Read in తెలుగు / ಕನ್ನಡ / தமிழ் / देवनागरी / English (IAST)
ಕಾಮಶಾಸನಮಾಶ್ರಿತಾರ್ತಿನಿವಾರಣೈಕಧುರಂಧರಂ
ಪಾಕಶಾಸನಪೂರ್ವಲೇಖಗಣೈಃ ಸಮರ್ಚಿತಪಾದುಕಮ್ |
ವ್ಯಾಘ್ರಪಾದಫಣೀಶ್ವರಾದಿಮುನೀಶಸಂಘನಿಷೇವಿತಂ
ಚಿತ್ಸಭೇಶಮಹರ್ನಿಶಂ ಹೃದಿ ಭಾವಯಾಮಿ ಕೃಪಾಕರಮ್ || ೧ ||
ಯಕ್ಷರಾಕ್ಷಸದಾನವೋರಗಕಿನ್ನರಾದಿಭಿರನ್ವಹಂ
ಭಕ್ತಿಪೂರ್ವಕಮತ್ಯುದಾರಸುಗೀತವೈಭವಶಾಲಿನಮ್ |
ಚಂಡಿಕಾಮುಖಪದ್ಮವಾರಿಜಬಾಂಧವಂ ವಿಭುಮವ್ಯಯಂ
ಚಿತ್ಸಭೇಶಮಹರ್ನಿಶಂ ಹೃದಿ ಭಾವಯಾಮಿ ಕೃಪಾಕರಮ್ || ೨ ||
ಕಾಲಪಾಶನಿಪೀಡಿತಂ ಮುನಿಬಾಲಕಂ ಸ್ವಪದಾರ್ಚಕಂ
ಹ್ಯಗ್ರಗಣ್ಯಮಶೇಷಭಕ್ತಜನೌಘಕಸ್ಯ ಸದೀಡಿತಮ್ |
ರಕ್ಷಿತುಂ ಸಹಸಾವತೀರ್ಯ ಜಘಾನ ಯಚ್ಛಮನಂ ಚ ತಂ
ಚಿತ್ಸಭೇಶಮಹರ್ನಿಶಂ ಹೃದಿ ಭಾವಯಾಮಿ ಕೃಪಾಕರಮ್ || ೩ ||
ಭೀಕರೋದಕಪೂರಕೈರ್ಭುವಮರ್ಣವೀಕರಣೋದ್ಯತಾಂ
ಸ್ವರ್ಧುನೀಮಭಿಮಾನಿನೀಮತಿದುಶ್ಚರೇಣ ಸಮಾಧಿನಾ |
ತೋಷಿತಸ್ತು ಭಗೀರಥೇನ ದಧಾರ ಯೋ ಶಿರಸಾ ಚ ತಂ
ಚಿತ್ಸಭೇಶಮಹರ್ನಿಶಂ ಹೃದಿ ಭಾವಯಾಮಿ ಕೃಪಾಕರಮ್ || ೪ ||
ಯೋಗಿನಃ ಸನಕಾದಯೋ ಮುನಿಪುಂಗವಾ ವಿಮಲಾಶಯಾಃ
ದಕ್ಷಿಣಾಭಿಮುಖಂ ಗುರುಂ ಸಮುಪಾಸ್ಯ ಯಂ ಶಿವಮಾದರಾತ್ |
ಸಿದ್ಧಿಮಾಪುರನೂಪಮಾಂ ತಮನನ್ಯಭಾವಯುತಸ್ತ್ವಹಂ
ಚಿತ್ಸಭೇಶಮಹರ್ನಿಶಂ ಹೃದಿ ಭಾವಯಾಮಿ ಕೃಪಾಕರಮ್ || ೫ ||
ಕ್ಷೀರಸಾಗರಮಂಥನೋದ್ಭವಕಾಲಕೂಟಮಹಾವಿಷಂ
ನಿಗ್ರಹೀತುಮಶಕ್ಯಮನ್ಯಸುರಾಸುರೈರಪಿ ಯೋಽರ್ಥಿತಃ |
ರಕ್ಷತಿ ಸ್ಮ ಜಗತ್ತ್ರಯಂ ಸವಿಲಾಸಮೇವ ನಿಪೀಯ ತಂ
ಚಿತ್ಸಭೇಶಮಹರ್ನಿಶಂ ಹೃದಿ ಭಾವಯಾಮಿ ಕೃಪಾಕರಮ್ || ೬ ||
ಸರ್ವದೇವಮಯಂ ಯಮೇವ ಭಜಂತಿ ವೈದಿಕಸತ್ತಮಾಃ
ಜ್ಞಾನಕರ್ಮವಿಬೋಧಕಾಃ ಸಕಲಾಗಮಾಃ ಶ್ರುತಿಪೂರ್ವಕಾಃ |
ಆಹುರೇವ ಯಮೀಶಮಾದರತಶ್ಚ ತಂ ಸಕಲೇಶ್ವರಂ
ಚಿತ್ಸಭೇಶಮಹರ್ನಿಶಂ ಹೃದಿ ಭಾವಯಾಮಿ ಕೃಪಾಕರಮ್ || ೭ ||
ಇತಿ ಶ್ರೀ ನಟರಾಜ ಹೃದಯಭಾವನಾ ಸಪ್ತಕಮ್ ||
ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ. ಇನ್ನಷ್ಟು ಶ್ರೀ ನಟರಾಜ ಸ್ತೋತ್ರಗಳು ನೋಡಿ.
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
