Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರೀಸದಾಶಿವ ಉವಾಚ |
ತ್ರೈಲೋಕ್ಯವಿಜಯಸ್ಯಾಸ್ಯ ಕವಚಸ್ಯ ಋಷಿಃ ಶಿವಃ |
ಛಂದೋಽನುಷ್ಟುಬ್ದೇವತಾ ಚ ಆದ್ಯಾಕಾಳೀ ಪ್ರಕೀರ್ತಿತಾ || ೧ ||
ಮಾಯಾಬೀಜಂ ಬೀಜಮಿತಿ ರಮಾ ಶಕ್ತಿರುದಾಹೃತಾ |
ಕ್ರೀಂ ಕೀಲಕಂ ಕಾಮ್ಯಸಿದ್ಧೌ ವಿನಿಯೋಗಃ ಪ್ರಕೀರ್ತಿತಃ || ೨ ||
ಅಥ ಕವಚಮ್ |
ಹ್ರೀಮಾದ್ಯಾ ಮೇ ಶಿರಃ ಪಾತು ಶ್ರೀಂ ಕಾಳೀ ವದನಂ ಮಮ |
ಹೃದಯಂ ಕ್ರೀಂ ಪರಾ ಶಕ್ತಿಃ ಪಾಯಾತ್ಕಂಠಂ ಪರಾತ್ಪರಾ || ೩ ||
ನೇತ್ರೇ ಪಾತು ಜಗದ್ಧಾತ್ರೀ ಕರ್ಣೌ ರಕ್ಷತು ಶಂಕರೀ |
ಘ್ರಾಣಂ ಪಾತು ಮಹಾಮಾಯಾ ರಸನಾಂ ಸರ್ವಮಂಗಳಾ || ೪ ||
ದಂತಾನ್ ರಕ್ಷತು ಕೌಮಾರೀ ಕಪೋಲೌ ಕಮಲಾಲಯಾ |
ಓಷ್ಠಾಧರೌ ಕ್ಷಮಾ ರಕ್ಷೇಚ್ಚಿಬುಕಂ ಚಾರುಹಾಸಿನೀ || ೫ ||
ಗ್ರೀವಾಂ ಪಾಯಾತ್ಕುಲೇಶಾನೀ ಕಕುತ್ಪಾತು ಕೃಪಾಮಯೀ |
ದ್ವೌ ಬಾಹೂ ಬಾಹುದಾ ರಕ್ಷೇತ್ಕರೌ ಕೈವಲ್ಯದಾಯಿನೀ || ೬ ||
ಸ್ಕಂಧೌ ಕಪರ್ದಿನೀ ಪಾತು ಪೃಷ್ಠಂ ತ್ರೈಲೋಕ್ಯತಾರಿಣೀ |
ಪಾರ್ಶ್ವೇ ಪಾಯಾದಪರ್ಣಾ ಮೇ ಕಟಿಂ ಮೇ ಕಮಠಾಸನಾ || ೭ ||
ನಾಭೌ ಪಾತು ವಿಶಾಲಾಕ್ಷೀ ಪ್ರಜಾಸ್ಥಾನಂ ಪ್ರಭಾವತೀ |
ಊರೂ ರಕ್ಷತು ಕಲ್ಯಾಣೀ ಪಾದೌ ಮೇ ಪಾತು ಪಾರ್ವತೀ || ೮ ||
ಜಯದುರ್ಗಾಽವತು ಪ್ರಾಣಾನ್ ಸರ್ವಾಂಗಂ ಸರ್ವಸಿದ್ಧಿದಾ |
ರಕ್ಷಾಹೀನಂ ತು ಯತ್ ಸ್ಥಾನಂ ವರ್ಜಿತಂ ಕವಚೇನ ಚ || ೯ ||
ತತ್ಸರ್ವಂ ಮೇ ಸದಾ ರಕ್ಷೇದಾದ್ಯಾಕಾಳೀ ಸನಾತನೀ |
ಇತಿ ತೇ ಕಥಿತಂ ದಿವ್ಯಂ ತ್ರೈಲೋಕ್ಯವಿಜಯಾಭಿಧಮ್ || ೧೦ ||
ಕವಚಂ ಕಾಳಿಕಾದೇವ್ಯಾ ಆದ್ಯಾಯಾಃ ಪರಮಾದ್ಭುತಮ್ |
ಪೂಜಾಕಾಲೇ ಪಠೇದ್ಯಸ್ತು ಆದ್ಯಾಧಿಕೃತಮಾನಸಃ || ೧೧ ||
ಸರ್ವಾನ್ ಕಾಮಾನವಾಪ್ನೋತಿ ತಸ್ಯಾದ್ಯಾಶು ಪ್ರಸೀದತಿ |
ಮಂತ್ರಸಿದ್ಧಿರ್ಭವೇದಾಶು ಕಿಂಕರಾಃ ಕ್ಷುದ್ರಸಿದ್ಧಯಃ || ೧೨ ||
ಅಪುತ್ರೋ ಲಭತೇ ಪುತ್ರಂ ಧನಾರ್ಥೀ ಪ್ರಾಪ್ನುಯಾದ್ಧನಮ್ |
ವಿದ್ಯಾರ್ಥೀ ಲಭತೇ ವಿದ್ಯಾಂ ಕಾಮೀ ಕಾಮಾನವಾಪ್ನುಯಾತ್ || ೧೩ ||
ಸಹಸ್ರಾವೃತ್ತಪಾಠೇನ ವರ್ಮಣೋಽಸ್ಯ ಪುರಸ್ಕ್ರಿಯಾ |
ಪುರಶ್ಚರಣಸಂಪನ್ನಂ ಯಥೋಕ್ತಫಲದಂ ಭವೇತ್ || ೧೪ ||
ಚಂದನಾಗರುಕಸ್ತೂರೀಕುಂಕುಮೈ ರಕ್ತಚಂದನೈಃ |
ಭೂರ್ಜೇ ವಿಲಿಖ್ಯ ಗುಟಿಕಾಂ ಸ್ವರ್ಣಸ್ಥಾಂ ಧಾರಯೇದ್ಯದಿ || ೧೫ ||
ಶಿಖಾಯಾಂ ದಕ್ಷಿಣೇ ಬಾಹೌ ಕಂಠೇ ವಾ ಸಾಧಕಃ ಕಟೌ |
ತಸ್ಯಾದ್ಯಾ ಕಾಳಿಕಾ ವಶ್ಯಾ ವಾಂಛಿತಾರ್ಥಂ ಪ್ರಯಚ್ಛತಿ || ೧೬ ||
ನ ಕುತ್ರಾಪಿ ಭಯಂ ತಸ್ಯ ಸರ್ವತ್ರ ವಿಜಯೀ ಕವಿಃ |
ಅರೋಗೀ ಚಿರಜೀವೀ ಸ್ಯಾದ್ಬಲವಾನ್ ಧಾರಣಕ್ಷಮಃ || ೧೭ ||
ಸರ್ವವಿದ್ಯಾಸು ನಿಪುಣಃ ಸರ್ವಶಾಸ್ತ್ರಾರ್ಥತತ್ತ್ವವಿತ್ |
ವಶೇ ತಸ್ಯ ಮಹೀಪಾಲಾ ಭೋಗಮೋಕ್ಷೌ ಕರಸ್ಥಿತೌ || ೧೮ ||
ಇತಿ ಮಹಾನಿರ್ವಾಣತಂತ್ರೇ ಸಪ್ತಮೋಲ್ಲಾಸೇ ತ್ರೈಲೋಕ್ಯವಿಜಯಕವಚಂ ನಾಮ ಶ್ರೀ ಕಾಳಿಕಾ ಕವಚಮ್ |
ಇನ್ನಷ್ಟು ಶ್ರೀ ಕಾಳಿಕಾ ಸ್ತೋತ್ರಗಳು ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
