Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ కృష్ణ స్తోత్రనిధి” పారాయణ గ్రంథములో కూడా ఉన్నది. Click here to buy.]
శ్రీగోపగోకులవివర్ధననందసూనో
రాధాపతే వ్రజజనార్తిహరావతార |
మిత్రాత్మజాతటవిహారణదీనబంధో
దామోదరాచ్యుత విభో మమ దేహి దాస్యమ్ || ౧ ||
శ్రీరాధికారమణ మాధవ గోకులేంద్ర-
-సూనో యదూత్తమ రమార్చితపాదపద్మ |
శ్రీశ్రీనివాస పురుషోత్తమ విశ్వమూర్తే
గోవింద యాదవపతే మమ దేహి దాస్యమ్ || ౨ ||
గోవర్ధనోద్ధరణ గోకులవల్లభాద్య-
-వంశోద్భటాలయ హరేఽఖిలలోకనాథ |
శ్రీవాసుదేవ మధుసూదన విశ్వనాథ
విశ్వేశ గోకులపతే మమ దేహి దాస్యమ్ || ౩ ||
రాసోత్సవప్రియబలానుజ సత్త్వరాశే
భక్తానుకంపితభవార్తిహరాధినాథ |
విజ్ఞానధామ గుణధామ కిశోరమూర్తే
సర్వేశ మంగళతనో మమ దేహి దాస్యమ్ || ౪ ||
సద్ధర్మపాల గరుడాసన యాదవేంద్ర
బ్రహ్మణ్యదేవ యదునందన భక్తిదాన |
సంకర్షణప్రియ కృపాలయ దేవ విష్ణో
సత్యప్రతిజ్ఞ భగవన్ మమ దేహి దాస్యమ్ || ౫ ||
గోపీజనప్రియతమ క్రియయైకలభ్య
రాధావరప్రియ వరేణ్య శరణ్యనాథ |
ఆశ్చర్యబాల వరదేశ్వర పూర్ణకామ
విద్వత్తమాశ్రయ ప్రభో మమ దేహి దాస్యమ్ || ౬ ||
కందర్పకోటిమదహారణ తీర్థకీర్తే
విశ్వైకవంద్య కరుణార్ణవతీర్థపాద |
సర్వజ్ఞ సర్వవరదాశ్రయకల్పవృక్ష
నారాయణాఖిలగురో మమ దేహి దాస్యమ్ || ౭ ||
వృందావనేశ్వర ముకుంద మనోజ్ఞవేష
వంశీవిభూషితకరాంబుజ పద్మనేత్ర |
విశ్వేశ కేశవ వ్రజోత్సవ భక్తివశ్య
దేవేశ పాండవపతే మమ దేహి దాస్యమ్ || ౮ ||
శ్రీకృష్ణస్తవరత్నమష్టకమిదం సర్వార్థదం శృణ్వతాం
భక్తానాం చ ప్రియం హరేశ్చ నితరాం యో వై పఠేత్పావనమ్ |
తస్యాసౌ వ్రజరాజసూనురతులాం భక్తిం స్వపాదాంబుజే
సత్సేవ్యే ప్రదదాతి గోకులపతిః శ్రీరాధికావల్లభః || ౯ ||
ఇతి శ్రీమద్వల్లభాచార్య విరచితం శ్రీ కృష్ణాష్టకమ్ ||
గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.
శ్రీ కృష్ణ స్తోత్రనిధి
(నిత్య పారాయణ గ్రంథము)
See details – Click here to buy
మరిన్ని శ్రీ కృష్ణ స్తోత్రాలు చూడండి.
గమనిక: ఇటివలి ప్రచురణలు "శ్రీ కృష్ణ స్తోత్రనిధి" మరియు "శ్రీ ఆంజనేయ స్తోత్రనిధి"
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
