Sri Gopijana Vallabha Ashtakam – శ్రీ గోపీజనవల్లభాష్టకం


నవాంబుదానీకమనోహరాయ ప్రఫుల్లరాజీవవిలోచనాయ |
వేణుస్వనామోదితగోపికాయ నమోఽస్తు గోపీజనవల్లభాయ || ౧ ||

కిరీటకేయూరవిభూషితాయ గ్రైవేయమాలామణిరంజితాయ |
స్ఫురచ్చలత్కాంచనకుండలాయ నమోఽస్తు గోపీజనవల్లభాయ || ౨ ||

దివ్యాంగనాబృందనిషేవితాయ స్మితప్రభాచారుముఖాంబుజాయ |
త్రైలోక్యసమ్మోహనసుందరాయ నమోఽస్తు గోపీజనవల్లభాయ || ౩ ||

రత్నాదిమూలాలయసంగతాయ కల్పద్రుమచ్ఛాయసమాశ్రితాయ |
హేమస్ఫురన్మండలమధ్యగాయ నమోఽస్తు గోపీజనవల్లభాయ || ౪ ||

శ్రీవత్సరోమావళిరంజితాయ వక్షఃస్థలే కౌస్తుభభూషితాయ |
సరోజకింజల్కనిభాంశుకాయ నమోఽస్తు గోపీజనవల్లభాయ || ౫ ||

దివ్యాంగుళీయాంగుళిరంజితాయ మయూరపింఛచ్ఛవిశోభితాయ |
వన్యస్రజాలంకృతవిగ్రహాయ నమోఽస్తు గోపీజనవల్లభాయ || ౬ ||

మునీంద్రబృందైరభిసంశ్రితాయ క్షరత్పయోగోకులసంకులాయ |
ధర్మార్థకామామృతసాధకాయ నమోఽస్తు గోపీజనవల్లభాయ || ౭ ||

ఏతత్సమస్తామధిదేవతాయ భక్తస్య చింతామణిసాధకాయ |
అశేషదుఃఖాభయభేషజాయ నమోఽస్తు గోపీజనవల్లభాయ || ౮ ||

ఇతి శ్రీ హరిదాసోదితం శ్రీగోపీజనవల్లభాష్టకం |


మరిన్ని శ్రీ కృష్ణ స్తోత్రాలు చూడండి.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

స్పందించండి

error: Not allowed