Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರೀರ್ಲಕ್ಷ್ಮೀ ಕಲ್ಯಾಣೀ ಕಮಲಾ ಕಮಲಾಲಯಾ ಪದ್ಮಾ |
ಮಾಮಕಚೇತಃ ಸದ್ಮನಿ ಹೃತ್ಪದ್ಮೇ ವಸತು ವಿಷ್ಣುನಾ ಸಾಕಮ್ || ೧ ||
ತತ್ಸದೋಂ ಶ್ರೀಮಿತಿಪದೈಶ್ಚತುರ್ಭಿಶ್ಚತುರಾಗಮೈಃ |
ಚತುರ್ಮುಖಸ್ತುತಾ ಮಹ್ಯಮಿಂದಿರೇಷ್ಟಂ ಪ್ರಯಚ್ಛತು || ೨ ||
ಸಚ್ಚಿತ್ಸುಖತ್ರಯೀಮೂರ್ತಿ ಸರ್ವಪುಣ್ಯಫಲಾತ್ಮಿಕಾ |
ಸರ್ವೇಶಮಹಿಷೀ ಮಹ್ಯಮಿಂದಿರೇಷ್ಟಂ ಪ್ರಯಚ್ಛತು || ೩ ||
ವಿದ್ಯಾ ವೇದಾಂತಸಿದ್ಧಾಂತವಿವೇಚನವಿಚಾರಜಾ |
ವಿಷ್ಣುಸ್ವರೂಪಿಣೀ ಮಹ್ಯಮಿಂದಿರೇಷ್ಟಂ ಪ್ರಯಚ್ಛತು || ೪ ||
ತುರೀಯಾಽದ್ವೈತವಿಜ್ಞಾನಸಿದ್ಧಿಸತ್ತಾಸ್ವರೂಪಿಣೀ |
ಸರ್ವತತ್ತ್ವಮಯೀ ಮಹ್ಯಮಿಂದಿರೇಷ್ಟಂ ಪ್ರಯಚ್ಛತು || ೫ ||
ವರದಾಽಭಯದಾಂಭೋಜಧರ ಪಾಣಿಚತುಷ್ಟಯಾ |
ವಾಗೀಶಜನನೀ ಮಹ್ಯಮಿಂದಿರೇಷ್ಟಂ ಪ್ರಯಚ್ಛತು || ೬ ||
ರೇಚಕೈಃ ಪೂರಕೈಃ ಪೂರ್ಣಕುಂಭಕೈಃ ಪೂತದೇಹಿಭಿಃ |
ಮುನಿಭಿರ್ಭಾವಿತಾ ಮಹ್ಯಮಿಂದಿರೇಷ್ಟಂ ಪ್ರಯಚ್ಛತು || ೭ ||
ಣೀತ್ಯಕ್ಷರಮುಪಾಸಂತೋ ಯತ್ಪ್ರಸಾದೇನ ಸಂತತಿಮ್ |
ಕುಲಸ್ಯ ಪ್ರಾಪ್ನುಯುರ್ಮಹ್ಯಮಿಂದಿರೇಷ್ಟಂ ಪ್ರಯಚ್ಛತು || ೮ ||
ಯಂತ್ರಮಂತ್ರಕ್ರಿಯಾಸಿದ್ಧಿರೂಪಾ ಸರ್ವಸುಖಾತ್ಮಿಕಾ |
ಯಜನಾದಿಮಯೀ ಮಹ್ಯಮಿಂದಿರೇಷ್ಟಂ ಪ್ರಯಚ್ಛತು || ೯ ||
ಭಗವತ್ಯಚ್ಯುತೇ ವಿಷ್ಣಾವನಂತೇ ನಿತ್ಯವಾಸಿನೀ |
ಭಗವತ್ಯಮಲಾ ಮಹ್ಯಮಿಂದಿರೇಷ್ಟಂ ಪ್ರಯಚ್ಛತು || ೧೦ ||
ಗೋವಿಪ್ರವೇದಸೂರ್ಯಾಗ್ನಿಗಂಗಾಬಿಲ್ವಸುವರ್ಣಗಾ |
ಸಾಲಗ್ರಾಮಮಯೀ ಮಹ್ಯಮಿಂದಿರೇಷ್ಟಂ ಪ್ರಯಚ್ಛತು || ೧೧ ||
ದೇವತಾ ದೇವತಾನಾಂ ಚ ಕ್ಷೀರಸಾಗರಸಂಭವಾ |
ಕಲ್ಯಾಣೀ ಭಾರ್ಗವೀ ಮಹ್ಯಮಿಂದಿರೇಷ್ಟಂ ಪ್ರಯಚ್ಛತು || ೧೨ ||
ವಕ್ತಿ ಯೋ ವಚಸಾ ನಿತ್ಯಂ ಸತ್ಯಮೇವ ನ ಚಾನೃತಮ್ |
ತಸ್ಮಿನ್ಯಾ ರಮತೇ ಮಹ್ಯಮಿಂದಿರೇಷ್ಟಂ ಪ್ರಯಚ್ಛತು || ೧೩ ||
ಸ್ಯಮಂತಕಾದಿಮಣಯೋ ಯತ್ಪ್ರಸಾದಾಂಶಕಾಂಶಕಾಃ |
ಅನಂತವಿಭವಾ ಮಹ್ಯಮಿಂದಿರೇಷ್ಟಂ ಪ್ರಯಚ್ಛತು || ೧೪ ||
ಧೀರಾಣಾಂ ವ್ಯಾಸವಾಲ್ಮೀಕಿಪೂರ್ವಾಣಾಂ ವಾಚಕಂ ತಪಃ |
ಯತ್ಪ್ರಾಪ್ತಿಫಲಕಂ ಮಹ್ಯಮಿಂದಿರೇಷ್ಟಂ ಪ್ರಯಚ್ಛತು || ೧೫ ||
ಮಹಾನುಭಾವೈರ್ಮುನಿಭಿಃ ಮಹಾಭಾಗೈಸ್ತಪಸ್ವಿಭಿಃ |
ಆರಾಧ್ಯಪ್ರಾರ್ಥಿತಾ ಮಹ್ಯಮಿಂದಿರೇಷ್ಟಂ ಪ್ರಯಚ್ಛತು || ೧೬ ||
ಹಿಮಾಚಲಸುತಾವಾಣೀಸಖ್ಯಸೌಭಾಗ್ಯಲಕ್ಷಣಾ |
ಯಾ ಮೂಲಪ್ರಕೃತಿರ್ಮಹ್ಯಮಿಂದಿರೇಷ್ಟಂ ಪ್ರಯಚ್ಛತು || ೧೭ ||
ಧಿಯಾ ಭಕ್ತ್ಯಾ ಭಿಯಾ ವಾಚಾ ತಪಃ ಶೌಚಕ್ರಿಯಾರ್ಜವೈಃ |
ಸದ್ಭಿಃ ಸಮರ್ಚಿತಾ ಮಹ್ಯಮಿಂದಿರೇಷ್ಟಂ ಪ್ರಯಚ್ಛತು || ೧೮ ||
ಯೋಗೇನ ಕರ್ಮಣಾ ಭಕ್ತ್ಯಾ ಶ್ರದ್ಧಯಾ ಶ್ರೀಃ ಸಮಾಪ್ಯತೇ |
ಸತ್ಯಶೌಚಪರೈರ್ಮಹ್ಯಮಿಂದಿರೇಷ್ಟಂ ಪ್ರಯಚ್ಛತು || ೧೯ ||
ಯೋಗಕ್ಷೇಮೌ ಸುಖಾದೀನಾಂ ಪುಣ್ಯಜಾನಾಂ ನಿಜಾರ್ಥಿನೇ |
ದದಾತಿ ದಯಯಾ ಮಹ್ಯಮಿಂದಿರೇಷ್ಟಂ ಪ್ರಯಚ್ಛತು || ೨೦ ||
ನಃ ಶರೀರಾಣಿ ಚೇತಾಂಸಿ ಕರಣಾನಿ ಸುಖಾನಿ ಚ |
ಯದಧೀನಾನಿ ಸಾ ಮಹ್ಯಮಿಂದಿರೇಷ್ಟಂ ಪ್ರಯಚ್ಛತು || ೨೧ ||
ಪ್ರಜ್ಞಾಮಾಯುರ್ಬಲಂ ವಿತ್ತಂ ಪ್ರಜಾಮಾರೋಗ್ಯಮೀಶತಾಮ್ |
ಯಶಃ ಪುಣ್ಯಂ ಸುಖಂ ಮಹ್ಯಮಿಂದಿರೇಷ್ಟಂ ಪ್ರಯಚ್ಛತು || ೨೨ ||
ಚೋರಾರಿವ್ಯಾಲರೋಗಾರ್ಣಗ್ರಹಪೀಡಾನಿವಾರಿಣೀ |
ಅನೀತೀರಭಯಂ ಮಹ್ಯಮಿಂದಿರೇಷ್ಟಂ ಪ್ರಯಚ್ಛತು || ೨೩ ||
ದಯಾಮಾಶ್ರಿತವಾತ್ಸಲ್ಯಂ ದಾಕ್ಷಿಣ್ಯಂ ಸತ್ಯಶೀಲತಾಮ್ |
ನಿತ್ಯಂ ಯಾ ವಹತೇ ಮಹ್ಯಮಿಂದಿರೇಷ್ಟಂ ಪ್ರಯಚ್ಛತು || ೨೪ ||
ಯಾ ದೇವ್ಯವ್ಯಾಜಕರುಣಾ ಯಾ ಜಗಜ್ಜನನೀ ರಮಾ |
ಸ್ವತಂತ್ರಶಕ್ತಿರ್ಯಾ ಮಹ್ಯಮಿಂದಿರೇಷ್ಟಂ ಪ್ರಯಚ್ಛತು || ೨೫ ||
ಬ್ರಹ್ಮಣ್ಯಸುಬ್ರಹ್ಮಣ್ಯೋಕ್ತಾಂ ಗಾಯತ್ರ್ಯಕ್ಷರಸಮ್ಮಿತಾಮ್ |
ಇಷ್ಟಸಿದ್ಧಿರ್ಭವೇನ್ನಿತ್ಯಂ ಪಠತಾಮಿಂದಿರಾಸ್ತುತಿಮ್ || ೨೬ ||
ಇತಿ ಶ್ರೀ ಲಕ್ಷ್ಮೀ ಗಾಯತ್ರೀಮಂತ್ರ ಸ್ತುತಿಃ |
ಇನ್ನಷ್ಟು ಶ್ರೀ ಲಕ್ಷ್ಮೀ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
