Read in తెలుగు / ಕನ್ನಡ / தமிழ் / देवनागरी / English (IAST)
ನವಾಂಬುದಾನೀಕಮನೋಹರಾಯ
ಪ್ರಫುಲ್ಲರಾಜೀವವಿಲೋಚನಾಯ |
ವೇಣುಸ್ವನಾಮೋದಿತಗೋಪಿಕಾಯ
ನಮೋಽಸ್ತು ಗೋಪೀಜನವಲ್ಲಭಾಯ || ೧ ||
ಕಿರೀಟಕೇಯೂರವಿಭೂಷಿತಾಯ
ಗ್ರೈವೇಯಮಾಲಾಮಣಿರಂಜಿತಾಯ |
ಸ್ಫುರಚ್ಚಲತ್ಕಾಂಚನಕುಂಡಲಾಯ
ನಮೋಽಸ್ತು ಗೋಪೀಜನವಲ್ಲಭಾಯ || ೨ ||
ದಿವ್ಯಾಂಗನಾಬೃಂದನಿಷೇವಿತಾಯ
ಸ್ಮಿತಪ್ರಭಾಚಾರುಮುಖಾಂಬುಜಾಯ |
ತ್ರೈಲೋಕ್ಯಸಮ್ಮೋಹನಸುಂದರಾಯ
ನಮೋಽಸ್ತು ಗೋಪೀಜನವಲ್ಲಭಾಯ || ೩ ||
ರತ್ನಾದಿಮೂಲಾಲಯಸಂಗತಾಯ
ಕಲ್ಪದ್ರುಮಚ್ಛಾಯಸಮಾಶ್ರಿತಾಯ |
ಹೇಮಸ್ಫುರನ್ಮಂಡಲಮಧ್ಯಗಾಯ
ನಮೋಽಸ್ತು ಗೋಪೀಜನವಲ್ಲಭಾಯ || ೪ ||
ಶ್ರೀವತ್ಸರೋಮಾವಳಿರಂಜಿತಾಯ
ವಕ್ಷಃಸ್ಥಲೇ ಕೌಸ್ತುಭಭೂಷಿತಾಯ |
ಸರೋಜಕಿಂಜಲ್ಕನಿಭಾಂಶುಕಾಯ
ನಮೋಽಸ್ತು ಗೋಪೀಜನವಲ್ಲಭಾಯ || ೫ ||
ದಿವ್ಯಾಂಗುಳೀಯಾಂಗುಳಿರಂಜಿತಾಯ
ಮಯೂರಪಿಂಛಚ್ಛವಿಶೋಭಿತಾಯ |
ವನ್ಯಸ್ರಜಾಲಂಕೃತವಿಗ್ರಹಾಯ
ನಮೋಽಸ್ತು ಗೋಪೀಜನವಲ್ಲಭಾಯ || ೬ ||
ಮುನೀಂದ್ರಬೃಂದೈರಭಿಸಂಶ್ರಿತಾಯ
ಕ್ಷರತ್ಪಯೋಗೋಕುಲಸಂಕುಲಾಯ |
ಧರ್ಮಾರ್ಥಕಾಮಾಮೃತಸಾಧಕಾಯ
ನಮೋಽಸ್ತು ಗೋಪೀಜನವಲ್ಲಭಾಯ || ೭ ||
ಏತತ್ಸಮಸ್ತಾಮಧಿದೇವತಾಯ
ಭಕ್ತಸ್ಯ ಚಿಂತಾಮಣಿಸಾಧಕಾಯ |
ಅಶೇಷದುಃಖಾಭಯಭೇಷಜಾಯ
ನಮೋಽಸ್ತು ಗೋಪೀಜನವಲ್ಲಭಾಯ || ೮ ||
ಇತಿ ಶ್ರೀ ಹರಿದಾಸೋದಿತಂ ಶ್ರೀಗೋಪೀಜನವಲ್ಲಭಾಷ್ಟಕಂ |
ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.
గమనిక: "శ్రీ అయ్యప్ప స్తోత్రనిధి" విడుదల చేశాము. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.