Read in తెలుగు / ಕನ್ನಡ / தமிழ் / देवनागरी / English (IAST)
ಅಸ್ಯ ಶ್ರೀ ಪ್ರತ್ಯಂಗಿರಾ ಸ್ತೋತ್ರಸ್ಯ ಅಂಗಿರಾ ಋಷಿಃ ಅನುಷ್ಟುಪ್ ಛಂದಃ ಶ್ರೀಪ್ರತ್ಯಂಗಿರಾ ದೇವತಾ ಓಂ ಬೀಜಂ ಹ್ರೀಂ ಶಕ್ತಿಃ ಮಮಾಭೀಷ್ಟಸಿದ್ಧ್ಯರ್ಥೇ ಪಾಠೇ ವಿನಿಯೋಗಃ ||
ಕರನ್ಯಾಸಃ –
ಓಂ ಹ್ರಾಂ ಅಂಗುಷ್ಠಾಭ್ಯಾಂ ನಮಃ |
ಓಂ ಹ್ರೀಂ ತರ್ಜನೀಭ್ಯಾಂ ನಮಃ |
ಓಂ ಹ್ರೂಂ ಮಧ್ಯಮಾಭ್ಯಾಂ ನಮಃ |
ಓಂ ಹ್ರೈಂ ಅನಾಮಿಕಾಭ್ಯಾಂ ನಮಃ |
ಓಂ ಹ್ರೌಂ ಕನಿಷ್ಠಿಕಾಭ್ಯಾಂ ನಮಃ |
ಓಂ ಹ್ರಃ ಕರತಲಕರಪೃಷ್ಠಾಭ್ಯಾಂ ನಮಃ |
ಹೃದಯಾದಿನ್ಯಾಸಃ –
ಓಂ ಹ್ರಾಂ ಹೃದಯಾಯ ನಮಃ |
ಓಂ ಹ್ರೀಂ ಶಿರಸೇ ಸ್ವಾಹಾ |
ಓಂ ಹ್ರೂಂ ಶಿಖಾಯೈ ವಷಟ್ |
ಓಂ ಹ್ರೈಂ ಕವಚಾಯ ಹುಮ್ |
ಓಂ ಹ್ರೌಂ ನೇತ್ರತ್ರಯಾಯ ವೌಷಟ್ |
ಓಂ ಹ್ರಃ ಅಸ್ತ್ರಾಯ ಫಟ್ |
ಧ್ಯಾನಮ್ –
ಕೃಷ್ಣರೂಪಾಂ ಬೃಹದ್ರೂಪಾಂ ರಕ್ತಕುಂಚಿತಮೂರ್ಧಜಾಮ್ |
ಶಿರಃ ಕಪಾಲಮಾಲಾಂ ಚ ವಿಕೇಶೀಂ ಘೂರ್ಣಿತಾನನಾಮ್ || ೧ ||
ರಕ್ತನೇತ್ರಾಮತಿಕ್ರುದ್ಧಾಂ ಲಂಬಜಿಹ್ವಾಮಧೋಮುಖೀಮ್ |
ದಂಷ್ಟ್ರಾಕರಾಳವದನಾಂ ನೇತ್ರಭ್ರುಕುಟಿಲೇಕ್ಷಣಾಮ್ || ೨ ||
ಊರ್ಧ್ವದಕ್ಷಿಣಹಸ್ತೇನ ಬಿಭ್ರತೀಂ ಚ ಪರಷ್ಯಧಮ್ |
ಅಧೋದಕ್ಷಿಣಹಸ್ತೇನ ಬಿಭ್ರಾಣಾಂ ಶೂಲಮದ್ಭುತಮ್ || ೩ ||
ತತೋರ್ಧ್ವವಾಮಹಸ್ತೇನ ಧಾರಯಂತೀಂ ಮಹಾಂಕುಶಾಮ್ |
ಅಧೋವಾಮಕರೇಣಾಥ ಬಿಭ್ರಾಣಾಂ ಪಾಶಮೇವ ಚ || ೪ ||
ಏವಂ ಧ್ಯಾತ್ವಾ ಮಹಾಕೃತ್ಯಾಂ ಸ್ತೋತ್ರಮೇತದುದೀರಯೇತ್ || ೫ ||
ಈಶ್ವರ ಉವಾಚ |
ನಮಃ ಪ್ರತ್ಯಂಗಿರೇ ದೇವಿ ಪ್ರತಿಕೂಲವಿಧಾಯಿನಿ |
ನಮಃ ಸರ್ವಗತೇ ಶಾಂತೇ ಪರಚಕ್ರವಿಮರ್ದಿನೀ || ೬ ||
ನಮೋ ಜಗತ್ರಯಾಧಾರೇ ಪರಮಂತ್ರವಿದಾರಿಣೀ |
ನಮಸ್ತೇ ಚಂಡಿಕೇ ಚಂಡೀ ಮಹಾಮಹಿಷವಾಹಿನೀ || ೭ ||
ನಮೋ ಬ್ರಹ್ಮಾಣಿ ದೇವೇಶಿ ರಕ್ತಬೀಜನಿಪಾತಿನೀ |
ನಮಃ ಕೌಮಾರಿಕೇ ಕುಂಠೀ ಪರದರ್ಪನಿಷೂದಿನೀ || ೮ ||
ನಮೋ ವಾರಾಹಿ ಚೈಂದ್ರಾಣಿ ಪರೇ ನಿರ್ವಾಣದಾಯಿನೀ |
ನಮಸ್ತೇ ದೇವಿ ಚಾಮುಂಡೇ ಚಂಡಮುಂಡವಿದಾರಿಣೀ || ೯ ||
ನಮೋ ಮಾತರ್ಮಹಾಲಕ್ಷ್ಮೀ ಸಂಸಾರಾರ್ಣವತಾರಿಣೀ |
ನಿಶುಂಭದೈತ್ಯಸಂಹಾರಿ ಕಾಲಾಂತಕಿ ನಮೋಽಸ್ತು ತೇ || ೧೦ ||
ಓಂ ಕೃಷ್ಣಾಂಬರ ಶೋಭಿತೇ ಸಕಲ ಸೇವಕ ಜನೋಪದ್ರವಕಾರಕ ದುಷ್ಟಗ್ರಹ ರಾಜಘಂಟಾ ಸಂಹಟ್ಟ ಹಾರಿಹಿ ಕಾಲಾಂತಕಿ ನಮೋಽಸ್ತು ತೇ || ೧೧ ||
ದುರ್ಗೇ ಸಹಸ್ರವದನೇ ಅಷ್ಟಾದಶಭುಜಲತಾಭೂಷಿತೇ ಮಹಾಬಲಪರಾಕ್ರಮೇ ಅದ್ಭುತೇ ಅಪರಾಜಿತೇ ದೇವಿ ಪ್ರತ್ಯಂಗಿರೇ ಸರ್ವಾರ್ತಿಶಾಯಿನಿ ಪರಕರ್ಮ ವಿಧ್ವಂಸಿನಿ ಪರಯಂತ್ರ ಮಂತ್ರ ತಂತ್ರ ಚೂರ್ಣಾದಿ ಪ್ರಯೋಗಕೃತ ವಶೀಕರಣ ಸ್ತಂಭನ ಜೃಂಭಣಾದಿ ದೋಷಾಂಚಯಾಚ್ಛಾದಿನಿ ಸರ್ವಶತ್ರೂಚ್ಚಾಟಿನಿ ಮಾರಿಣಿ ಮೋಹಿನಿ ವಶೀಕರಣಿ ಸ್ತಂಭಿನಿ ಜೃಂಭಿಣಿ ಆಕರ್ಷಿಣಿ ಸರ್ವದೇವಗ್ರಹ ಯೋಗಗ್ರಹ ಯೋಗಿನಿಗ್ರಹ ದಾನವಗ್ರಹ ದೈತ್ಯಗ್ರಹ ರಾಕ್ಷಸಗ್ರಹ ಸಿದ್ಧಗ್ರಹ ಯಕ್ಷಗ್ರಹ ಗುಹ್ಯಕಗ್ರಹ ವಿದ್ಯಾಧರಗ್ರಹ ಕಿನ್ನರಗ್ರಹ ಗಂಧರ್ವಗ್ರಹ ಅಪ್ಸರಾಗ್ರಹ ಭೂತಗ್ರಹ ಪ್ರೇತಗ್ರಹ ಪಿಶಾಚಗ್ರಹ ಕೂಷ್ಮಾಂಡಗ್ರಹ ಗಜಾದಿಕಗ್ರಹ ಮಾತೃಗ್ರಹ ಪಿತೃಗ್ರಹ ವೇತಾಲಗ್ರಹ ರಾಜಗ್ರಹ ಚೌರಗ್ರಹ ಗೋತ್ರಗ್ರಹ ಅಶ್ವದೇವತಾಗ್ರಹ ಗೋತ್ರದೇವತಾಗ್ರಹ ಆಧಿಗ್ರಹ ವ್ಯಾಧಿಗ್ರಹ ಅಪಸ್ಮಾರಗ್ರಹ ನಾಸಾಗ್ರಹ ಗಲಗ್ರಹ ಯಾಮ್ಯಗ್ರಹ ಡಾಮರಿಕಾಗ್ರಹೋದಕಗ್ರಹ ವಿದ್ಯೋರಗ್ರಹಾರಾತಿಗ್ರಹ ಛಾಯಾಗ್ರಹ ಶಲ್ಯಗ್ರಹ ಸರ್ವಗ್ರಹ ವಿಶಲ್ಯಗ್ರಹ ಕಾಲಗ್ರಹ ಸರ್ವದೋಷಗ್ರಹ ವಿದ್ರಾವಿಣೀ ಸರ್ವದುಷ್ಟಭಕ್ಷಿಣಿ ಸರ್ವಪಾಪನಿಷೂದಿನಿ ಸರ್ವಯಂತ್ರಸ್ಫೋಟಿನಿ ಸರ್ವಶೃಂಖಲಾತ್ರೋಟಿನಿ ಸರ್ವಮುದ್ರಾದ್ರಾವಿಣಿ ಜ್ವಾಲಾಜಿಹ್ವೇ ಕರಾಲವಕ್ತ್ರೇ ರೌದ್ರಮೂರ್ತೇ ದೇವಿ ಪ್ರತ್ಯಂಗಿರೇ ಸರ್ವಂ ದೇಹಿ ಯಶೋ ದೇಹಿ ಪುತ್ರಂ ದೇಹಿ ಆರೋಗ್ಯಂ ದೇಹಿ ಭುಕ್ತಿಮುಕ್ತ್ಯಾದಿಕಂ ದೇಹಿ ಸರ್ವಸಿದ್ಧಿಂ ದೇಹಿ ಮಮ ಸಪರಿವಾರಂ ರಕ್ಷ ರಕ್ಷ ಪೂಜಾ ಜಪ ಹೋಮ ಧ್ಯಾನಾರ್ಚನಾದಿಕಂ ಕೃತಂ ನ್ಯೂನಮಧಿಕಂ ವಾ ಪರಿಪೂರ್ಣಂ ಕುರು ಕುರು ಅಭಿಮುಖೀ ಭವ ರಕ್ಷ ರಕ್ಷ ಕ್ಷಮ ಸರ್ವಾಪರಾಧಮ್ || ೧೨ ||
ಫಲಶ್ರುತಿಃ –
ಏವಂ ಸ್ತುತಾ ಮಹಾಲಕ್ಷ್ಮೀ ಶಿವೇನ ಪರಮಾತ್ಮನಃ |
ಉವಾಚೇದಂ ಪ್ರಹೃಷ್ಟಾಂಗೀ ಶೃಣುಷ್ವ ಪರಮೇಶ್ವರಃ || ೧೩ ||
ಏತತ್ ಪ್ರತ್ಯಂಗಿರಾ ಸ್ತೋತ್ರಂ ಯೇ ಪಠಂತಿ ದ್ವಿಜೋತ್ತಮಾಃ |
ಶೃಣ್ವಂತಃ ಸಾಧಯಂತಾಶ್ಚ ತೇಷಾಂ ಸಿದ್ಧಿಪ್ರದಾ ಭವೇತ್ || ೧೪ ||
ಶ್ರೀಶ್ಚ ಕುಬ್ಜೀಂ ಮಹಾಕುಬ್ಜೀ ಕಾಳಿಕಾ ಗುಹ್ಯಕಾಳಿಕಾ |
ತ್ರಿಪುರಾ ತ್ವರಿತಾ ನಿತ್ಯಾ ತ್ರೈಲೋಕ್ಯವಿಜಯಾ ಜಯಾ || ೧೪ ||
ಜಿತಾಪರಾಜಿತಾ ದೇವೀ ಜಯಂತೀ ಭದ್ರಕಾಳಿಕಾ |
ಸಿದ್ಧಲಕ್ಷ್ಮೀ ಮಹಾಲಕ್ಷ್ಮೀಃ ಕಾಲರಾತ್ರಿ ನಮೋಽಸ್ತು ತೇ || ೧೫ ||
ಕಾಳೀ ಕರಾಳವಿಕ್ರಾಂತೇ ಕಾಳಿಕಾ ಪಾಪಹಾರಿಣೀ |
ವಿಕರಾಳಮುಖೀ ದೇವಿ ಜ್ವಾಲಾಮುಖಿ ನಮೋಽಸ್ತು ತೇ || ೧೬ ||
ಇದಂ ಪ್ರತ್ಯಂಗಿರಾ ಸ್ತೋತ್ರಂ ಯಃ ಪಠೇನ್ನಿಯತಃ ಶುಚಿಃ |
ತಸ್ಯ ಸರ್ವಾರ್ಥಸಿದ್ಧಿಸ್ಯಾನ್ನಾತ್ರಕಾರ್ಯಾವಿಚರಣಾ || ೧೭ ||
ಶತ್ರವೋ ನಾಶಮಾಯಾಂತಿ ಮಹಾನೈಶ್ವರ್ಯವಾನ್ಭವೇತ್ |
ಇದಂ ರಹಸ್ಯಂ ಪರಮಂ ನಾಖ್ಯೇಯಂ ಯಸ್ಯಕಸ್ಯಚಿತ್ || ೧೮ ||
ಸರ್ವಪಾಪಹರಂ ಪುಣ್ಯಂ ಸದ್ಯಃ ಪ್ರತ್ಯಯಕಾರಕಮ್ |
ಗೋಪನೀಯಂ ಪ್ರಯತ್ನೇನ ಸರ್ವಕಾಮಫಲಪ್ರದಮ್ || ೧೯ ||
ಇತಿ ಅಥರ್ವಣರಹಸ್ಯೇ ಶ್ರೀ ಪ್ರತ್ಯಂಗಿರಾ ಸ್ತೋತ್ರಮ್ |
Did you see any mistake/variation in the content above? Click here to report mistakes and corrections in Stotranidhi content.
