Sri Guru Paduka Mahatmya Stotram – శ్రీ గురుపాదుకా మాహాత్మ్య స్తోత్రం


[గమనిక: ఈ స్తోత్రము “శ్రీ దత్తాత్రేయ స్తోత్రనిధి” పారాయణ గ్రంథములో కూడా ఉన్నది. Click here to buy.]

శ్రీదేవ్యువాచ |
కులేశ శ్రోతుమిచ్ఛామి పాదుకా భక్తిలక్షణమ్ |
ఆచారమపి దేవేశ వద మే కరుణానిధే || ౧ ||

ఈశ్వర ఉవాచ |
శృణు దేవి ప్రవక్ష్యామి యన్మాం త్వం పరిపృచ్ఛసి |
తస్య శ్రవణమాత్రేణ భక్తిరాశు ప్రజాయతే || ౨ ||

వాగ్భవా మూలవలయే సూత్రాద్యాః కవలీకృతాః |
ఏవం కులార్ణవే జ్ఞానం పాదుకాయాం ప్రతిష్ఠితమ్ || ౩ ||

కోటికోటిమహాదానాత్ కోటికోటిమహావ్రతాత్ |
కోటికోటిమహాయజ్ఞాత్ పరా శ్రీపాదుకాస్మృతిః || ౪ ||

కోటికోటిమంత్రజాపాత్ కోటితీర్థావగాహనాత్ |
కోటిదేవార్చనాద్దేవి పరా శ్రీపాదుకాస్మృతిః || ౫ ||

మహారోగే మహోత్పాతే మహాదోషే మహాభయే |
మహాపది మహాపాపే స్మృతా రక్షతి పాదుకా || ౬ ||

దురాచారే దురాలాపే దుఃసంగే దుష్ప్రతిగ్రహే |
దురాహారే చ దుర్బుద్ధౌ స్మృతా రక్షతి పాదుకా || ౭ ||

తేనాధీతం స్మృతం జ్ఞాతమ్ ఇష్టం దత్తం చ పూజితమ్ |
జిహ్వాగ్రే వర్తతే యస్య సదా శ్రీపాదుకాస్మృతిః || ౮ ||

సకృత్ శ్రీపాదుకాం దేవి యో వా జపతి భక్తితః |
స సర్వపాపరహితః ప్రాప్నోతి పరమాం గతిమ్ || ౯ ||

శుచిర్వాప్యశుచిర్వాపి భక్త్యా స్మరతి పాదుకామ్ |
అనాయాసేన ధర్మార్థకామమోక్షాన్ లభేత సః || ౧౦ ||

శ్రీనాథచరణాంభోజం యస్యాం దిశి విరాజతే |
తస్యాం దిశి నమస్కుర్యాత్ భక్త్యా ప్రతిదినం ప్రియే || ౧౧ ||

న పాదుకాపరో మంత్రో న దేవః శ్రీగురోః పరః |
న హి శాస్త్రాత్ పరం జ్ఞానం న పుణ్యం కులపూజనాత్ || ౧౨ ||

ధ్యానమూలం గురోర్మూర్తిః పూజామూలం గురోః పరమ్ |
మంత్రమూలం గురోర్వాక్యం మోక్షమూలం గురోః కృపా || ౧౩ ||

గురుమూలాః క్రియాః సర్వా లోకేఽస్మిన్ కులనాయికే |
తస్మాత్ సేవ్యో గురుర్నిత్యం సిద్ధ్యర్థం భక్తిసంయుతైః || ౧౪ ||

ఇతి కులార్ణవతంత్రే ద్వాదశోల్లాసే ఈశ్వరపార్వతీ సంవాదే శ్రీగురుపాదుకా మాహాత్మ్య స్తోత్రమ్ ||


గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.

శ్రీ దత్తాత్రేయ స్తోత్రనిధి

(నిత్య పారాయణ గ్రంథము)

Click here to buy


మరిన్ని శ్రీ గురు స్తోత్రాలు చూడండి. మరిన్ని శ్రీ దత్తాత్రేయ స్తోత్రాలు చూడండి.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed