Sri Lalitha Panchavimsati Nama Stotram – ಶ್ರೀ ಲಲಿತಾ ಪಂಚವಿಂಶತಿನಾಮ ಸ್ತೋತ್ರಂ

ಸ್ತೋತ್ರನಿಧಿ → ಶ್ರೀ ಲಲಿತಾ ಸ್ತೋತ್ರಗಳು → ಶ್ರೀ ಲಲಿತಾ ಪಂಚವಿಂಶತಿನಾಮ ಸ್ತೋತ್ರಂ

ಅಗಸ್ತ್ಯ ಉವಾಚ |
ವಾಜಿವಕ್ತ್ರ ಮಹಾಬುದ್ಧೇ ಪಂಚವಿಂಶತಿನಾಮಭಿಃ |
ಲಲಿತಾಪರಮೇಶಾನ್ಯಾ ದೇಹಿ ಕರ್ಣರಸಾಯನಮ್ || ೧ ||

ಹಯಗ್ರೀವ ಉವಾಚ |
ಸಿಂಹಾಸನೇಶೀ ಲಲಿತಾ ಮಹಾರಾಜ್ಞೀ ಪರಾಂಕುಶಾ |
ಚಾಪಿನೀ ತ್ರಿಪುರಾ ಚೈವ ಮಹಾತ್ರಿಪುರಸುಂದರೀ || ೨ ||

ಸುಂದರೀ ಚಕ್ರನಾಥಾ ಚ ಸಾಮ್ರಾಜೀ ಚಕ್ರಿಣೀ ತಥಾ |
ಚಕ್ರೇಶ್ವರೀ ಮಹಾದೇವೀ ಕಾಮೇಶೀ ಪರಮೇಶ್ವರೀ || ೩ ||

ಕಾಮರಾಜಪ್ರಿಯಾ ಕಾಮಕೋಟಿಕಾ ಚಕ್ರವರ್ತಿನೀ |
ಮಹಾವಿದ್ಯಾ ಶಿವಾನಂಗವಲ್ಲಭಾ ಸರ್ವಪಾಟಲಾ || ೪ ||

ಕುಲನಾಥಾಽಽಮ್ನಾಯನಾಥಾ ಸರ್ವಾಮ್ನಾಯನಿವಾಸಿನೀ |
ಶೃಂಗಾರನಾಯಿಕಾ ಚೇತಿ ಪಂಚವಿಂಶತಿನಾಮಭಿಃ || ೫ ||

ಸ್ತುವಂತಿ ಯೇ ಮಹಾಭಾಗಾಂ ಲಲಿತಾಂ ಪರಮೇಶ್ವರೀಮ್ |
ತೇ ಪ್ರಾಪ್ನುವಂತಿ ಸೌಭಾಗ್ಯಮಷ್ಟೌಸಿದ್ಧೀರ್ಮಹದ್ಯಶಃ || ೬ ||

ಇತಿ ಶ್ರೀಬ್ರಹ್ಮಾಂಡಪುರಾಣೇ ಲಲಿತೋಪಾಖ್ಯಾನೇ ಅಷ್ಟಾದಶೋಽಧ್ಯಾಯೇ ಶ್ರೀಲಲಿತಾ ಪಂಚವಿಂಶತಿನಾಮ ಸ್ತೋತ್ರಮ್ |

---

ಇನ್ನಷ್ಟು ಶ್ರೀ ಲಲಿತಾ ಸ್ತೋತ್ರಗಳು ನೋಡಿ.

Did you see any mistake/variation in the content above? Click here to report mistakes and corrections in Stotranidhi content.