Read in తెలుగు / ಕನ್ನಡ / தமிழ் / देवनागरी / English (IAST)
ಹ್ರೀಮತ್ಯಾ ಶಿವಯಾ ವಿರಾಣ್ಮಯಮಜಂ ಹೃತ್ಪಂಕಜಸ್ಥಂ ಸದಾ
ಹ್ರೀಣಾನಾ ಶಿವಕೀರ್ತನೇ ಹಿತಕರಂ ಹೇಲಾಹೃದಾ ಮಾನಿನಾಮ್ |
ಹೋಬೇರಾದಿಸುಗಂಧವಸ್ತುರುಚಿರಂ ಹೇಮಾದ್ರಿಬಾಣಾಸನಂ
ಹ್ರೀಂಕಾರಾದಿಕಪಾದಪೀಠಮಮಲಂ ಹೃದ್ಯಂ ನಟೇಶಂ ಭಜೇ || ೧ ||
ಶ್ರೀಮಜ್ಜ್ಞಾನಸಭಾಂತರೇ ಪ್ರವಿಲಸಚ್ಛ್ರೀಪಂಚವರ್ಣಾಕೃತಿಂ
ಶ್ರೀವಾಣೀವಿನುತಾಪದಾನನಿಚಯಂ ಶ್ರೀವಲ್ಲಭೇನಾರ್ಚಿತಮ್ |
ಶ್ರೀವಿದ್ಯಾಮನುಮೋದಿನಂ ಶ್ರಿತಜನಶ್ರೀದಾಯಕಂ ಶ್ರೀಧರಂ
ಶ್ರೀಚಕ್ರಾಂತರವಾಸಿನಂ ಶಿವಮಹಂ ಶ್ರೀಮನ್ನಟೇಶಂ ಭಜೇ || ೨ ||
ನವ್ಯಾಂಭೋಜಮುಖಂ ನಮಜ್ಜನನಿಧಿಂ ನಾರಾಯಣೇನಾರ್ಚಿತಂ
ನಾಕೌಕೋನಗರೀನಟೀಲಸಿತಕಂ ನಾಗಾದಿನಾಲಂಕೃತಮ್ |
ನಾನಾರೂಪಕನರ್ತನಾದಿಚತುರಂ ನಾಲೀಕಜಾನ್ವೇಷಿತಂ
ನಾದಾತ್ಮಾನಮಹಂ ನಗೇಂದ್ರತನಯಾನಾಥಂ ನಟೇಶಂ ಭಜೇ || ೩ ||
ಮಧ್ಯಸ್ಥಂ ಮಧುವೈರಿಮಾರ್ಗಿತಪದಂ ಮದ್ವಂಶನಾಥಂ ಪ್ರಭುಂ
ಮಾರಾತೀತಮತೀವ ಮಂಜುವಪುಷಂ ಮಂದಾರಗೌರಪ್ರಭಮ್ |
ಮಾಯಾತೀತಮಶೇಷಮಂಗಳನಿಧಿಂ ಮದ್ಭಾವನಾಭಾವಿತಂ
ಮಧ್ಯೇವ್ಯೋಮಸಭಾಗುಹಾಂತಮಖಿಲಾಕಾಶಂ ನಟೇಶಂ ಭಜೇ || ೪ ||
ಶಿಷ್ಟೈಃ ಪೂಜಿತಪಾದುಕಂ ಶಿವಕರಂ ಶೀತಾಂಶುರೇಖಾಧರಂ
ಶಿಲ್ಪಂ ಭಕ್ತಜನಾವನೇ ಶಿಥಿಲಿತಾಘೌಘಂ ಶಿವಾಯಾಃ ಪ್ರಿಯಮ್ |
ಶಿಕ್ಷಾರಕ್ಷಣಮಂಬುಜಾಸನಶಿರಃ ಸಂಹಾರಶೀಲಪ್ರಭುಂ
ಶೀತಾಪಾಂಗವಿಲೋಚನಂ ಶಿವಮಹಂ ಶ್ರೀಮನ್ನಟೇಶಂ ಭಜೇ || ೫ ||
ವಾಣೀವಲ್ಲಭವಂದ್ಯವೈಭವಯುತಂ ವಂದಾರುಚಿಂತಾಮಣಿಂ
ವಾತಾಶಾಧಿಪಭೂಷಣಂ ಪರಕೃಪಾವಾರಾನ್ನಿಧಿಂ ಯೋಗಿನಾಮ್ |
ವಾಂಛಾಪೂರ್ತಿಕರಂ ವಲಾರಿವಿನುತಂ ವಾಹೀಕೃತಾಮ್ನಾಯಕಂ
ವಾಮಂಗಾತ್ತವರಾಂಗನಂ ಮಮ ಹೃದಾವಾಸಂ ನಟೇಶಂ ಭಜೇ || ೬ ||
ಯಕ್ಷಾಧೀಶಸಖಂ ಯಮಪ್ರಮಥನಂ ಯಾಮಿನ್ಯಧೀಶಾಸನಂ
ಯಜ್ಞಧ್ವಂಸಕರಂ ಯತೀಂದ್ರವಿನುತಂ ಯಜ್ಞಕ್ರಿಯಾದೀಶ್ವರಮ್ |
ಯಾಜ್ಯಂ ಯಾಜಕರೂಪಿಣಂ ಯಮಧನೈರ್ಯತ್ನೋಪಲಭ್ಯಾಂಘ್ರಿಕಂ
ವಾಜೀಭೂತವೃಷಂ ಸದಾ ಹೃದಿ ಮಮಾಯತ್ತಂ ನಟೇಶಂ ಭಜೇ || ೭ ||
ಮಾಯಾಶ್ರೀವಿಲಸಚ್ಚಿದಂಬರಮಹಾಪಂಚಾಕ್ಷರೈರಂಕಿತಾನ್
ಶ್ಲೋಕಾನ್ ಸಪ್ತ ಪಠಂತಿ ಯೇಽನುದಿವಸಂ ಚಿಂತಾಮಣೀನಾಮಕಾನ್ |
ತೇಷಾಂ ಭಾಗ್ಯಮನೇಕಮಾಯುರಧಿಕಾನ್ ವಿದ್ವದ್ವರಾನ್ ಸತ್ಸುತಾನ್
ಸರ್ವಾಭೀಷ್ಟಮಸೌ ದದಾತಿ ಸಹಸಾ ಶ್ರೀಮತ್ಸಭಾಧೀಶ್ವರಃ || ೮ ||
ಇತಿ ಶ್ರೀ ನಟೇಶ ಸ್ತವಃ |
ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
