Read in తెలుగు / ಕನ್ನಡ / தமிழ் / देवनागरी / English (IAST)
asya śrī rāhustōtramahāmantrasya vāmadēva r̥ṣiḥ, anuṣṭup chandaḥ, rāhurdēvatā, śrī rāhugraha prasādasiddhyarthē japē viniyōgaḥ |
kaśyapa uvāca |
śr̥ṇvantu munayaḥ sarvē rāhuprītikaraṁ stavam |
sarvarōgapraśamanaṁ viṣabhītiharaṁ param || 1 ||
sarvasampatkaraṁ caiva guhyamētadanuttamam |
ādarēṇa pravakṣyāmi śrūyatāmavadhānataḥ || 2 ||
rāhuḥ sūryaripuścaiva viṣajvālī bhayānakaḥ |
sudhāṁśuvairiḥ śyāmātmā viṣṇucakrāhitō balī || 3 ||
bhujagēśastīkṣṇadaṁṣṭraḥ krūrakarmā grahādhipaḥ |
dvādaśaitāni nāmāni nityaṁ yō niyataḥ paṭhēt || 4 ||
japtvā tu pratimāṁ caiva sīsajāṁ māṣasaṁsthitām |
nīlairgandhākṣataiḥ puṣpairbhaktyā sampūjya yatnataḥ || 5 ||
vidhinā vahnimādāya dūrvānnājyāhutīḥ kramāt |
tanmantrēṇaiva juhuyādyāvadaṣṭōttaraṁ śatam || 6 ||
hutvaivaṁ bhaktimān rāhuṁ prārthayēdgrahanāyakam |
sarvāpadvinivr̥tyarthaṁ prāñjaliḥ praṇatō naraḥ || 7 ||
rāhō karālavadana ravicandrabhayaṅkara |
tamōrūpa namastubhyaṁ prasādaṁ kuru sarvadā || 8 ||
siṁhikāsuta sūryārē siddhagandharvapūjita |
siṁhavāha namastubhyaṁ sarvān rōgān nivāraya || 9 ||
kr̥pāṇaphalakāhasta triśūlin varadāyaka |
karālātikarālāsya gadānmē nāśayākhilān || 10 ||
svarbhānō sarpavadana sudhākaravimardana |
surāsuravarastutya sarvadā tvaṁ prasīda mē || 11 ||
iti samprārthitō rāhuḥ duṣṭasthānagatō:’pi vā |
suprītō jāyatē tasya sarvān rōgān vināśayēt || 12 ||
viṣānna jāyatē bhītiḥ mahārōgasya kā kathā |
sarvān kāmānavāpnōti naṣṭaṁ rājyamavāpnuyāt || 13 ||
ēvaṁ paṭhēdanudinaṁ stavarājamētaṁ
martyaḥ prasannahr̥dayō vijitēndriyō yaḥ |
ārōgyamāyuratulaṁ labhatē suputrān
sarvēgrahā viṣamagāḥ suratiprasannāḥ || 14 ||
iti śrī rāhu stōtram |
See more navagraha stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
