Sri Mangala Chandika Stotram – ಶ್ರೀ ಮಂಗಳ ಚಂಡಿಕಾ ಸ್ತೋತ್ರಂ

ಸ್ತೋತ್ರನಿಧಿ → ಶ್ರೀ ದುರ್ಗಾ ಸ್ತೋತ್ರಗಳು → ಶ್ರೀ ಮಂಗಳ ಚಂಡಿಕಾ ಸ್ತೋತ್ರಂ

ಧ್ಯಾನಂ –
ದೇವೀಂ ಷೋಡಶವರ್ಷೀಯಾಂ ರಮ್ಯಾಂ ಸುಸ್ಥಿರಯೌವನಾಮ್ |
ಸರ್ವರೂಪಗುಣಾಢ್ಯಾಂ ಚ ಕೋಮಲಾಂಗೀಂ ಮನೋಹರಾಮ್ || ೧ ||

ಶ್ವೇತಚಂಪಕವರ್ಣಾಭಾಂ ಚಂದ್ರಕೋಟಿಸಮಪ್ರಭಾಮ್ |
ವಹ್ನಿಶುದ್ಧಾಂಶುಕಾಧಾನಾಂ ರತ್ನಭೂಷಣಭೂಷಿತಾಮ್ || ೨ ||

ಬಿಭ್ರತೀಂ ಕಬರೀಭಾರಂ ಮಲ್ಲಿಕಾಮಾಲ್ಯಭೂಷಿತಮ್ |
ಬಿಂಬೋಷ್ಠೀಂ ಸುದತೀಂ ಶುದ್ಧಾಂ ಶರತ್ಪದ್ಮನಿಭಾನನಾಮ್ || ೩ ||

ಈಷದ್ಧಾಸ್ಯಪ್ರಸನ್ನಾಸ್ಯಾಂ ಸುನೀಲೋತ್ಪಲಲೋಚನಾಮ್ |
ಜಗದ್ಧಾತ್ರೀಂ ಚ ದಾತ್ರೀಂ ಚ ಸರ್ವೇಭ್ಯಃ ಸರ್ವಸಂಪದಾಮ್ || ೪ ||

ಸಂಸಾರಸಾಗರೇ ಘೋರೇ ಪೀತರುಪಾಂ ವರಾಂ ಭಜೇ || ೫ ||

ದೇವ್ಯಾಶ್ಚ ಧ್ಯಾನಮಿತ್ಯೇವಂ ಸ್ತವನಂ ಶ್ರೂಯತಾಂ ಮುನೇ |
ಪ್ರಯತಃ ಸಂಕಟಗ್ರಸ್ತೋ ಯೇನ ತುಷ್ಟಾವ ಶಂಕರಃ || ೬ ||

ಶಂಕರ ಉವಾಚ |
ರಕ್ಷ ರಕ್ಷ ಜಗನ್ಮಾತರ್ದೇವಿ ಮಂಗಳಚಂಡಿಕೇ |
ಸಂಹರ್ತ್ರಿ ವಿಪದಾಂ ರಾಶೇರ್ಹರ್ಷಮಂಗಳಕಾರಿಕೇ || ೭ ||

ಹರ್ಷಮಂಗಳದಕ್ಷೇ ಚ ಹರ್ಷಮಂಗಳಚಂಡಿಕೇ |
ಶುಭೇ ಮಂಗಳದಕ್ಷೇ ಚ ಶುಭಮಂಗಳಚಂಡಿಕೇ || ೮ ||

ಮಂಗಳೇ ಮಂಗಳಾರ್ಹೇ ಚ ಸರ್ವಮಂಗಳಮಂಗಳೇ |
ಸತಾಂ ಮಂಗಳದೇ ದೇವಿ ಸರ್ವೇಷಾಂ ಮಂಗಳಾಲಯೇ || ೯ ||

ಪೂಜ್ಯಾ ಮಂಗಳವಾರೇ ಚ ಮಂಗಳಾಭೀಷ್ಟದೈವತೇ |
ಪೂಜ್ಯೇ ಮಂಗಳಭೂಪಸ್ಯ ಮನುವಂಶಸ್ಯ ಸಂತತಮ್ || ೧೦ ||

ಮಂಗಳಾಧಿಷ್ಠಾತೃದೇವಿ ಮಂಗಳಾನಾಂ ಚ ಮಂಗಳೇ |
ಸಂಸಾರೇ ಮಂಗಳಾಧಾರೇ ಮೋಕ್ಷಮಂಗಳದಾಯಿನಿ || ೧೧ ||

ಸಾರೇ ಚ ಮಂಗಳಾಧಾರೇ ಪಾರೇ ತ್ವಂ ಸರ್ವಕರ್ಮಣಾಮ್ |
ಪ್ರತಿಮಂಗಳವಾರಂ ಚ ಪೂಜ್ಯೇ ತ್ವಂ ಮಂಗಳಪ್ರದೇ || ೧೨ ||

ಸ್ತೋತ್ರೇಣಾನೇನ ಶಂಭುಶ್ಚ ಸ್ತುತ್ವಾ ಮಂಗಳಚಂಡಿಕಾಮ್ |
ಪ್ರತಿಮಂಗಳವಾರೇ ಚ ಪೂಜಾಂ ಕೃತ್ವಾ ಗತಃ ಶಿವಃ || ೧೩ ||

ದೇವ್ಯಾಶ್ಚ ಮಂಗಳಸ್ತೋತ್ರಂ ಯಃ ಶೃಣೋತಿ ಸಮಾಹಿತಃ |
ತನ್ಮಂಗಳಂ ಭವೇಚ್ಛಶ್ವನ್ನ ಭವೇತ್ತದಮಂಗಳಮ್ || ೧೪ ||

ಪ್ರಥಮೇ ಪೂಜಿತಾ ದೇವೀ ಶಂಭುನಾ ಸರ್ವಮಂಗಳಾ |
ದ್ವಿತೀಯೇ ಪೂಜಿತಾ ದೇವೀ ಮಂಗಳೇನ ಗ್ರಹೇಣ ಚ || ೧೫ ||

ತೃತೀಯೇ ಪೂಜಿತಾ ಭದ್ರಾ ಮಂಗಳೇನ ನೃಪೇಣ ಚ |
ಚತುರ್ಥೇ ಮಂಗಳೇ ವಾರೇ ಸುಂದರೀಭಿಶ್ಚ ಪೂಜಿತಾ |
ಪಂಚಮೇ ಮಂಗಳಾಕಾಂಕ್ಷೈರ್ನರೈರ್ಮಂಗಳಚಂಡಿಕಾ || ೧೬ ||

ಪೂಜಿತಾ ಪ್ರತಿವಿಶ್ವೇಷು ವಿಶ್ವೇಶೈಃ ಪೂಜಿತಾ ಸದಾ |
ತತಃ ಸರ್ವತ್ರ ಸಂಪೂಜ್ಯ ಸಾ ಬಭೂವ ಸುರೇಶ್ವರೀ || ೧೭ ||

ದೇವಾದಿಭಿಶ್ಚ ಮುನಿಭಿರ್ಮನುಭಿರ್ಮಾನವೈರ್ಮುನೇ |
ದೇವ್ಯಾಶ್ಚ ಮಂಗಳಸ್ತೋತ್ರಂ ಯಃ ಶೃಣೋತಿ ಸಮಾಹಿತಃ || ೧೮ ||

ತನ್ಮಂಗಳಂ ಭವೇಚ್ಛಶ್ವನ್ನ ಭವೇತ್ತದಮಂಗಳಮ್ |
ವರ್ಧಂತೇ ತತ್ಪುತ್ರಪೌತ್ರಾ ಮಂಗಳಂ ಚ ದಿನೇ ದಿನೇ || ೧೯ ||

ಇತಿ ಶ್ರೀಬ್ರಹ್ಮವೈವರ್ತೇ ಮಹಾಪುರಾಣೇ ದ್ವಿತೀಯೇ ಪ್ರಕೃತಿಖಂಡೇ ನಾರದ ನಾರಾಯಣಸಂವಾದೇ ಮಂಗಳೋಪಾಖ್ಯಾನೇ ತತ್ ಸ್ತೋತ್ರಾದಿಕಥನಂ ನಾಮ ಚತುಶ್ಚತ್ವಾರಿಂಶತ್ತಮೋಽಧ್ಯಾಯಃ |

---

ಇನ್ನಷ್ಟು ದೇವೀ ಸ್ತೋತ್ರಗಳು ನೋಡಿ. ಇನ್ನಷ್ಟು ಶ್ರೀ ದುರ್ಗಾ ಸ್ತೋತ್ರಗಳು ನೋಡಿ.

Report mistakes and corrections in Stotranidhi content.