Sri Krishna Ashtakam 3 – śrī kr̥ṣṇāṣṭakam 3


śrīgōpagōkulavivardhana nandasūnō
rādhāpatē vrajajanārtiharāvatāra |
mitrātmajātaṭavihāraṇa dīnabandhō
dāmōdarācyuta vibhō mama dēhi dāsyam || 1 ||

śrīrādhikāramaṇa mādhava gōkulēndra-
sūnō yadūttama ramārcitapādapadma |
śrīśrīnivāsa puruṣōttama viśvamūrtē
gōvinda yādavapatē mama dēhi dāsyam || 2 ||

gōvardhanōddharaṇa gōkulavallabhādya
vaṁśōdbhaṭālaya harē:’khilalōkanātha |
śrīvāsudēva madhusūdana viśvanātha
viśvēśa gōkulapatē mama dēhi dāsyam || 3 ||

rāsōtsavapriya balānuja sattvarāśē
bhaktānukampitatavārtiharādhināma |
vijñānadhāma guṇadhāma kiśōramūrtē
sarvēśa maṅgalatanō mama dēhi dāsyam || 4 ||

saddharmapāla garuḍāsana yādavēndra
brahmaṇyadēva yadunandana bhaktidāna
saṅkarṣaṇapriya kr̥pālaya dēva viṣṇō
satyapratijña bhagavan mama dēhi dāsyam || 5 ||

gōpījanapriyatama kriyayaikalabhya
rādhāvarapriya varēṇya śaraṇyanātha |
āścaryabāla varadēśvara pūrṇakāma
vidvattamāśraya prabhō mama dēhi dāsyam || 6 ||

kandarpakōṭimadahāraṇa tīrthakīrtē
viśvaikavandya karuṇārṇavatīrthapāda |
sarvajña sarvavaradāśrayakalpavr̥kṣa
nārāyaṇākhilagurō mama dēhi dāsyam || 7 ||

br̥ndāvanēśvara mukunda manōjñavēṣa
vaṁśīvibhūṣitakarāmbuja padmanētra |
viśvēśa kēśava vrajōtsava bhaktivaśya
dēvēśa pāṇḍavapatē mama dēhi dāsyam || 8 ||

śrīkr̥ṣṇastavaratnamaṣṭakamidaṁ sarvārthadaṁ śr̥ṇvatāṁ
bhaktānāṁ ca hitaṁ harēśca nitarāṁ yō vai paṭhētpāvanam |
tasyāsau vrajarājasūnuratulāṁ bhaktiṁ svapādāmbujē
satsēvyē pradadāti gōkulapatiḥ śrīrādhikāvallabhaḥ || 9 ||

iti śrīmadvallabhācāryaviracitaṁ śrīkr̥ṣṇāṣṭakam |


See more śrī kr̥ṣṇa stōtrāṇi for chanting.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

Leave a Reply

error: Not allowed