Read in తెలుగు / ಕನ್ನಡ / தமிழ் / देवनागरी / English (IAST)
ವಾಸುದೇವಮಹೇಶಾತ್ಮ-ಕೃಷ್ಣವೇಣೀಧುನೀಸ್ವಸಾ |
ಸ್ವಸಾರಾದ್ಯಾ ಜನೋದ್ಧರ್ತ್ರೀ ಪುತ್ರೀ ಸಹ್ಯಸ್ಯ ಗೌತಮೀ || ೧ ||
ಸುರರ್ಷಿವಂದ್ಯಾ ಭುವನೇನವದ್ಯಾ
ಯಾದ್ಯಾತ್ರ ನದ್ಯಾಶ್ರಿತಪಾಪಹಂತ್ರೀ |
ದೇವೇನ ಯಾ ಕೃತ್ರಿಮಗೋವಧೋತ್ಥ-
ದೋಷಾಪನುತ್ಯೇ ಮುನಯೇ ಪ್ರದತ್ತಾ || ೨ ||
ವಾರ್ಯುತ್ತಮಂ ಯೇ ಪ್ರಪಿಬನ್ತಿ ಮರ್ತ್ಯಾ-
ಯಸ್ಯಾಃ ಸಕೃತ್ತೋಽಪಿ ಭವನ್ತ್ಯಮರ್ತ್ಯಾಃ |
ನನ್ದನ್ತ ಊರ್ಧ್ವಂ ಚ ಯದಾಪ್ಲವೇನ
ನರಾ ದೃಢೇನೇವ ಸವಪ್ಲವೇನ || ೩ ||
ದರ್ಶನಮಾತ್ರೇಣ ಮುದಾ ಗತಿದಾ ಗೋದಾವರೀ ವರೀವರ್ತ್ರಿ |
ಸಮವರ್ತಿವಿಹಾಯದ್ರೋಧಾಸೀ ಮುಕ್ತಿಃ ಸತೀ ನರೀನರ್ತಿ || ೪ ||
ರಮ್ಯೇ ವಸತಾಮಸತಾಮಪಿ ಯತ್ತೀರೇ ಹಿ ಸಾ ಗತಿರ್ಭವತಿ |
ಸ್ವಚ್ಛಾನ್ತರೋರ್ಧ್ವರೇತೋಯೋಗೋಮುನೀನಾಂ ಹಿ ಸಾ ಗತಿರ್ಭವತಿ || ೫ ||
ತೀವ್ರತಾಪಪ್ರಶಮನೀ ಸಾ ಪುನಾತು ಮಹಾಧುನೀ |
ಮುನೀಡ್ಯಾ ಧರ್ಮಜನನೀ ಪಾವನೀ ನೋದ್ಯತಾಶಿನೀ || ೬ ||
ಸದಾ ಗೋದಾರ್ತಿಹಾ ಗಂಗಾ ಜನ್ತುತಾಪಾಪಹಾರಿಣೀ |
ಮೋದಾಸ್ಪದಾ ಮಹಾಭಂಗಾ ಪಾತು ಪಾಪಾಪಹಾರಿಣೀ || ೭ ||
ಗೋದಾ ಮೋದಾಸ್ಪದಾ ಮೇ ಭವತು
ವರವತಾ ದೇವದೇವರ್ಷಿವನ್ದ್ಯಾ |
ಪಾರಾವಾರಾಗ್ರ್ಯರಾಮಾ ಜಯತಿ
ಯತಿಯಮೀಟ್ಸೇವಿತಾ ವಿಶ್ವವಿತ್ತಾ || ೮ ||
ಪಾಪಾದ್ಯಾ ಪಾತ್ಯಪಾಪಾ
ಧೃತಿಮತಿಗತಿದಾ ಕೋಪತಾಪಾಭ್ಯಪಘ್ನೀ |
ವಂದೇ ತಾಂ ದೇವದೇಹಾಂ
ಮಲಕುಲದಲನೀಂ ಪಾವನೀಂ ವನ್ದ್ಯವನ್ದ್ಯಾಮ್ || ೯ ||
ಇತಿ ಶ್ರೀಮತ್ಪರಮಹಂಸ ಪರಿವ್ರಾಜಕಾಚಾರ್ಯ ಶ್ರೀವಾಸುದೇವಾನಂದಸರಸ್ವತೀ ವಿರಚಿತಂ ಶ್ರೀಗೋದಾಷ್ಟಕಮ್ |
ಇನ್ನಷ್ಟು ವಿವಿಧ ಸ್ತೋತ್ರಗಳು ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
