్రమ్ |
గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.
నవగ్రహ స్తోత్రనిధి
(నిత్య పారాయణ గ్రంథము)
మరిన్ని నవగ్రహ స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
