Read in తెలుగు / ಕನ್ನಡ / தமிழ் / देवनागरी / English (IAST)
ಈಶ್ವರ ಉವಾಚ |
ಶೃಣು ದೇವಿ ಪ್ರವಕ್ಷ್ಯಾಮಿ ಸಾಂಪ್ರತಂ ತತ್ಪುರಾತನಮ್ |
ಸಹಸ್ರನಾಮ ಪರಮಂ ಪ್ರತ್ಯಂಗಿರಾರ್ಥ ಸಿದ್ಧಯೇ || ೧ ||
ಸಹಸ್ರನಾಮಪಾಠೇನ ಸರ್ವತ್ರ ವಿಜಯೀ ಭವೇತ್ |
ಪರಾಭವೋ ನ ಚಾಸ್ಯಾಸ್ತಿ ಸಭಾಯಾಂ ವಾ ವನೇ ರಣೇ || ೨ ||
ತಥಾ ತುಷ್ಟಾ ಭವೇದ್ದೇವೀ ಪ್ರತ್ಯಂಗಿರಾಽಸ್ಯ ಪಾಠತಃ |
ಯಥಾ ಭವತಿ ದೇವೇಶಿ ಸಾಧಕಃ ಶಿವ ಏವ ಹಿ || ೩ ||
ಅಶ್ವಮೇಧಸಹಸ್ರಾಣಿ ವಾಜಪೇಯಸ್ಯ ಕೋಟಯಃ |
ಸಕೃತ್ಪಾಠೇನ ಜಾಯಂತೇ ಪ್ರಸನ್ನಾ ಪ್ರತ್ಯಂಗಿರಾ ಭವೇತ್ || ೪ ||
ಭೈರವೋಽಸ್ಯ ಋಷಿಶ್ಛಂದೋಽನುಷ್ಟುಪ್ ದೇವೀ ಸಮೀರಿತಾ |
ಪ್ರತ್ಯಂಗಿರಾ ವಿನಿಯೋಗಃ ಸರ್ವಸಂಪತ್ತಿ ಹೇತವೇ || ೫ ||
ಸರ್ವಕಾರ್ಯೇಷು ಸಂಸಿದ್ಧಿಃ ಸರ್ವಸಂಪತ್ತಿದಾ ಭವೇತ್ |
ಏವಂ ಧ್ಯಾತ್ವಾ ಪಠೇದೇತದ್ಯದೀಚ್ಛೇದಾತ್ಮನೋ ಹಿತಮ್ || ೬ ||
ಅಸ್ಯ ಶ್ರೀಪ್ರತ್ಯಂಗಿರಾ ಸಹಸ್ರನಾಮಮಹಾಮಂತ್ರಸ್ಯ ಭೈರವ ಋಷಿಃ ಅನುಷ್ಟುಪ್ ಛಂದಃ ಶ್ರೀಮಹಾಪ್ರತ್ಯಂಗಿರಾ ದೇವತಾ ಹ್ರೀಂ ಬೀಜಂ ಶ್ರೀಂ ಶಕ್ತಿಃ ಸ್ವಾಹಾ ಕೀಲಕಂ ಪರಕೃತ್ಯಾವಿನಾಶಾರ್ಥೇ ಜಪೇ ಪಾಠೇ ವಿನಿಯೋಗಃ ||
ಕರನ್ಯಾಸಃ –
ಓಂ ಹ್ರಾಂ ಅಂಗುಷ್ಠಾಭ್ಯಾಂ ನಮಃ |
ಓಂ ಹ್ರೀಂ ತರ್ಜನೀಭ್ಯಾಂ ನಮಃ |
ಓಂ ಹ್ರೂಂ ಮಧ್ಯಮಾಭ್ಯಾಂ ನಮಃ |
ಓಂ ಹ್ರೈಂ ಅನಾಮಿಕಾಭ್ಯಾಂ ನಮಃ |
ಓಂ ಹ್ರೌಂ ಕನಿಷ್ಠಿಕಾಭ್ಯಾಂ ನಮಃ |
ಓಂ ಹ್ರಃ ಕರತಲ ಕರಪೃಷ್ಠಾಭ್ಯಾಂ ನಮಃ |
ಹೃದಯಾದಿ ನ್ಯಾಸಃ –
ಓಂ ಹ್ರಾಂ ಹೃದಯಾಯ ನಮಃ |
ಓಂ ಹ್ರೀಂ ಶಿರಸೇ ಸ್ವಾಹಾ |
ಓಂ ಹ್ರೂಂ ಶಿಖಾಯೈ ವಷಟ್ |
ಓಂ ಹ್ರೈಂ ಕವಚಾಯ ಹುಮ್ |
ಓಂ ಹ್ರೌಂ ನೇತ್ರತ್ರಯಾಯ ವೌಷಟ್ |
ಓಂ ಹ್ರಃ ಅಸ್ತ್ರಾಯ ಫಟ್ |
ಧ್ಯಾನಮ್ –
ಆಶಾಂಬರಾ ಮುಕ್ತಕಚಾ ಘನಚ್ಛವಿ-
-ರ್ಧ್ಯೇಯಾ ಸಚರ್ಮಾಸಿಕರಾ ಹಿ ಭೂಷಣಾ |
ದಂಷ್ಟ್ರೋಗ್ರವಕ್ತ್ರಾ ಗ್ರಸಿತಾ ಹಿತಾ ತ್ವಯಾ
ಪ್ರತ್ಯಂಗಿರಾ ಶಂಕರತೇಜಸೇರಿತಾ ||
ಸ್ತೋತ್ರಮ್ –
ದೇವೀ ಪ್ರತ್ಯಂಗಿರಾ ದಿವ್ಯಾ ಸರಸಾ ಶಶಿಶೇಖರಾ |
ಸುಮನಾ ಸಾಮಿಧೇತೀ ಚ ಸಮಸ್ತಸುರಶೇಮುಷೀ || ೧ ||
ಸರ್ವಸಂಪತ್ತಿಜನನೀ ಸರ್ವದಾ ಸಿಂಧುಸೇವಿನೀ |
ಶಂಭುಸೀಮಂತಿನೀ ಸೀಮಾ ಸುರಾರಾಧ್ಯಾ ಸುಧಾರಸಾ || ೨ ||
ರಸಾ ರಸವತೀ ವೇಲಾ ವನ್ಯಾ ಚ ವನಮಾಲಿನೀ |
ವನಜಾಕ್ಷೀ ವನಚರೀ ವನೀ ವನವಿನೋದಿನೀ || ೩ ||
ವೇಗಿನೀ ವೇಗದಾ ವೇಗಬಲಾಸ್ಯಾ ಚ ಬಲಾಧಿಕಾ |
ಕಲಾ ಕಲಪ್ರಿಯಾ ಕೋಲೀ ಕೋಮಲಾ ಕಾಲಕಾಮಿನೀ || ೪ ||
ಕಮಲಾ ಕಮಲಾಸ್ಯಾ ಚ ಕಮಲಸ್ಥಾ ಕಲಾವತೀ |
ಕುಲೀನಾ ಕುಟಿಲಾ ಕಾಂತಾ ಕೋಕಿಲಾ ಕಲಭಾಷಿಣೀ || ೫ ||
ಕೀರಕೀಲೀ ಕಲಾ ಕಾಲೀ ಕಪಾಲಿನ್ಯಪಿ ಕಾಲಿಕಾ |
ಕೇಶಿನೀ ಚ ಕುಶಾವರ್ತಾ ಕೌಶಾಂಬೀ ಕೇಶವಪ್ರಿಯಾ || ೬ ||
ಕಾಶೀ ಕಲಾ ಮಹಾಕಾಶೀ ಸಂಕಾಶಾ ಕೇಶದಾಯಿನೀ |
ಕುಂಡಲೀ ಕುಂಡಲಾಸ್ಯಾ ಚ ಕುಂಡಲಾಂಗದಮಂಡಿತಾ || ೭ ||
ಕುಣಪಾಲೀ ಕುಮುದಿನೀ ಕುಮುದಾ ಪ್ರೀತಿವರ್ಧಿನೀ |
ಕುಂದಪ್ರಿಯಾ ಕುಂದರುಚಿಃ ಕುರಂಗಮದನೋದಿನೀ || ೮ ||
ಕುರಂಗನಯನಾ ಕುಂದಾ ಕುರುವೃಂದಾಽಭಿನಂದಿನೀ |
ಕುಸುಂಭಕುಸುಮಾ ಕಾಂಚೀ ಕ್ವಣತ್ಕಿಂಕಿಣಿಕಾ ಕಟಾ || ೯ ||
ಕಠೋರಾ ಕರುಣಾ ಕಾಷ್ಠಾ ಕೌಮುದೀ ಕಂಬುಕಂಠಿನೀ |
ಕಪರ್ದಿನೀ ಕಪಟಿನೀ ಕಂಠಿನೀ ಕಾಲಕಂಠಿಕಾ || ೧೦ ||
ಕೀರಹಸ್ತಾ ಕುಮಾರೀ ಚ ಕುರುದಾ ಕುಸುಮಪ್ರಿಯಾ |
ಕುಂಜರಸ್ಥಾ ಕುಂಜರತಾ ಕುಂಭಿ ಕುಂಭಸ್ತನದ್ವಯಾ || ೧೧ ||
ಕುಂಭಿಗಾ ಕರಿಭೋಗಾ ಚ ಕದಲೀ ದಳಶಾಲಿನೀ |
ಕುಪಿತಾ ಕೋಟರಸ್ಥಾ ಚ ಕಂಕಾಲೀ ಕಂದರೋದರಾ || ೧೨ ||
ಏಕಾಂತವಾಸಿನೀ ಕಾಂಚೀ ಕಂಪಮಾನಶಿರೋರುಹಾ |
ಕಾದಂಬರೀ ಕದಂಬಸ್ಥಾ ಕುಂಕುಮಪ್ರೇಮಧಾರಿಣೀ || ೧೩ ||
ಕುಟುಂಬಿನೀಪ್ರಿಯಾಽಽಕೂತೀ ಕ್ರತುಃ ಕ್ರತುಕರೀ ಪ್ರಿಯಾ |
ಕಾತ್ಯಾಯನೀ ಕೃತ್ತಿಕಾ ಚ ಕಾರ್ತಿಕೇಯಪ್ರವರ್ತಿನೀ || ೧೪ ||
ಕಾಮಪತ್ನೀ ಕಾಮದಾತ್ರೀ ಕಾಮೇಶೀ ಕಾಮವಂದಿತಾ |
ಕಾಮರೂಪಾ ಕ್ರಮಾವರ್ತೀ ಕಾಮಾಕ್ಷೀ ಕಾಮಮೋಹಿತಾ || ೧೫ ||
ಖಡ್ಗಿನೀ ಖೇಚರೀ ಖಡ್ಗಾ ಖಂಜರೀಟೇಕ್ಷಣಾ ಖಲಾ |
ಖರಗಾ ಖರನಾಥಾ ಚ ಖರಾಸ್ಯಾ ಖೇಲನಪ್ರಿಯಾ || ೧೬ ||
ಖರಾಂಶುಃ ಖೇಟಿನೀ ಖಟ್ವಾ ಖಗಾ ಖಟ್ವಾಂಗಧಾರಿಣೀ |
ಖರಖಂಡಿನೀ ಖ್ಯಾತಾ ಖಂಡಿತಾ ಖಂಡನೀಸ್ಥಿತಾ || ೧೭ ||
ಖಂಡಪ್ರಿಯಾ ಖಂಡಖಾದ್ಯಾ ಸೇಂದುಖಂಡಾ ಚ ಖಂಡಿನೀ |
ಗಂಗಾ ಗೋದಾವರೀ ಗೌರೀ ಗೋಮತ್ಯಪಿ ಚ ಗೌತಮೀ || ೧೮ ||
ಗಯಾ ಗೇಯಾ ಗಗನಗಾ ಗಾರುಡೀ ಗರುಡಧ್ವಜಾ |
ಗೀತಾ ಗೀತಪ್ರಿಯಾ ಗೋಪಾ ಗಂಡಪ್ರೀತಾ ಗುಣೀ ಗಿರಾ || ೧೯ ||
ಗುಂ ಗೌರೀ ಮಂದಮದನಾ ಗೋಕುಲಾ ಗೋಪ್ರತಾರಿಣೀ |
ಗೋದಾ ಗೋವಿಂದಿನೀ ಗೂಢಾ ನಿರ್ಗೂಢಾ ಗೂಢವಿಗ್ರಹಾ || ೨೦ ||
ಗುಂಜಿನೀ ಗಜಗಾ ಗೋಪೀ ಗೋತ್ರಕ್ಷಯಕರೀ ಗದಾ |
ಗಿರಿಭೂಪಾಲದುಹಿತಾ ಗೋಗಾ ಗೋಚ್ಛಲವರ್ಧಿನೀ || ೨೧ ||
ಘನಸ್ತನೀ ಘನರುಚಿರ್ಘನೇಹಾ ಘನನಿಃಸ್ವನಾ |
ಘೂತ್ಕಾರಿಣೀ ಘೂಘಕರೀ ಘುಘೂಕಪರಿವಾರಿತಾ || ೨೨ ||
ಘಂಟಾನಾದಪ್ರಿಯಾ ಘಂಟಾ ಘನಾಘೋಟಕವಾಹಿನೀ |
ಘೋರರೂಪಾ ಚ ಘೋರಾ ಚ ಘೂತೀ ಪ್ರತಿಘನಾ ಘನೀ || ೨೩ ||
ಘೃತಾಚೀ ಘನಪುಷ್ಟಿಶ್ಚ ಘಟಾ ಘನಘಟಾಽಮೃತಾ |
ಘಟಸ್ಯಾ ಘಟನಾ ಘೋಘಘಾತಪಾತನಿವಾರಿಣೀ || ೨೪ ||
ಚಂಚರೀಕಾ ಚಕೋರೀ ಚ ಚಾಮುಂಡಾ ಚೀರಧಾರಿಣೀ |
ಚಾತುರೀ ಚಪಲಾ ಚಕ್ರಚಲಾ ಚೇಲಾ ಚಲಾಽಚಲಾ || ೨೫ ||
ಚತುಶ್ಚಿರಂತನಾ ಚಾಕಾ ಚಿಕ್ಯಾ ಚಾಮೀಕರಚ್ಛವಿಃ |
ಚಾಪಿನೀ ಚಪಲಾ ಚಂಪೂ ಚಿಂತಾ ಚಿಂತಾಮಣಿಶ್ಚಿತಾ || ೨೬ ||
ಚಾತುರ್ವರ್ಣ್ಯಮಯೀ ಚಂಚಚ್ಚೌರಾಚಾರ್ಯಾ ಚಮತ್ಕೃತಿಃ |
ಚಕ್ರವರ್ತಿವಧೂಶ್ಚಕ್ರಾ ಚಕ್ರಾಂಗಾ ಚಕ್ರಮೋದಿನೀ || ೨೭ ||
ಚೇತಶ್ಚರೀ ಚಿತ್ತವೃತ್ತಿರಚೇತಾ ಚೇತನಪ್ರದಾ |
ಚಾಂಪೇಯೀ ಚಂಪಕಪ್ರೀತಿಶ್ಚಂಡೀ ಚಂಡಾಲವಾಸಿನೀ || ೨೮ ||
ಚಿರಂಜೀವಿತಟಾ ಚಿಂಚಾ ತರುಮೂಲನಿವಾಸಿನೀ |
ಛುರಿಕಾ ಛತ್ರಮಧ್ಯಸ್ಥಾ ಛಿದ್ರಾ ಛೇದಕರೀ ಛಿದಾ || ೨೯ ||
ಛುಛುಂದರೀಪಲಪ್ರೀತೀ ಛುಛುಂದರೀನಿಭಸ್ವನಾ |
ಛಲಿನೀ ಛಲದಾ ಛತ್ರಾ ಛಿಟಿಕಾ ಛೇಕಕೃತ್ತಥಾ || ೩೦ ||
ಛಗಿನೀ ಛಾಂದಸೀ ಛಾಯಾ ಛಾಯಾಕೃಚ್ಛಾದಿರಿತ್ಯಪಿ |
ಜಯಾ ಚ ಜಯದಾ ಜಾತೀ ಜಯಸ್ಥಾ ಜಯವರ್ಧಿನೀ || ೩೧ ||
ಜಪಾಪುಷ್ಪಪ್ರಿಯಾ ಜಪ್ಯಾ ಜೃಂಭಿಣೀ ಯಾಮಲಾ ಯುತಾ |
ಜಂಬೂಪ್ರಿಯಾ ಜಯಸ್ಥಾ ಚ ಜಂಗಮಾ ಜಂಗಮಪ್ರಿಯಾ || ೩೨ ||
ಜಂತುರ್ಜಂತುಪ್ರಧಾನಾ ಚ ಜರತ್ಕರ್ಣಾ ಜರದ್ಭವಾ |
ಜಾತಿಪ್ರಿಯಾ ಜೀವನಸ್ಥಾ ಜೀಮೂತಸದೃಶಚ್ಛವಿಃ || ೩೩ ||
ಜನ್ಯಾ ಜನಹಿತಾ ಜಾಯಾ ಜಂಭಭಿಜ್ಜಂಭಮಾಲಿನೀ |
ಜವದಾ ಜವವದ್ವಾಹಾ ಜವಾನೀ ಜ್ವರಹಾ ಜ್ವರಾ || ೩೪ ||
ಝಂಝಾನಿಲಮಯೀ ಝಂಝಾ ಝಣತ್ಕಾರಕರಾ ತಥಾ |
ಝಿಂಟೀಶಾ ಝಂಪಕೃತ್ ಝಂಪಾ ಝಂಪತ್ರಾಸನಿವಾರಿಣೀ || ೩೫ ||
ಟಕಾರಸ್ಥಾ ಟಂಕಧರಾ ಟಂಕಾರಾ ಕರಶಾಟಿನೀ |
ಠಕ್ಕುರಾ ಠೀತ್ಕೃತೀ ಠಿಂಠೀ ಠಿಂಠೀರವಸಮಾವೃತಾ || ೩೬ ||
ಠಂಠಾನಿಲಮಯೀ ಠಂಠಾ ಠಣತ್ಕಾರಕರಾ ಠಸಾ |
ಡಾಕಿನೀ ಡಾಮರೀ ಚೈವ ಡಿಂಡಿಮಧ್ವನಿನಂದಿನೀ || ೩೭ ||
ಢಕ್ಕಾಸ್ವನಪ್ರಿಯಾ ಢಕ್ಕಾ ತಪಿನೀ ತಾಪಿನೀ ತಥಾ |
ತರುಣೀ ತುಂದಿಲಾ ತುಂದಾ ತಾಮಸೀ ಚ ತಪಃಪ್ರಿಯಾ || ೩೮ ||
ತಾಮ್ರಾ ತಾಮ್ರಾಂಬರಾ ತಾಲೀ ತಾಲೀದಲವಿಭೂಷಣಾ |
ತುರಂಗಾ ತ್ವರಿತಾ ತ್ರೇತಾ ತೋತುಲಾ ತೋದಿನೀ ತುಲಾ || ೩೯ ||
ತಾಪತ್ರಯಹರಾ ತಪ್ತಾ ತಾಲಕೇಶೀ ತಮಾಲಿನೀ |
ತಮಾಲದಲವಚ್ಛಾಮಾ ತಾಲಮ್ಲಾನವತೀ ತಮೀ || ೪೦ ||
ತಾಮಸೀ ಚ ತಮಿಸ್ರಾ ಚ ತೀವ್ರಾ ತೀವ್ರಪರಾಕ್ರಮಾ |
ತಟಸ್ಥಾ ತಿಲತೈಲಾಕ್ತಾ ತರಣೀ ತಪನದ್ಯುತಿಃ || ೪೧ ||
ತಿಲೋತ್ತಮಾ ತಿಲಕಕೃತ್ತಾರಕಾಧೀಶಶೇಖರಾ |
ತಿಲಪುಷ್ಪಪ್ರಿಯಾ ತಾರಾ ತಾರಕೇಶೀ ಕುಟುಂಬಿನೀ || ೪೨ ||
ಸ್ಥಾಣುಪತ್ನೀ ಸ್ಥಿತಿಕರೀ ಸ್ಥಲಸ್ಥಾ ಸ್ಥಲವರ್ಧಿನೀ |
ಸ್ಥಿತಿಃ ಸ್ಥೈರ್ಯಾ ಸ್ಥವಿಷ್ಠಾ ಚ ಸ್ಥಾಪತಿಃ ಸ್ಥಲವಿಗ್ರಹಾ || ೪೩ ||
ದಂತಿನೀ ದಂಡಿನೀ ದೀನಾ ದರಿದ್ರಾ ದೀನವತ್ಸಲಾ |
ದೇವೀ ದೇವವಧೂರ್ದೈತ್ಯದಮನೀ ದಂತಭೂಷಣಾ || ೪೪ ||
ದಯಾವತೀ ದಮವತೀ ದಮದಾ ದಾಡಿಮಸ್ತನೀ |
ದಂದಶೂಕನಿಭಾ ದೈತ್ಯದಾರಿಣೀ ದೇವತಾನನಾ || ೪೫ ||
ದೋಲಾಕ್ರೀಡಾ ದಲಾಯುಶ್ಚ ದಂಪತೀ ದೇವತಾಮಯೀ |
ದಶಾ ದೀಪಸ್ಥಿತಾ ದೋಷಾ ದೋಷಹಾ ದೋಷಕಾರಿಣೀ || ೪೬ ||
ದುರ್ಗಾ ದುರ್ಗಾರ್ತಿಶಮನೀ ದುರ್ಗಮಾ ದುರ್ಗವಾಸಿನೀ |
ದುರ್ಗಂಧನಾಶಿನೀ ದುಃಸ್ಥಾ ದುಃಸ್ವಪ್ನಶಮಕಾರಿಣೀ || ೪೭ ||
ದುರ್ವಾರಾ ದುಂದುಭೀ ಭ್ರಾಂತಾ ದೂರಸ್ಥಾ ದೂರವಾಸಿನೀ |
ದರಹಾ ದರದಾ ದಾತ್ರೀ ದಾಯಾದಾ ದುಹಿತಾ ದಯಾ || ೪೮ ||
ಧುರಂಧರಾ ಧುರೀಣಾ ಚ ಧೌರೀ ಧೀ ಧನದಾಯಿನೀ |
ಧೀರಾಽಧೀರಾ ಧರಿತ್ರೀ ಚ ಧರ್ಮದಾ ಧೀರಮಾನಸಾ || ೪೯ ||
ಧನುರ್ಧರಾ ಚ ದಮನೀ ಧೂರ್ತಾ ಧೂರ್ತಪರಿಗ್ರಹಾ |
ಧೂಮವರ್ಣಾ ಧೂಮಪಾನಾ ಧೂಮಲಾ ಧೂಮಮೋಹಿನೀ || ೫೦ ||
ನಲಿನೀ ನಂದಿನೀ ನಂದಾ ನಾದಿನೀ ನಂದಬಾಲಿಕಾ |
ನವೀನಾ ನರ್ಮದಾ ನರ್ಮಿನೇಮಿರ್ನಿಯಮನಿಶ್ಚಯಾ || ೫೧ ||
ನಿರ್ಮಲಾ ನಿಗಮಾಚಾರಾ ನಿಮ್ನಗಾ ನಗ್ನಕಾಮಿನೀ |
ನೀತಿರ್ನಿರಂತರಾ ನಗ್ನೀ ನಿರ್ಲೇಪಾ ನಿರ್ಗುಣಾ ನತಿಃ || ೫೨ ||
ನೀಲಗ್ರೀವಾ ನಿರೀಹಾ ಚ ನಿರಂಜನಜನೀ ನವೀ |
ನವನೀತಪ್ರಿಯಾ ನಾರೀ ನರಕಾರ್ಣವತಾರಿಣೀ || ೫೩ ||
ನಾರಾಯಣೀ ನಿರಾಕಾರಾ ನಿಪುಣಾ ನಿಪುಣಪ್ರಿಯಾ |
ನಿಶಾ ನಿದ್ರಾ ನರೇಂದ್ರಸ್ಥಾ ನಮಿತಾಽನಮಿತಾಪಿ ಚ || ೫೪ ||
ನಿರ್ಗುಂಡಿಕಾ ಚ ನಿರ್ಗುಂಡಾ ನಿರ್ಮಾಂಸಾಽನಾಮಿಕಾ ನಿಭಾ |
ಪತಾಕಿನೀ ಪತಾಕಾ ಚ ಪಲಪ್ರೀತಿರ್ಯಶಸ್ವಿನೀ || ೫೫ ||
ಪೀನಾ ಪೀನಸ್ತನಾ ಪತ್ನೀ ಪವನಾಶನಶಾಯಿನೀ |
ಪರಾಽಪರಾ ಕಲಾಪಾಽಽಪ್ಪಾ ಪಾಕಕೃತ್ಯರತಿ ಪ್ರಿಯಾ || ೫೬ ||
ಪವನಸ್ಥಾ ಸುಪವನಾ ತಾಪಸೀಪ್ರೀತಿವರ್ಧಿನೀ |
ಪಶುವೃದ್ಧಿಕರೀ ಪುಷ್ಟಿಃ ಪೋಷಣೀ ಪುಷ್ಪವರ್ಧಿನೀ || ೫೭ ||
ಪುಷ್ಪಿಣೀ ಪುಸ್ತಕಕರಾ ಪುನ್ನಾಗತಲವಾಸಿನೀ |
ಪುರಂದರಪ್ರಿಯಾ ಪ್ರೀತಿಃ ಪುರಮಾರ್ಗನಿವಾಸಿನೀ || ೫೮ ||
ಪಾಶೀ ಪಾಶಕರಾ ಪಾಶಾ ಬಂಧುಹಾ ಪಾಂಸುಲಾ ಪಶುಃ |
ಪಟುಃ ಪಟಾಸಾ ಪರಶುಧಾರಿಣೀ ಪಾಶಿನೀ ತಥಾ || ೫೯ ||
ಪಾಪಘ್ನೀ ಪತಿಪತ್ನೀ ಚ ಪತಿತಾಽಪತಿತಾಪಿ ಚ |
ಪಿಶಾಚೀ ಚ ಪಿಶಾಚಘ್ನೀ ಪಿಶಿತಾಶನತೋಷಿತಾ || ೬೦ ||
ಪಾನದಾ ಪಾನಪಾತ್ರಾ ಚ ಪಾನದಾನಕರೋದ್ಯತಾ |
ಪೇಯಾ ಪ್ರಸಿದ್ಧಾ ಪೀಯೂಷಾ ಪೂರ್ಣಾ ಪೂರ್ಣಮನೋರಥಾ || ೬೧ ||
ಪತದ್ಗರ್ಭಾ ಪತದ್ಗಾತ್ರಾ ಪಾತಪುಣ್ಯಪ್ರಿಯಾ ಪುರೀ |
ಪಂಕಿಲಾ ಪಂಕಮಗ್ನಾ ಚ ಪಾನೀಯಾ ಪಂಜರಸ್ಥಿತಾ || ೬೨ ||
ಪಂಚಮೀ ಪಂಚಯಜ್ಞಾ ಚ ಪಂಚತಾ ಪಂಚಮಪ್ರಿಯಾ |
ಪಂಚಮುದ್ರಾ ಪುಂಡರೀಕಾ ಪಿಕೀ ಪಿಂಗಳಲೋಚನಾ || ೬೩ ||
ಪ್ರಿಯಂಗುಮಂಜರೀ ಪಿಂಡೀ ಪಿಂಡಿತಾ ಪಾಂಡುರಪ್ರಭಾ |
ಪ್ರೇತಾಸನಾ ಪ್ರಿಯಾಲುಸ್ಥಾ ಪಾಂಡುಘ್ನೀ ಪೀತಸಾಪಹಾ || ೬೪ ||
ಫಲಿನೀ ಫಲಧಾತ್ರೀ ಚ ಫಲಶ್ರೀಃ ಫಣಿಭೂಷಣಾ |
ಫೂತ್ಕಾರಕಾರಿಣೀ ಸ್ಫಾರಾ ಫುಲ್ಲಾ ಫುಲ್ಲಾಂಬುಜಾಸನಾ || ೬೫ ||
ಫಿರಂಗಹಾ ಸ್ಫೀತಮತಿಃ ಸ್ಫೀತಿಃ ಸ್ಫೀತಕರೀ ತಥಾ |
ಬಲಮಾಯಾ ಬಲಾರಾತಿರ್ಬಲಿನೀ ಬಲವರ್ಧಿನೀ || ೬೬ ||
ವೇಣುವಾದ್ಯಾ ವನಚರೀ ವಿರಾವಜನಯಿತ್ರೀ ಚ |
ವಿದ್ಯಾ ವಿದ್ಯಾಪ್ರದಾ ವಿದ್ಯಾಬೋಧಿನೀ ಬೋಧದಾಯಿನೀ || ೬೭ ||
ಬುದ್ಧಮಾತಾ ಚ ಬುದ್ಧಾ ಚ ವನಮಾಲಾವತೀ ವರಾ |
ವರದಾ ವಾರುಣೀ ವೀಣಾ ವೀಣಾವಾದನತತ್ಪರಾ || ೬೮ ||
ವಿನೋದಿನೀ ವಿನೋದಸ್ಥಾ ವೈಷ್ಣವೀ ವಿಷ್ಣುವಲ್ಲಭಾ |
ವೈದ್ಯಾ ವೈದ್ಯಚಿಕಿತ್ಸಾ ಚ ವಿವಶಾ ವಿಶ್ವವಿಶ್ರುತಾ || ೬೯ ||
ವಿದ್ವತ್ಕವಿಕಲಾ ವೇತ್ತಾ ವಿತಂದ್ರಾ ವಿಗತಜ್ವರಾ |
ವಿರಾವಾ ವಿವಿಧಾರಾವಾ ಬಿಂಬೋಷ್ಠೀ ಬಿಂಬವತ್ಸಲಾ || ೭೦ ||
ವಿಂಧ್ಯಸ್ಥಾ ವೀರವಂದ್ಯಾ ಚ ವರೀಯಸಾಪರಾಧವಿತ್ |
ವೇದಾಂತವೇದ್ಯಾ ವೇದ್ಯಾ ಚ ವೈದ್ಯಾ ಚ ವಿಜಯಪ್ರದಾ || ೭೧ ||
ವಿರೋಧವರ್ಧಿನೀ ವಂಧ್ಯಾ ವಂಧ್ಯಾಬಂಧನಿವಾರಿಣೀ |
ಭಗಿನೀ ಭಗಮಾಲಾ ಚ ಭವಾನೀ ಭವಭಾವಿನೀ || ೭೨ ||
ಭೀಮಾ ಭೀಮಾನನಾ ಭೈಮೀ ಭಂಗುರಾ ಭೀಮದರ್ಶನಾ |
ಭಿಲ್ಲೀ ಭಲ್ಲಧರಾ ಭೀರುರ್ಭೇರುಂಡಾ ಚೈಭಭಯಾಪಹಾ || ೭೩ ||
ಭಗಸರ್ಪಿಣ್ಯಪಿ ಭಗಾ ಭಗರೂಪಾ ಭಗಾಲಯಾ |
ಭಗಾಸನಾ ಭಗಾಮೋದಾ ಭೇರೀ ಭಾಂಕಾರರಂಜಿನೀ || ೭೪ ||
ಭೀಷಣಾಽಭೀಷಣಾ ಸರ್ವಾ ಭಗವತ್ಯಪಿ ಭೂಷಣಾ |
ಭಾರದ್ವಾಜೀ ಭೋಗದಾತ್ರೀ ಭವಘ್ನೀ ಭೂತಿಭೂಷಣಾ || ೭೫ ||
ಭೂತಿದಾ ಭೂಮಿದಾತ್ರೀ ಚ ಭೂಪತಿತ್ವಪ್ರದಾಯಿನೀ |
ಭ್ರಮರೀ ಭ್ರಾಮರೀ ನೀಲಾ ಭೂಪಾಲಮುಕುಟಸ್ಥಿತಾ || ೭೬ ||
ಮತ್ತಾ ಮನೋಹರಾ ಮನಾ ಮಾನಿನೀ ಮೋಹನೀ ಮಹಾ |
ಮಹಾಲಕ್ಷ್ಮೀರ್ಮದಾಕ್ಷೀಬಾ ಮದಿರಾ ಮದಿರಾಲಯಾ || ೭೭ ||
ಮದೋದ್ಧತಾ ಮತಂಗಸ್ಥಾ ಮಾಧವೀ ಮಧುಮಂಥಿನೀ |
ಮೇಧಾ ಮೇಧಾಕರೀ ಮೇಧ್ಯಾ ಮಧ್ಯಾ ಮಧ್ಯವಯಸ್ಥಿತಾ || ೭೮ ||
ಮದ್ಯಪಾ ಮಾಂಸಲಾ ಮತ್ಸ್ಯಾ ಮೋದಿನೀ ಮೈಥುನೋದ್ಧತಾ |
ಮುದ್ರಾ ಮುದ್ರಾವತೀ ಮಾತಾ ಮಾಯಾ ಮಹಿಮಮಂದಿರಾ || ೭೯ ||
ಮಹಾಮಾಯಾ ಮಹಾವಿದ್ಯಾ ಮಹಾಮಾರೀ ಮಹೇಶ್ವರೀ |
ಮಹಾದೇವವಧೂರ್ಮಾನ್ಯಾ ಮಥುರಾ ಮೇರುಮಂಡಲಾ || ೮೦ ||
ಮೇದಸ್ವನೀ ಮೇದಸುಶ್ರೀರ್ಮಹಿಷಾಸುರಮರ್ದಿನೀ |
ಮಂಡಪಸ್ಥಾ ಮಠಸ್ಥಾಽಮಾ ಮಾಲಾ ಮಾಲಾವಿಲಾಸಿನೀ || ೮೧ ||
ಮೋಕ್ಷದಾ ಮುಂಡಮಾಲಾ ಚ ಮಂದಿರಾಗರ್ಭಗರ್ಭಿತಾ |
ಮಾತಂಗಿನೀ ಚ ಮಾತಂಗೀ ಮತಂಗತನಯಾ ಮಧುಃ || ೮೨ ||
ಮಧುಸ್ರವಾ ಮಧುರಸಾ ಮಧೂಕಕುಸುಮಪ್ರಿಯಾ |
ಯಾಮಿನೀ ಯಾಮಿನೀನಾಥಭೂಷಾ ಯಾವಕರಂಜಿತಾ || ೮೩ ||
ಯವಾಂಕುರಪ್ರಿಯಾ ಯಾಮಾ ಯವನೀ ಯವನಾಧಿಪಾ |
ಯಮಘ್ನೀ ಯಮವಾಣೀ ಚ ಯಜಮಾನಸ್ವರೂಪಿಣೀ || ೮೪ ||
ಯಜ್ಞಾ ಯಜ್ಯಾ ಯಜುರ್ಯಜ್ವಾ ಯಶೋನಿಕರಕಾರಿಣೀ |
ಯಜ್ಞಸೂತ್ರಪ್ರದಾ ಜ್ಯೇಷ್ಠಾ ಯಜ್ಞಕರ್ಮಕರೀ ಯಶಾ || ೮೫ ||
ಯಶಸ್ವಿನೀ ಯಜ್ಞಸಂಸ್ಥಾ ಯೂಪಸ್ತಂಭನಿವಾಸಿನೀ |
ರಂಜಿತಾ ರಾಜಪತ್ನೀ ಚ ರಮಾ ರೇಖಾ ರವೀ ರಣೀ || ೮೬ ||
ರಜೋವತೀ ರಜಶ್ಚಿತ್ರಾ ರಜನೀ ರಜನೀಪತಿಃ |
ರಾಗಿಣೀ ರಾಜಿನೀ ರಾಜ್ಯಾ ರಾಜ್ಯದಾ ರಾಜ್ಯವರ್ಧಿನೀ || ೮೭ ||
ರಾಜನ್ವತೀ ರಾಜನೀತಿಸ್ತುರ್ಯಾ ರಾಜನಿವಾಸಿನೀ |
ರಮಣೀ ರಮಣೀಯಾ ಚ ರಾಮಾ ರಾಮವತೀ ರತಿಃ || ೮೮ ||
ರೇತೋವತೀ ರತೋತ್ಸಾಹಾ ರೋಗಹಾ ರೋಗಕಾರಿಣೀ |
ರಂಗಾ ರಂಗವತೀ ರಾಗಾ ರಾಗಜ್ಞಾ ರಾಗಿನೀ ರಣಾ || ೮೯ ||
ರಂಜಿಕಾ ರಂಜಕೀ ರಂಜಾ ರಂಜಿನೀ ರಕ್ತಲೋಚನಾ |
ರಕ್ತಚರ್ಮಧರಾ ರಂತ್ರೀ ರಕ್ತಸ್ಥಾ ರಕ್ತವಾಹಿನೀ || ೯೦ ||
ರಂಭಾ ರಂಭಾಫಲಪ್ರೀತೀ ರಂಭೋರೂ ರಾಘವಪ್ರಿಯಾ |
ರಂಗಭೃದ್ರಂಗಮಧುರಾ ರೋದಸೀ ರೋದಸೀಗೃಹಾ || ೯೧ ||
ರೋಗಕರ್ತ್ರೀ ರೋಗಹರ್ತ್ರೀ ಚ ರೋಗಭೃದ್ರೋಗಶಾಯಿನೀ |
ವಂದೀ ವಂದಿಸ್ತುತಾ ಬಂಧುರ್ಬಂಧೂಕಕುಸುಮಾಧರಾ || ೯೨ ||
ವಂದಿತಾ ವಂದಿಮಾತಾ ಬಂಧುರಾ ಬೈಂದವೀ ವಿಭಾ |
ವಿಂಕೀ ವಿಂಕಪಲಾ ವಿಂಕಾ ವಿಂಕಸ್ಥಾ ವಿಂಕವತ್ಸಲಾ || ೯೩ ||
ವೇದೈರ್ವಿಲಗ್ನಾ ವಿಗ್ನಾ ಚ ವಿಧಿರ್ವಿಧಿಕರೀ ವಿಧಾ |
ಶಂಖಿನೀ ಶಂಖನಿಲಯಾ ಶಂಖಮಾಲಾವತೀ ಶಮೀ || ೯೪ ||
ಶಂಖಪಾತ್ರಾಶಿನೀ ಶಂಖಾಽಶಂಖಾ ಶಂಖಗಲಾ ಶಶೀ |
ಶಿಂಬೀ ಶರಾವತೀ ಶ್ಯಾಮಾ ಶ್ಯಾಮಾಂಗೀ ಶ್ಯಾಮಲೋಚನಾ || ೯೫ ||
ಶ್ಮಶಾನಸ್ಥಾ ಶ್ಮಶಾನಾ ಚ ಶ್ಮಶಾನಸ್ಥಲಭೂಷಣಾ |
ಶರ್ಮದಾ ಶಮಹರ್ತ್ರೀ ಚ ಶಾಕಿನೀ ಶಂಕುಶೇಖರಾ || ೯೬ ||
ಶಾಂತಿಃ ಶಾಂತಿಪ್ರದಾ ಶೇಷಾ ಶೇಷಸ್ಥಾ ಶೇಷಶಾಯಿನೀ |
ಶೇಮುಷೀ ಶೋಷಿಣೀ ಶೌರೀ ಶಾರಿಃ ಶೌರ್ಯಾ ಶರಾ ಶರೀ || ೯೭ ||
ಶಾಪದಾ ಶಾಪಹಾರೀ ಶ್ರೀಃ ಶಂಪಾ ಶಪಥಚಾಪಿನೀ |
ಶೃಂಗಿಣೀ ಶೃಂಗಿಪಲಭುಕ್ ಶಂಕರೀ ಶಾಂಕರೀ ತಥಾ || ೯೮ ||
ಶಂಕಾ ಶಂಕಾಪಹಾ ಶಂಸ್ಥಾ ಶಾಶ್ವತೀ ಶೀತಲಾ ಶಿವಾ |
ಶವಸ್ಥಾ ಶವಭುಕ್ ಶೈವೀ ಶಾವವರ್ಣಾ ಶವೋದರೀ || ೯೯ ||
ಶಾಯಿನೀ ಶಾವಶಯನಾ ಶಿಂಶಿಪಾ ಶಿಂಶಿಪಾಯತಾ |
ಶವಾಕುಂಡಲಿನೀ ಶೈವಾ ಶಂಕರಾ ಶಿಶಿರಾ ಶಿರಾ || ೧೦೦ ||
ಶವಕಾಂಚೀ ಶವಶ್ರೀಕಾ ಶವಮಾಲಾ ಶವಾಕೃತಿಃ |
ಶಂಪಿನೀ ಶಂಕುಶಕ್ತಿಃ ಶಂ ಶಂತನುಃ ಶೀಲದಾಯಿನೀ || ೧೦೧ ||
ಸಿಂಧುಃ ಸರಸ್ವತೀ ಸಿಂಧುಸುಂದರೀ ಸುಂದರಾನನಾ |
ಸಾಧುಸಿದ್ಧಿಃ ಸಿದ್ಧಿದಾತ್ರೀ ಸಿದ್ಧಾ ಸಿದ್ಧಸರಸ್ವತೀ || ೧೦೨ ||
ಸಂತತಿಃ ಸಂಪದಾ ಸಂಪತ್ಸಂವಿತ್ಸಂಪತ್ತಿದಾಯಿನೀ |
ಸಪತ್ನೀ ಸರಸಾ ಸಾರಾ ಸರಸ್ವತಿಕರೀ ಸುಧಾ || ೧೦೩ ||
ಸರಃ ಸಮಾ ಸಮಾನಾ ಚ ಸಮಾರಾಧ್ಯಾ ಸಮಸ್ತದಾ |
ಸಮಿದ್ಧಾ ಸಮದಾ ಸಂಮಾ ಸಮ್ಮೋಹಾ ಸಮದರ್ಶನಾ || ೧೦೪ ||
ಸಮಿತಿಃ ಸಮಿಧಾ ಸೀಮಾ ಸಾವಿತ್ರೀ ಸಂವಿದಾ ಸತೀ |
ಸವನಾ ಸವನಾಧಾರಾ ಸಾವನಾ ಸಮರಾ ಸಮೀ || ೧೦೫ ||
ಸಮೀರಾ ಸುಮನಾ ಸಾಧ್ವೀ ಸಧ್ರೀಚೀನ್ಯಸಹಾಯಿನೀ |
ಹಂಸೀ ಹಂಸಗತಿರ್ಹಂಸಾ ಹಂಸೋಜ್ಜ್ವಲನಿಚೋಲಯುಕ್ || ೧೦೬ ||
ಹಲಿನೀ ಹಲದಾ ಹಾಲಾ ಹರಶ್ರೀರ್ಹರವಲ್ಲಭಾ |
ಹೇಲಾ ಹೇಲಾವತೀ ಹ್ರೇಷಾ ಹ್ರೇಷಸ್ಥಾ ಹ್ರೇಷವರ್ಧಿನೀ || ೧೦೭ ||
ಹಂತಾ ಹಾನಿರ್ಹಯಾಹ್ವಾ ಹೃದ್ಧಂತಹಾ ಹಂತಹಾರಿಣೀ |
ಹುಂಕಾರೀ ಹಂತಕೃದ್ಧಂಕಾ ಹೀಹಾ ಹಾಹಾ ಹತಾಹಿತಾ || ೧೦೮ ||
ಹೇಮಾ ಪ್ರಭಾ ಹರವತೀ ಹಾರೀತಾ ಹರಿಸಮ್ಮತಾ |
ಹೋರೀ ಹೋತ್ರೀ ಹೋಲಿಕಾ ಚ ಹೋಮ್ಯಾ ಹೋಮಾ ಹವಿರ್ಹರಿಃ || ೧೦೯ ||
ಹಾರಿಣೀ ಹರಿಣೀನೇತ್ರಾ ಹಿಮಾಚಲನಿವಾಸಿನೀ |
ಲಂಬೋದರೀ ಲಂಬಕರ್ಣಾ ಲಂಬಿಕಾ ಲಂಬವಿಗ್ರಹಾ || ೧೧೦ ||
ಲೀಲಾ ಲೀಲಾವತೀ ಲೋಲಾ ಲಲನಾ ಲಾಲಿತಾಲತಾ |
ಲಲಾಮಲೋಚನಾ ಲೋಚ್ಯಾ ಲೋಲಾಕ್ಷೀ ಲಕ್ಷಣಾ ಲಟಾ || ೧೧೧ ||
ಲಂಪತೀ ಲುಂಪತೀ ಲಂಪಾ ಲೋಪಾಮುದ್ರಾ ಲಲಂತಿ ಚ |
ಲತಿಕಾ ಲಂಘಿಕಾ ಲಂಘಾ ಲಘಿಮಾ ಲಘುಮಧ್ಯಮಾ || ೧೧೨ ||
ಲಘ್ವೀಯಸೀ ಲಘೂದರ್ಕಾ ಲೂತಾ ಲೂತನಿವಾರಿಣೀ |
ಲೋಮಭೃಲ್ಲೋಮಲೋಮ್ನೀ ಚ ಲುಲುತೀ ಲುಲುಲುಂಪಿನೀ || ೧೧೩ ||
ಲುಲಾಯಸ್ಥಾ ಚ ಲಹರೀ ಲಂಕಾಪುರಪುರಂದರೀ |
ಲಕ್ಷ್ಮೀರ್ಲಕ್ಷ್ಮೀಪ್ರದಾ ಲಕ್ಷ್ಯಾ ಲಕ್ಷ್ಯಬಲಗತಿಪ್ರದಾ || ೧೧೪ ||
ಕ್ಷಣಕ್ಷಪಾ ಕ್ಷಣಕ್ಷೀಣಾ ಕ್ಷಮಾ ಕ್ಷಾಂತಿಃ ಕ್ಷಮಾವತೀ |
ಕ್ಷಾಮಾ ಕ್ಷಾಮೋದರೀ ಕ್ಷೋಣೀ ಕ್ಷೋಣಿಭೃತ್ ಕ್ಷತ್ರಿಯಾಂಗನಾ || ೧೧೫ ||
ಕ್ಷಪಾ ಕ್ಷಪಾಕರೀ ಕ್ಷೀರಾ ಕ್ಷೀರದಾ ಕ್ಷೀರಸಾಗರಾ |
ಕ್ಷೀಣಂಕರೀ ಕ್ಷಯಕರೀ ಕ್ಷಯಭೃತ್ ಕ್ಷಯದಾ ಕ್ಷತಿಃ |
ಕ್ಷರಂತೀ ಕ್ಷುದ್ರಿಕಾ ಕ್ಷುದ್ರಾ ಕ್ಷುತ್ಕ್ಷಾಮಾ ಕ್ಷರಪಾತಕಾ || ೧೧೬ ||
ಫಲಶ್ರುತಿಃ –
ಮಾತುಃ ಸಹಸ್ರನಾಮೇದಂ ಪ್ರತ್ಯಂಗಿರಾಸಿದ್ಧಿದಾಯಕಮ್ || ೧ ||
ಯಃ ಪಠೇತ್ಪ್ರಯತೋ ನಿತ್ಯಂ ದರಿದ್ರೋ ಧನದೋ ಭವೇತ್ |
ಅನಾಚಾಂತಃ ಪಠೇನ್ನಿತ್ಯಂ ಸ ಚಾಪಿ ಸ್ಯಾನ್ಮಹೇಶ್ವರಃ |
ಮೂಕಃ ಸ್ಯಾದ್ವಾಕ್ಪತಿರ್ದೇವೀ ರೋಗೀ ನೀರೋಗತಾಂ ಭವೇತ್ || ೨ ||
ಅಪುತ್ರಃ ಪುತ್ರಮಾಪ್ನೋತಿ ತ್ರಿಷುಲೋಕೇಷು ವಿಶ್ರುತಮ್ |
ವಂಧ್ಯಾಪಿ ಸೂತೇ ತನಯಾನ್ ಗಾವಶ್ಚ ಬಹುದುಗ್ಧದಾಃ || ೩ ||
ರಾಜಾನಃ ಪಾದನಮ್ರಾಃ ಸ್ಯುಸ್ತಸ್ಯ ದಾಸಾ ಇವ ಸ್ಫುಟಾಃ |
ಅರಯಃ ಸಂಕ್ಷಯಂ ಯಾಂತಿ ಮನಸಾ ಸಂಸ್ಮೃತಾ ಅಪಿ || ೪ ||
ದರ್ಶನಾದೇವ ಜಾಯಂತೇ ನರಾ ನಾರ್ಯೋಽಪಿ ತದ್ವಶಾಃ |
ಕರ್ತಾ ಹರ್ತಾ ಸ್ವಯಂವೀರೋ ಜಾಯತೇ ನಾತ್ರಸಂಶಯಃ || ೫ ||
ಯಂ ಯಂ ಕಾಮಯತೇ ಕಾಮಂ ತಂ ತಂ ಪ್ರಾಪ್ನೋತಿ ನಿಶ್ಚಿತಮ್ |
ದುರಿತಂ ನ ಚ ತಸ್ಯಾಸ್ತಿ ನಾಸ್ತಿ ಶೋಕಃ ಕದಾಚನ || ೬ ||
ಚತುಷ್ಪಥೇಽರ್ಧರಾತ್ರೇ ಚ ಯಃ ಪಠೇತ್ಸಾಧಕೋತ್ತಮಃ |
ಏಕಾಕೀ ನಿರ್ಭಯೋ ಧೀರೋ ದಶಾವರ್ತಂ ನರೋತ್ತಮಃ || ೭ ||
ಮನಸಾ ಚಿಂತಿತಂ ಕಾರ್ಯಂ ತಸ್ಯ ಸಿದ್ಧಿರ್ನ ಸಂಶಯಮ್ |
ವಿನಾ ಸಹಸ್ರನಾಮ್ನಾಂ ಯೋ ಜಪೇನ್ಮಂತ್ರಂ ಕದಾಚನ || ೮ ||
ನ ಸಿದ್ಧೋ ಜಾಯತೇ ತಸ್ಯ ಮಂತ್ರಃ ಕಲ್ಪಶತೈರಪಿ |
ಕುಜವಾರೇ ಶ್ಮಶಾನೇ ಚ ಮಧ್ಯಾಹ್ನೇ ಯೋ ಜಪೇತ್ತಥಾ || ೯ ||
ಶತಾವರ್ತ್ಯಾ ಸ ಜಯೇತ ಕರ್ತಾ ಹರ್ತಾ ನೃಣಾಮಿಹ |
ರೋಗಾರ್ತೋ ಯೋ ನಿಶೀಥಾಂತೇ ಪಠೇದಂಭಸಿ ಸಂಸ್ಥಿತಃ || ೧೦ ||
ಸದ್ಯೋ ನೀರೋಗತಾಮೇತಿ ಯದಿ ಸ್ಯಾನ್ನಿರ್ಭಯಸ್ತದಾ |
ಅರ್ಧರಾತ್ರೇ ಶ್ಮಶಾನೇ ವಾ ಶನಿವಾರೇ ಜಪೇನ್ಮನುಮ್ || ೧೧ ||
ಅಷ್ಟೋತ್ತರಸಹಸ್ರಂ ತು ದಶವಾರಂ ಜಪೇತ್ತತಃ |
ಸಹಸ್ರನಾಮಮೇತ್ತದ್ಧಿ ತದಾ ಯಾತಿ ಸ್ವಯಂ ಶಿವಾ || ೧೨ ||
ಮಹಾಪವನರೂಪೇಣ ಘೋರಗೋಮಾಯುನಾದಿನೀ |
ತದಾ ಯದಿ ನ ಭೀತಿಃ ಸ್ಯಾತ್ತತೋ ದೇಹೀತಿ ವಾಗ್ಭವೇತ್ || ೧೩ ||
ತದಾ ಪಶುಬಲಿಂ ದದ್ಯಾತ್ ಸ್ವಯಂ ಗೃಹ್ಣಾತಿ ಚಂಡಿಕಾ |
ಯಥೇಷ್ಟಂ ಚ ವರಂ ದತ್ತ್ವಾ ಯಾತಿ ಪ್ರತ್ಯಂಗಿರಾ ಶಿವಾ || ೧೪ ||
ರೋಚನಾಗುರುಕಸ್ತೂರೀ ಕರ್ಪೂರಮದಚಂದನೈಃ |
ಕುಂಕುಮಪ್ರಥಮಾಭ್ಯಾಂ ತು ಲಿಖಿತಂ ಭೂರ್ಜಪತ್ರಕೇ || ೧೫ ||
ಶುಭನಕ್ಷತ್ರಯೋಗೇ ತು ಸಮಭ್ಯರ್ಚ್ಯ ಘಟಾಂತರೇ |
ಕೃತಸಂಪಾತನಾತ್ಸಿದ್ಧಂ ಧಾರ್ಯಂತದ್ದಕ್ಷಿಣೇಕರೇ || ೧೬ ||
ಸಹಸ್ರನಾಮಸ್ವರ್ಣಸ್ಥಂ ಕಂಠೇ ವಾಪಿ ಜಿತೇಂದ್ರಿಯಃ |
ತದಾಯಂ ಪ್ರಣಮೇನ್ಮಂತ್ರೀ ಕ್ರುದ್ಧಃ ಸಮ್ರಿಯತೇ ನರಃ || ೧೭ ||
ಯಸ್ಮೈ ದದಾತಿ ಚ ಸ್ವಸ್ತಿ ಸ ಭವೇದ್ಧನದೋಪಮಃ |
ದುಷ್ಟಶ್ವಾಪದಜಂತೂನಾಂ ನ ಭೀಃ ಕುತ್ರಾಪಿ ಜಾಯತೇ || ೧೮ ||
ಬಾಲಕಾನಾಮಿಯಂ ರಕ್ಷಾ ಗರ್ಭಿಣೀನಾಮಪಿ ಧ್ರುವಮ್ |
ಮೋಹನ ಸ್ತಂಭನಾಕರ್ಷಮಾರಣೋಚ್ಚಾಟನಾನಿ ಚ || ೧೯ ||
ಯಂತ್ರಧಾರಣತೋ ನೂನಂ ಸಿಧ್ಯಂತೇ ಸಾಧಕಸ್ಯ ಚ |
ನೀಲವಸ್ತ್ರೇ ವಿಲಿಖಿತಂ ಧ್ವಜಾಯಾಂ ಯದಿ ತಿಷ್ಠತಿ || ೨೦ ||
ತದಾ ನಷ್ಟಾ ಭವತ್ಯೇವ ಪ್ರಚಂಡಾ ಪರವಾಹಿನೀ |
ಏತಜ್ಜಪ್ತಂ ಮಹಾಭಸ್ಮ ಲಲಾಟೇ ಯದಿ ಧಾರಯೇತ್ || ೨೧ ||
ತದ್ದರ್ಶನತ ಏವ ಸ್ಯುಃ ಪ್ರಾಣಿನಸ್ತಸ್ಯ ಕಿಂಕರಾಃ |
ರಾಜಪತ್ನ್ಯೋಽಪಿ ವಶ್ಯಾಃ ಸ್ಯುಃ ಕಿಮನ್ಯಾಃ ಪರಯೋಷಿತಃ || ೨೨ ||
ಏತಜ್ಜಪನ್ನಿಶಿತೋಯೇ ಮಾಸೈಕೇನ ಮಹಾಕವಿಃ |
ಪಂಡಿತಶ್ಚ ಮಹಾವಾದೀ ಜಾಯತೇ ನಾತ್ರಸಂಶಯಃ || ೨೩ ||
ಶಕ್ತಿಂ ಸಂಪೂಜ್ಯ ದೇವೇಶಿ ಪಠೇತ್ ಸ್ತೋತ್ರಂ ವರಂ ಶುಭಮ್ |
ಇಹಲೋಕೇ ಸುಖಂ ಭುಕ್ತ್ವಾ ಪರತ್ರ ತ್ರಿದಿವಂ ವ್ರಜೇತ್ || ೨೪ ||
ಇತಿ ನಾಮಸಹಸ್ರಂ ತು ಪ್ರತ್ಯಂಗಿರ ಮನೋಹರಮ್ |
ಗೋಪ್ಯಂ ಗುಹ್ಯತಮಂ ಲೋಕೇ ಗೋಪನೀಯಂ ಸ್ವಯೋನಿವತ್ || ೨೫ ||
ಇತಿ ಶ್ರೀರುದ್ರಯಾಮಲೇ ತಂತ್ರೇ ದಶವಿದ್ಯಾರಹಸ್ಯೇ ಶ್ರೀ ಪ್ರತ್ಯಂಗಿರಾ ಸಹಸ್ರನಾಮ ಸ್ತೋತ್ರಮ್ |
ಇನ್ನಷ್ಟು ಶ್ರೀ ಪ್ರತ್ಯಂಗಿರಾ ಸ್ತೋತ್ರಗಳು ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
