Read in తెలుగు / ಕನ್ನಡ / தமிழ் / देवनागरी / English (IAST)
ನಂದಿಕೇಶ್ವರ ಉವಾಚ |
ಕೈಲಾಸಸ್ಯೋತ್ತರೇ ಶೃಂಗೇ ಶುದ್ಧಸ್ಫಟಿಕಸನ್ನಿಭೇ |
ತಮೋಗುಣವಿಹೀನೇ ತು ಜರಾಮೃತ್ಯುವಿವರ್ಜಿತೇ || ೧ ||
ಸರ್ವತೀರ್ಥಾಸ್ಪದಾಧಾರೇ ಸರ್ವಜ್ಞಾನಕೃತಾಲಯೇ |
ಕೃತಾಂಜಲಿಪುಟೋ ಬ್ರಹ್ಮಾ ಧ್ಯಾನಾಸೀನಂ ಸದಾಶಿವಮ್ || ೨ ||
ಪಪ್ರಚ್ಛ ಪ್ರಣತೋ ಭೂತ್ವಾ ಜಾನುಭ್ಯಾಮವನಿಂ ಗತಃ |
ಸರ್ವಾರ್ಥಸಂಪದಾಧಾರೋ ಬ್ರಹ್ಮಾ ಲೋಕಪಿತಾಮಹಃ || ೩ ||
ಬ್ರಹ್ಮೋವಾಚ |
ಕೇನೋಪಾಯೇನ ದೇವೇಶ ಚಿರಾಯುರ್ಲೋಮಶೋಽಭವತ್ |
ತನ್ಮೇ ಬ್ರೂಹಿ ಮಹೇಶಾನ ಲೋಕಾನಾಂ ಹಿತಕಾಮ್ಯಯಾ || ೪ ||
ಶ್ರೀಸದಾಶಿವ ಉವಾಚ |
ಶೃಣು ಬ್ರಹ್ಮನ್ ಪ್ರವಕ್ಷ್ಯಾಮಿ ಚಿರಾಯುರ್ಮುನಿಸತ್ತಮಃ |
ಸಂಜಾತೋ ಕರ್ಮಣಾ ಯೇನ ವ್ಯಾಧಿಮೃತ್ಯುವಿವರ್ಜಿತಃ || ೫ ||
ತಸ್ಮಿನ್ನೇಕಾರ್ಣವೇ ಘೋರೇ ಸಲಿಲೌಘಪರಿಪ್ಲುತೇ |
ಕೃತಾಂತಭಯನಾಶಾಯ ಸ್ತುತೋ ಮೃತ್ಯುಂಜಯಃ ಶಿವಃ || ೬ ||
ತಸ್ಯ ಸಂಕೀರ್ತನಾನ್ನಿತ್ಯಂ ಮರ್ತ್ಯೋ ಮೃತ್ಯುವಿವರ್ಜಿತಃ |
ತ್ವಮೇವ ಕೀರ್ತಯನ್ ಬ್ರಹ್ಮನ್ ಮೃತ್ಯುಂ ಜೇತುಂ ನ ಸಂಶಯಃ || ೭ ||
ಲೋಮಶ ಉವಾಚ |
ದೇವಾಧಿದೇವ ದೇವೇಶ ಸರ್ವಪ್ರಾಣಭೃತಾಂ ವರ |
ಪ್ರಾಣಿನಾಮಪಿ ನಾಥಸ್ತ್ವಂ ಮೃತ್ಯುಂಜಯ ನಮೋಽಸ್ತು ತೇ || ೮ ||
ದೇಹಿನಾಂ ಜೀವಭೂತೋಽಸಿ ಜೀವೋ ಜೀವಸ್ಯ ಕಾರಣಮ್ |
ಜಗತಾಂ ರಕ್ಷಕಸ್ತ್ವಂ ವೈ ಮೃತ್ಯುಂಜಯ ನಮೋಽಸ್ತು ತೇ || ೯ ||
ಹೇಮಾದ್ರಿಶಿಖರಾಕಾರ ಸುಧಾವೀಚಿಮನೋಹರ |
ಪುಂಡರೀಕ ಪರಂ ಜ್ಯೋತಿರ್ಮುತ್ಯುಂಜಯ ನಮೋಽಸ್ತು ತೇ || ೧೦ ||
ಧ್ಯಾನಾಧಾರ ಮಹಾಜ್ಞಾನ ಸರ್ವಜ್ಞಾನೈಕಕಾರಣ |
ಪರಿತ್ರಾತಾಸಿ ಲೋಕಾನಾಂ ಮೃತ್ಯುಂಜಯ ನಮೋಽಸ್ತು ತೇ || ೧೧ ||
ನಿಹತಾ ಯೇನ ಕಾಲೇನ ಸದೇವಾಸುರಮಾನುಷಾಃ |
ಗಂಧರ್ವಾಪ್ಸರಸಶ್ಚೈವ ಸಿದ್ಧವಿದ್ಯಾಧರಾಸ್ತಥಾ || ೧೨ ||
ಸಾಧ್ಯಾಶ್ಚ ವಸವೋ ರುದ್ರಾಸ್ತಥಾಶ್ವಿನಿಸುತಾವುಭೌ |
ಮರುತಶ್ಚ ದಿಶೋ ನಾಗಾಃ ಸ್ಥಾವರಾ ಜಂಗಮಾಸ್ತಥಾ || ೧೩ ||
ಅನಂಗೇನ ಮನೋಜೇನ ಪುಷ್ಪಚಾಪೇನ ಕೇವಲಮ್ |
ಜಿತಃ ಸೋಽಪಿ ತ್ವಯಾ ಧ್ಯಾನಾನ್ಮೃತ್ಯುಂಜಯ ನಮೋಽಸ್ತು ತೇ || ೧೪ ||
ಯೇ ಧ್ಯಾಯಂತಿ ಪರಾಂ ಮೂರ್ತಿಂ ಪೂಜಯಂತ್ಯಮರಾಧಿಪ |
ನ ತೇ ಮೃತ್ಯುವಶಂ ಯಾಂತಿ ಮೃತ್ಯುಂಜಯ ನಮೋಽಸ್ತು ತೇ || ೧೫ ||
ತ್ವಮೋಂಕಾರೋಽಸಿ ವೇದಾನಾಂ ದೇವಾನಾಂ ಚ ಸದಾಶಿವಃ |
ಆಧಾರಶಕ್ತಿಃ ಶಕ್ತೀನಾಂ ಮೃತ್ಯುಂಜಯ ನಮೋಽಸ್ತು ತೇ || ೧೬ ||
ಸ್ಥಾವರೇ ಜಂಗಮೇ ವಾಪಿ ಯಾವತ್ತಿಷ್ಠತಿ ಮೇದಿನೀ |
ಜೀವತ್ವಿತ್ಯಾಹ ಲೋಕೋಽಯಂ ಮೃತ್ಯುಂಜಯ ನಮೋಽಸ್ತು ತೇ || ೧೭ ||
ಸೋಮಸೂರ್ಯಾಗ್ನಿಮಧ್ಯಸ್ಥ ವ್ಯೋಮವ್ಯಾಪಿನ್ ಸದಾಶಿವಃ |
ಕಾಲತ್ರಯ ಮಹಾಕಾಲ ಮೃತ್ಯುಂಜಯ ನಮೋಽಸ್ತು ತೇ || ೧೮ ||
ಪ್ರಬುದ್ಧೇ ಚಾಪ್ರಬುದ್ಧೇ ಚ ತ್ವಮೇವ ಸೃಜಸೇ ಜಗತ್ |
ಸೃಷ್ಟಿರೂಪೇಣ ದೇವೇಶ ಮೃತ್ಯುಂಜಯ ನಮೋಽಸ್ತು ತೇ || ೧೯ ||
ವ್ಯೋಮ್ನಿ ತ್ವಂ ವ್ಯೋಮರೂಪೋಽಸಿ ತೇಜಃ ಸರ್ವತ್ರ ತೇಜಸಿ |
ಪ್ರಾಣಿನಾಂ ಜ್ಞಾನರೂಪೋಽಸಿ ಮೃತ್ಯುಂಜಯ ನಮೋಽಸ್ತು ತೇ || ೨೦ ||
ಜಗಜ್ಜೀವೋ ಜಗತ್ಪ್ರಾಣಃ ಸ್ರಷ್ಟಾ ತ್ವಂ ಜಗತಃ ಪ್ರಭುಃ |
ಕಾರಣಂ ಸರ್ವತೀರ್ಥಾನಾಂ ಮೃತ್ಯುಂಜಯ ನಮೋಽಸ್ತು ತೇ || ೨೧ ||
ನೇತಾ ತ್ವಮಿಂದ್ರಿಯಾಣಾಂ ಚ ಸರ್ವಜ್ಞಾನಪ್ರಬೋಧಕಃ |
ಸಾಂಖ್ಯಯೋಗಶ್ಚ ಹಂಸಶ್ಚ ಮೃತ್ಯುಂಜಯ ನಮೋಽಸ್ತು ತೇ || ೨೨ ||
ರೂಪಾತೀತಃ ಸುರೂಪಶ್ಚ ಪಿಂಡಸ್ಥಾ ಪದಮೇವ ಚ |
ಚತುರ್ಯುಗಕಲಾಧಾರ ಮೃತ್ಯುಂಜಯ ನಮೋಽಸ್ತು ತೇ || ೨೩ ||
ರೇಚಕೇ ವಹ್ನಿರೂಪೋಽಸಿ ಸೋಮರೂಪೋಽಸಿ ಪೂರಕೇ |
ಕುಂಭಕೇ ಶಿವರೂಪೋಽಸಿ ಮೃತ್ಯುಂಜಯ ನಮೋಽಸ್ತು ತೇ || ೨೪ ||
ಕ್ಷಯಂ ಕರೋಽಸಿ ಪಾಪಾನಾಂ ಪುಣ್ಯಾನಾಮಪಿ ವರ್ಧಸಮ್ |
ಹೇತುಸ್ತ್ವಂ ಶ್ರೇಯಸಾಂ ನಿತ್ಯಂ ಮೃತ್ಯುಂಜಯ ನಮೋಽಸ್ತು ತೇ || ೨೫ ||
ಸರ್ವಮಾಯಾಕಲಾತೀತ ಸರ್ವೇಂದ್ರಿಯಪರಾವರ |
ಸರ್ವೇಂದ್ರಿಯಕಲಾಧೀಶ ಮೃತ್ಯುಂಜಯ ನಮೋಽಸ್ತು ತೇ || ೨೬ ||
ರೂಪಂ ಗಂಧೋ ರಸಃ ಸ್ಪರ್ಶಃ ಶಬ್ದಃ ಸಂಸ್ಕಾರ ಏವ ಚ |
ತ್ವತ್ತಃ ಪ್ರಕಾಶ ಏತೇಷಾಂ ಮೃತ್ಯುಂಜಯ ನಮೋಽಸ್ತು ತೇ || ೨೭ ||
ಚತುರ್ವಿಧಾನಾಂ ಸೃಷ್ಟೀನಾಂ ಹೇತುಸ್ತ್ವಂ ಕಾರಣೇಶ್ವರ |
ಭಾವಾಭಾವಪರಿಚ್ಛಿನ್ನ ಮೃತ್ಯುಂಜಯ ನಮೋಽಸ್ತು ತೇ || ೨೮ ||
ತ್ವಮೇಕೋ ನಿಷ್ಕಲೋ ಲೋಕೇ ಸಕಲಂ ಭುವನತ್ರಯಮ್ |
ಅತಿಸೂಕ್ಷ್ಮಾತಿರೂಪಸ್ತ್ವಂ ಮೃತ್ಯುಂಜಯ ನಮೋಽಸ್ತು ತೇ || ೨೯ ||
ತ್ವಂ ಪ್ರಬೋಧಸ್ತ್ವಮಾಧಾರಸ್ತ್ವದ್ಬೀಜಂ ಭುವನತ್ರಯಮ್ |
ಸತ್ತ್ವಂ ರಜಸ್ತಮಸ್ತ್ವಂ ಹಿ ಮೃತ್ಯುಂಜಯ ನಮೋಽಸ್ತು ತೇ || ೩೦ ||
ತ್ವಂ ಸೋಮಸ್ತ್ವಂ ದಿನೇಶಶ್ಚ ತ್ವಮಾತ್ಮಾ ಪ್ರಕೃತೇಃ ಪರಃ |
ಅಷ್ಟತ್ರಿಂಶತ್ಕಲಾನಾಥ ಮೃತ್ಯುಂಜಯ ನಮೋಽಸ್ತು ತೇ || ೩೧ ||
ಸರ್ವೇಂದ್ರಿಯಾಣಾಮಾಧಾರಃ ಸರ್ವಭೂತಗಣಾಶ್ರಯಃ |
ಸರ್ವಜ್ಞಾನಮಯಾನಂತ ಮೃತ್ಯುಂಜಯ ನಮೋಽಸ್ತು ತೇ || ೩೨ ||
ತ್ವಮಾತ್ಮಾ ಸರ್ವಭೂತಾನಾಂ ಗುಣಾನಾಂ ತ್ವಮಧೀಶ್ವರಃ |
ಸರ್ವಾನಂದಮಯಾಧಾರ ಮೃತ್ಯುಂಜಯ ನಮೋಽಸ್ತು ತೇ || ೩೩ ||
ತ್ವಂ ಯಜ್ಞಃ ಸರ್ವಯಜ್ಞಾನಾಂ ತ್ವಂ ಬುದ್ಧಿರ್ಬೋಧಲಕ್ಷಣಾ |
ಶಬ್ದಬ್ರಹ್ಮ ತ್ವಮೋಂಕಾರೋ ಮೃತ್ಯುಂಜಯ ನಮೋಽಸ್ತು ತೇ || ೩೪ ||
ಶ್ರೀಸದಾಶಿವ ಉವಾಚ |
ಏವಂ ಸಂಕೀರ್ತಯೇದ್ಯಸ್ತು ಶುಚಿಸ್ತದ್ಗತಮಾನಸಃ |
ಭಕ್ತ್ಯಾ ಶೃಣೋತಿ ಯೋ ಬ್ರಹ್ಮನ್ ನ ಸ ಮೃತ್ಯುವಶೋ ಭವೇತ್ || ೩೫ ||
ನ ಚ ಮೃತ್ಯುಭಯಂ ತಸ್ಯ ಪ್ರಾಪ್ತಕಾಲಂ ಚ ಲಂಘಯೇತ್ |
ಅಪಮೃತ್ಯುಭಯಂ ತಸ್ಯ ಪ್ರಣಶ್ಯತಿ ನ ಸಂಶಯಃ || ೩೬ ||
ವ್ಯಾಧಯೋ ನೋಪಪದ್ಯಂತೇ ನೋಪಸರ್ಗಭಯಂ ಭವೇತ್ |
ಪ್ರತ್ಯಾಸನ್ನಾಂತರೇ ಕಾಲೇ ಶತೈಕಾವರ್ತನೇ ಕೃತೇ || ೩೭ ||
ಮೃತ್ಯುರ್ನ ಜಾಯತೇ ತಸ್ಯ ರೋಗಾನ್ಮುಂಚತಿ ನಿಶ್ಚಿತಮ್ |
ಪಂಚಮ್ಯಾಂ ವಾ ದಶಮ್ಯಾಂ ವಾ ಪೌರ್ಣಮಾಸ್ಯಾಮಥಾಪಿ ವಾ || ೩೮ ||
ಶತಮಾವರ್ತಯೇದ್ಯಸ್ತು ಶತವರ್ಷಂ ಸ ಜೀವತಿ |
ತೇಜಸ್ವೀ ಬಲಸಂಪನ್ನೋ ಲಭತೇ ಶ್ರಿಯಮುತ್ತಮಾಮ್ || ೩೯ ||
ತ್ರಿವಿಧಂ ನಾಶಯೇತ್ಪಾಪಂ ಮನೋವಾಕ್ಕಾಯಸಂಭವಮ್ |
ಅಭಿಚಾರಾಣಿ ಕರ್ಮಾಣಿ ಕರ್ಮಾಣ್ಯಾಥರ್ವಣಾನಿ ಚ |
ಕ್ಷೀಯಂತೇ ನಾತ್ರ ಸಂದೇಹೋ ದುಃಸ್ವಪ್ನಂ ಚ ವಿನಶ್ಯತಿ || ೪೦ ||
ಇದಂ ರಹಸ್ಯಂ ಪರಮಂ ದೇವದೇವಸ್ಯ ಶೂಲಿನಃ |
ದುಃಖಪ್ರಣಾಶನಂ ಪುಣ್ಯಂ ಸರ್ವವಿಘ್ನವಿನಾಶನಮ್ || ೪೧ ||
ಇತಿ ಶ್ರೀಶಿವಬ್ರಹ್ಮಸಂವಾದೇ ಶ್ರೀಮೃತ್ಯುಂಜಯ ಸ್ತೋತ್ರಮ್ |
ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
