Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರೀದೇವ್ಯುವಾಚ |
ಕುಲೇಶ ಶ್ರೋತುಮಿಚ್ಛಾಮಿ ಪಾದುಕಾ ಭಕ್ತಿಲಕ್ಷಣಮ್ |
ಆಚಾರಮಪಿ ದೇವೇಶ ವದ ಮೇ ಕರುಣಾನಿಧೇ || ೧ ||
ಈಶ್ವರ ಉವಾಚ |
ಶೃಣು ದೇವಿ ಪ್ರವಕ್ಷ್ಯಾಮಿ ಯನ್ಮಾಂ ತ್ವಂ ಪರಿಪೃಚ್ಛಸಿ |
ತಸ್ಯ ಶ್ರವಣಮಾತ್ರೇಣ ಭಕ್ತಿರಾಶು ಪ್ರಜಾಯತೇ || ೨ ||
ವಾಗ್ಭವಾ ಮೂಲವಲಯೇ ಸೂತ್ರಾದ್ಯಾಃ ಕವಲೀಕೃತಾಃ |
ಏವಂ ಕುಲಾರ್ಣವೇ ಜ್ಞಾನಂ ಪಾದುಕಾಯಾಂ ಪ್ರತಿಷ್ಠಿತಮ್ || ೩ ||
ಕೋಟಿಕೋಟಿಮಹಾದಾನಾತ್ ಕೋಟಿಕೋಟಿಮಹಾವ್ರತಾತ್ |
ಕೋಟಿಕೋಟಿಮಹಾಯಜ್ಞಾತ್ ಪರಾ ಶ್ರೀಪಾದುಕಾಸ್ಮೃತಿಃ || ೪ ||
ಕೋಟಿಕೋಟಿಮಂತ್ರಜಾಪಾತ್ ಕೋಟಿತೀರ್ಥಾವಗಾಹನಾತ್ |
ಕೋಟಿದೇವಾರ್ಚನಾದ್ದೇವಿ ಪರಾ ಶ್ರೀಪಾದುಕಾಸ್ಮೃತಿಃ || ೫ ||
ಮಹಾರೋಗೇ ಮಹೋತ್ಪಾತೇ ಮಹಾದೋಷೇ ಮಹಾಭಯೇ |
ಮಹಾಪದಿ ಮಹಾಪಾಪೇ ಸ್ಮೃತಾ ರಕ್ಷತಿ ಪಾದುಕಾ || ೬ ||
ದುರಾಚಾರೇ ದುರಾಲಾಪೇ ದುಃಸಂಗೇ ದುಷ್ಪ್ರತಿಗ್ರಹೇ |
ದುರಾಹಾರೇ ಚ ದುರ್ಬುದ್ಧೌ ಸ್ಮೃತಾ ರಕ್ಷತಿ ಪಾದುಕಾ || ೭ ||
ತೇನಾಧೀತಂ ಸ್ಮೃತಂ ಜ್ಞಾತಮ್ ಇಷ್ಟಂ ದತ್ತಂ ಚ ಪೂಜಿತಮ್ |
ಜಿಹ್ವಾಗ್ರೇ ವರ್ತತೇ ಯಸ್ಯ ಸದಾ ಶ್ರೀಪಾದುಕಾಸ್ಮೃತಿಃ || ೮ ||
ಸಕೃತ್ ಶ್ರೀಪಾದುಕಾಂ ದೇವಿ ಯೋ ವಾ ಜಪತಿ ಭಕ್ತಿತಃ |
ಸ ಸರ್ವಪಾಪರಹಿತಃ ಪ್ರಾಪ್ನೋತಿ ಪರಮಾಂ ಗತಿಮ್ || ೯ ||
ಶುಚಿರ್ವಾಪ್ಯಶುಚಿರ್ವಾಪಿ ಭಕ್ತ್ಯಾ ಸ್ಮರತಿ ಪಾದುಕಾಮ್ |
ಅನಾಯಾಸೇನ ಧರ್ಮಾರ್ಥಕಾಮಮೋಕ್ಷಾನ್ ಲಭೇತ ಸಃ || ೧೦ ||
ಶ್ರೀನಾಥಚರಣಾಂಭೋಜಂ ಯಸ್ಯಾಂ ದಿಶಿ ವಿರಾಜತೇ |
ತಸ್ಯಾಂ ದಿಶಿ ನಮಸ್ಕುರ್ಯಾತ್ ಭಕ್ತ್ಯಾ ಪ್ರತಿದಿನಂ ಪ್ರಿಯೇ || ೧೧ ||
ನ ಪಾದುಕಾಪರೋ ಮಂತ್ರೋ ನ ದೇವಃ ಶ್ರೀಗುರೋಃ ಪರಃ |
ನ ಹಿ ಶಾಸ್ತ್ರಾತ್ ಪರಂ ಜ್ಞಾನಂ ನ ಪುಣ್ಯಂ ಕುಲಪೂಜನಾತ್ || ೧೨ ||
ಧ್ಯಾನಮೂಲಂ ಗುರೋರ್ಮೂರ್ತಿಃ ಪೂಜಾಮೂಲಂ ಗುರೋಃ ಪರಮ್ |
ಮಂತ್ರಮೂಲಂ ಗುರೋರ್ವಾಕ್ಯಂ ಮೋಕ್ಷಮೂಲಂ ಗುರೋಃ ಕೃಪಾ || ೧೩ ||
ಗುರುಮೂಲಾಃ ಕ್ರಿಯಾಃ ಸರ್ವಾ ಲೋಕೇಽಸ್ಮಿನ್ ಕುಲನಾಯಿಕೇ |
ತಸ್ಮಾತ್ ಸೇವ್ಯೋ ಗುರುರ್ನಿತ್ಯಂ ಸಿದ್ಧ್ಯರ್ಥಂ ಭಕ್ತಿಸಂಯುತೈಃ || ೧೪ ||
ಇತಿ ಕುಲಾರ್ಣವತಂತ್ರೇ ದ್ವಾದಶೋಲ್ಲಾಸೇ ಈಶ್ವರಪಾರ್ವತೀ ಸಂವಾದೇ ಶ್ರೀಗುರುಪಾದುಕಾ ಮಾಹಾತ್ಮ್ಯ ಸ್ತೋತ್ರಮ್ ||
ಇನ್ನಷ್ಟು ಶ್ರೀ ಗುರು ಸ್ತೋತ್ರಗಳು ನೋಡಿ.
గమనిక: "నవగ్రహ స్తోత్రనిధి" పుస్తకము తాయారుచేయుటకు ఆలోచన చేయుచున్నాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
