Read in తెలుగు / ಕನ್ನಡ / தமிழ் / देवनागरी / English (IAST)
ಧ್ಯಾನಂ –
ಮುಕ್ತಾವಿದ್ರುಮಹೇಮನೀಲಧವಳಚ್ಛಾಯೈರ್ಮುಖೈಸ್ತ್ರೀಕ್ಷಣೈಃ
ಯುಕ್ತಾಮಿಂದುನಿಬದ್ಧರತ್ನಮಕುಟಾಂ ತತ್ತ್ವಾರ್ಥವರ್ಣಾತ್ಮಿಕಾಮ್ |
ಗಾಯತ್ರೀಂ ವರದಾಽಭಯಾಂಕುಶಕಶಾಃ ಶುಭ್ರಂ ಕಪಾಲಂ ಗದಾಂ
ಶಂಖಂ ಚಕ್ರಮಥಾರವಿಂದಯುಗಳಂ ಹಸ್ತೈರ್ವಹಂತೀಂ ಭಜೇ ||
ಅಥ ಸ್ತೋತ್ರಂ –
ತತ್ಕಾರರೂಪಾ ತತ್ತ್ವಜ್ಞಾ ತತ್ಪದಾರ್ಥಸ್ವರೂಪಿಣೀ |
ತಪಸ್ಸ್ವ್ಯಾಧ್ಯಾಯನಿರತಾ ತಪಸ್ವಿಜನಸನ್ನುತಾ || ೧ ||
ತತ್ಕೀರ್ತಿಗುಣಸಂಪನ್ನಾ ತಥ್ಯವಾಕ್ಚ ತಪೋನಿಧಿಃ |
ತತ್ತ್ವೋಪದೇಶಸಂಬಂಧಾ ತಪೋಲೋಕನಿವಾಸಿನೀ || ೨ ||
ತರುಣಾದಿತ್ಯಸಂಕಾಶಾ ತಪ್ತಕಾಂಚನಭೂಷಣಾ |
ತಮೋಽಪಹಾರಿಣೀ ತಂತ್ರೀ ತಾರಿಣೀ ತಾರರೂಪಿಣೀ || ೩ ||
ತಲಾದಿಭುವನಾಂತಃಸ್ಥಾ ತರ್ಕಶಾಸ್ತ್ರವಿಧಾಯಿನೀ |
ತಂತ್ರಸಾರಾ ತಂತ್ರಮಾತಾ ತಂತ್ರಮಾರ್ಗಪ್ರದರ್ಶಿನೀ || ೪ ||
ತತ್ತ್ವಾ ತಂತ್ರವಿಧಾನಜ್ಞಾ ತಂತ್ರಸ್ಥಾ ತಂತ್ರಸಾಕ್ಷಿಣೀ |
ತದೇಕಧ್ಯಾನನಿರತಾ ತತ್ತ್ವಜ್ಞಾನಪ್ರಬೋಧಿನೀ || ೫ ||
ತನ್ನಾಮಮಂತ್ರಸುಪ್ರೀತಾ ತಪಸ್ವಿಜನಸೇವಿತಾ |
ಸಕಾರರೂಪಾ ಸಾವಿತ್ರೀ ಸರ್ವರೂಪಾ ಸನಾತನೀ || ೬ ||
ಸಂಸಾರದುಃಖಶಮನೀ ಸರ್ವಯಾಗಫಲಪ್ರದಾ |
ಸಕಲಾ ಸತ್ಯಸಂಕಲ್ಪಾ ಸತ್ಯಾಸತ್ಯಪ್ರದಾಯಿನೀ || ೭ ||
ಸಂತೋಷಜನನೀ ಸಾರಾ ಸತ್ಯಲೋಕನಿವಾಸಿನೀ |
ಸಮುದ್ರತನಯಾರಾಧ್ಯಾ ಸಾಮಗಾನಪ್ರಿಯಾ ಸತೀ || ೮ ||
ಸಮಾನಾ ಸಾಮದೇವೀ ಚ ಸಮಸ್ತಸುರಸೇವಿತಾ |
ಸರ್ವಸಂಪತ್ತಿಜನನೀ ಸದ್ಗುಣಾ ಸಕಲೇಷ್ಟದಾ || ೯ ||
ಸನಕಾದಿಮುನಿಧ್ಯೇಯಾ ಸಮಾನಾಧಿಕವರ್ಜಿತಾ |
ಸಾಧ್ಯಾ ಸಿದ್ಧಾ ಸುಧಾವಾಸಾ ಸಿದ್ಧಿಃ ಸಾಧ್ಯಪ್ರದಾಯಿನೀ || ೧೦ ||
ಸದ್ಯುಗಾರಾಧ್ಯನಿಲಯಾ ಸಮುತ್ತೀರ್ಣಾ ಸದಾಶಿವಾ |
ಸರ್ವವೇದಾಂತನಿಲಯಾ ಸರ್ವಶಾಸ್ತ್ರಾರ್ಥಗೋಚರಾ || ೧೧ ||
ಸಹಸ್ರದಳಪದ್ಮಸ್ಥಾ ಸರ್ವಜ್ಞಾ ಸರ್ವತೋಮುಖೀ |
ಸಮಯಾ ಸಮಯಾಚಾರಾ ಸದಸದ್ಗ್ರಂಥಿಭೇದಿನೀ || ೧೨ ||
ಸಪ್ತಕೋಟಿಮಹಾಮಂತ್ರಮಾತಾ ಸರ್ವಪ್ರದಾಯಿನೀ |
ಸಗುಣಾ ಸಂಭ್ರಮಾ ಸಾಕ್ಷೀ ಸರ್ವಚೈತನ್ಯರೂಪಿಣೀ || ೧೩ ||
ಸತ್ಕೀರ್ತಿಃ ಸಾತ್ತ್ವಿಕೀ ಸಾಧ್ವೀ ಸಚ್ಚಿದಾನಂದರೂಪಿಣೀ |
ಸಂಕಲ್ಪರೂಪಿಣೀ ಸಂಧ್ಯಾ ಸಾಲಗ್ರಾಮನಿವಾಸಿನೀ || ೧೪ ||
ಸರ್ವೋಪಾಧಿವಿನಿರ್ಮುಕ್ತಾ ಸತ್ಯಜ್ಞಾನಪ್ರಬೋಧಿನೀ |
ವಿಕಾರರೂಪಾ ವಿಪ್ರಶ್ರೀರ್ವಿಪ್ರಾರಾಧನತತ್ಪರಾ || ೧೫ ||
ವಿಪ್ರಪ್ರೀರ್ವಿಪ್ರಕಲ್ಯಾಣೀ ವಿಪ್ರವಾಕ್ಯಸ್ವರೂಪಿಣೀ |
ವಿಪ್ರಮಂದಿರಮಧ್ಯಸ್ಥಾ ವಿಪ್ರವಾದವಿನೋದಿನೀ || ೧೬ ||
ವಿಪ್ರೋಪಾಧಿವಿನಿರ್ಭೇತ್ರೀ ವಿಪ್ರಹತ್ಯಾವಿಮೋಚನೀ |
ವಿಪ್ರತ್ರಾತ್ರೀ ವಿಪ್ರಗೋತ್ರಾ ವಿಪ್ರಗೋತ್ರವಿವರ್ಧಿನೀ || ೧೭ ||
ವಿಪ್ರಭೋಜನಸಂತುಷ್ಟಾ ವಿಷ್ಣುರೂಪಾ ವಿನೋದಿನೀ |
ವಿಷ್ಣುಮಾಯಾ ವಿಷ್ಣುವಂದ್ಯಾ ವಿಷ್ಣುಗರ್ಭಾ ವಿಚಿತ್ರಿಣೀ || ೧೮ ||
ವೈಷ್ಣವೀ ವಿಷ್ಣುಭಗಿನೀ ವಿಷ್ಣುಮಾಯಾವಿಲಾಸಿನೀ |
ವಿಕಾರರಹಿತಾ ವಿಶ್ವವಿಜ್ಞಾನಘನರೂಪಿಣೀ || ೧೯ ||
ವಿಬುಧಾ ವಿಷ್ಣುಸಂಕಲ್ಪಾ ವಿಶ್ವಾಮಿತ್ರಪ್ರಸಾದಿನೀ |
ವಿಷ್ಣುಚೈತನ್ಯನಿಲಯಾ ವಿಷ್ಣುಸ್ವಾ ವಿಶ್ವಸಾಕ್ಷಿಣೀ || ೨೦ ||
ವಿವೇಕಿನೀ ವಿಯದ್ರೂಪಾ ವಿಜಯಾ ವಿಶ್ವಮೋಹಿನೀ |
ವಿದ್ಯಾಧರೀ ವಿಧಾನಜ್ಞಾ ವೇದತತ್ತ್ವಾರ್ಥರೂಪಿಣೀ || ೨೧ ||
ವಿರೂಪಾಕ್ಷೀ ವಿರಾಡ್ರೂಪಾ ವಿಕ್ರಮಾ ವಿಶ್ವಮಂಗಳಾ |
ವಿಶ್ವಂಭರಾಸಮಾರಾಧ್ಯಾ ವಿಶ್ವಭ್ರಮಣಕಾರಿಣೀ || ೨೨ ||
ವಿನಾಯಕೀ ವಿನೋದಸ್ಥಾ ವೀರಗೋಷ್ಠೀವಿವರ್ಧಿನೀ |
ವಿವಾಹರಹಿತಾ ವಿಂಧ್ಯಾ ವಿಂಧ್ಯಾಚಲನಿವಾಸಿನೀ || ೨೩ ||
ವಿದ್ಯಾವಿದ್ಯಾಕರೀ ವಿದ್ಯಾ ವಿದ್ಯಾವಿದ್ಯಾಪ್ರಬೋಧಿನೀ |
ವಿಮಲಾ ವಿಭವಾ ವೇದ್ಯಾ ವಿಶ್ವಸ್ಥಾ ವಿವಿಧೋಜ್ಜ್ವಲಾ || ೨೪ ||
ವೀರಮಧ್ಯಾ ವರಾರೋಹಾ ವಿತಂತ್ರಾ ವಿಶ್ವನಾಯಿಕಾ |
ವೀರಹತ್ಯಾಪ್ರಶಮನೀ ವಿನಮ್ರಜನಪಾಲಿನೀ || ೨೫ ||
ವೀರಧೀರ್ವಿವಿಧಾಕಾರಾ ವಿರೋಧಿಜನನಾಶಿನೀ |
ತುಕಾರರೂಪಾ ತುರ್ಯಶ್ರೀಸ್ತುಲಸೀವನವಾಸಿನೀ || ೨೬ ||
ತುರಂಗೀ ತುರಗಾರೂಢಾ ತುಲಾದಾನಫಲಪ್ರದಾ |
ತುಲಾಮಾಘಸ್ನಾನತುಷ್ಟಾ ತುಷ್ಟಿಪುಷ್ಟಿಪ್ರದಾಯಿನೀ || ೨೭ ||
ತುರಂಗಮಪ್ರಸಂತುಷ್ಟಾ ತುಲಿತಾ ತುಲ್ಯಮಧ್ಯಗಾ |
ತುಂಗೋತ್ತುಂಗಾ ತುಂಗಕುಚಾ ತುಹಿನಾಚಲಸಂಸ್ಥಿತಾ || ೨೮ ||
ತುಂಬುರಾದಿಸ್ತುತಿಪ್ರೀತಾ ತುಷಾರಶಿಖರೀಶ್ವರೀ |
ತುಷ್ಟಾ ಚ ತುಷ್ಟಿಜನನೀ ತುಷ್ಟಲೋಕನಿವಾಸಿನೀ || ೨೯ ||
ತುಲಾಧಾರಾ ತುಲಾಮಧ್ಯಾ ತುಲಾಸ್ಥಾ ತುರ್ಯರೂಪಿಣೀ |
ತುರೀಯಗುಣಗಂಭೀರಾ ತುರ್ಯನಾದಸ್ವರೂಪಿಣೀ || ೩೦ ||
ತುರ್ಯವಿದ್ಯಾಲಾಸ್ಯತುಷ್ಟಾ ತುರ್ಯಶಾಸ್ತ್ರಾರ್ಥವಾದಿನೀ |
ತುರೀಯಶಾಸ್ತ್ರತತ್ತ್ವಜ್ಞಾ ತುರ್ಯವಾದವಿನೋದಿನೀ || ೩೧ ||
ತುರ್ಯನಾದಾಂತನಿಲಯಾ ತುರ್ಯಾನಂದಸ್ವರೂಪಿಣೀ |
ತುರೀಯಭಕ್ತಿಜನನೀ ತುರ್ಯಮಾರ್ಗಪ್ರದರ್ಶಿನೀ || ೩೨ ||
ರ್ವಕಾರರೂಪಾ ವಾಗೀಶೀ ವರೇಣ್ಯಾ ವರಸಂವಿಧಾ |
ವರಾ ವರಿಷ್ಠಾ ವೈದೇಹೀ ವೇದಶಾಸ್ತ್ರಪ್ರದರ್ಶಿನೀ || ೩೩ ||
ವಿಕಲ್ಪಶಮನೀ ವಾಣೀ ವಾಂಛಿತಾರ್ಥಫಲಪ್ರದಾ |
ವಯಃಸ್ಥಾ ಚ ವಯೋಮಧ್ಯಾ ವಯೋಽವಸ್ಥಾವಿವರ್ಜಿತಾ || ೩೪ ||
ವಂದಿನೀ ವಾದಿನೀ ವರ್ಯಾ ವಾಙ್ಮಯೀ ವೀರವಂದಿತಾ |
ವಾನಪ್ರಸ್ಥಾಶ್ರಮಸ್ಥಾ ಚ ವನದುರ್ಗಾ ವನಾಲಯಾ || ೩೫ ||
ವನಜಾಕ್ಷೀ ವನಚರೀ ವನಿತಾ ವಿಶ್ವಮೋಹಿನೀ |
ವಸಿಷ್ಠವಾಮದೇವಾದಿವಂದ್ಯಾ ವಂದ್ಯಸ್ವರೂಪಿಣೀ || ೩೬ ||
ವೈದ್ಯಾ ವೈದ್ಯಚಿಕಿತ್ಸಾ ಚ ವಷಟ್ಕಾರೀ ವಸುಂಧರಾ |
ವಸುಮಾತಾ ವಸುತ್ರಾತಾ ವಸುಜನ್ಮವಿಮೋಚನೀ || ೩೭ ||
ವಸುಪ್ರದಾ ವಾಸುದೇವೀ ವಾಸುದೇವಮನೋಹರೀ |
ವಾಸವಾರ್ಚಿತಪಾದಶ್ರೀರ್ವಾಸವಾರಿವಿನಾಶಿನೀ || ೩೮ ||
ವಾಗೀಶೀ ವಾಙ್ಮನಃಸ್ಥಾಯೀ ವಶಿನೀ ವನವಾಸಭೂಃ |
ವಾಮದೇವೀ ವರಾರೋಹಾ ವಾದ್ಯಘೋಷಣತತ್ಪರಾ || ೩೯ ||
ವಾಚಸ್ಪತಿಸಮಾರಾಧ್ಯಾ ವೇದಮಾತಾ ವಿನೋದಿನೀ |
ರೇಕಾರರೂಪಾ ರೇವಾ ಚ ರೇವಾತೀರನಿವಾಸಿನೀ || ೪೦ ||
ರಾಜೀವಲೋಚನಾ ರಾಮಾ ರಾಗಿಣೀ ರತಿವಂದಿತಾ |
ರಮಣೀ ರಾಮಜಪ್ತಾ ಚ ರಾಜ್ಯಪಾ ರಜತಾದ್ರಿಗಾ || ೪೧ ||
ರಾಕಿಣೀ ರೇವತೀ ರಕ್ಷಾ ರುದ್ರಜನ್ಮಾ ರಜಸ್ವಲಾ |
ರೇಣುಕಾ ರಮಣೀ ರಮ್ಯಾ ರತಿವೃದ್ಧಾ ರತಾ ರತಿಃ || ೪೨ ||
ರಾವಣಾನಂದಸಂಧಾಯೀ ರಾಜಶ್ರೀ ರಾಜಶೇಖರೀ |
ರಣಮಧ್ಯಾ ರಥಾರೂಢಾ ರವಿಕೋಟಿಸಮಪ್ರಭಾ || ೪೩ ||
ರವಿಮಂಡಲಮಧ್ಯಸ್ಥಾ ರಜನೀ ರವಿಲೋಚನಾ |
ರಥಾಂಗಪಾಣೀ ರಕ್ಷೋಘ್ನೀ ರಾಗಿಣೀ ರಾವಣಾರ್ಚಿತಾ || ೪೪ ||
ರಂಭಾದಿಕನ್ಯಕಾರಾಧ್ಯಾ ರಾಜ್ಯದಾ ರಾಜ್ಯವರ್ಧಿನೀ |
ರಜತಾದ್ರೀಶಸಕ್ಥಿಸ್ಥಾ ರಮ್ಯಾ ರಾಜೀವಲೋಚನಾ || ೪೫ ||
ರಮ್ಯವಾಣೀ ರಮಾರಾಧ್ಯಾ ರಾಜ್ಯಧಾತ್ರೀ ರತೋತ್ಸವಾ |
ರೇವತೀ ಚ ರತೋತ್ಸಾಹಾ ರಾಜಹೃದ್ರೋಗಹಾರಿಣೀ || ೪೬ ||
ರಂಗಪ್ರವೃದ್ಧಮಧುರಾ ರಂಗಮಂಡಪಮಧ್ಯಗಾ |
ರಂಜಿತಾ ರಾಜಜನನೀ ರಮ್ಯಾ ರಾಕೇಂದುಮಧ್ಯಗಾ || ೪೭ ||
ರಾವಿಣೀ ರಾಗಿಣೀ ರಂಜ್ಯಾ ರಾಜರಾಜೇಶ್ವರಾರ್ಚಿತಾ |
ರಾಜನ್ವತೀ ರಾಜನೀತೀ ರಜತಾಚಲವಾಸಿನೀ || ೪೮ ||
ರಾಘವಾರ್ಚಿತಪಾದಶ್ರೀಃ ರಾಘವೀ ರಾಘವಪ್ರಿಯಾ |
ರತ್ನನೂಪುರಮಧ್ಯಾಢ್ಯಾ ರತ್ನದ್ವೀಪನಿವಾಸಿನೀ || ೪೯ ||
ರತ್ನಪ್ರಾಕಾರಮಧ್ಯಸ್ಥಾ ರತ್ನಮಂಡಪಮಧ್ಯಗಾ |
ರತ್ನಾಭಿಷೇಕಸಂತುಷ್ಟಾ ರತ್ನಾಂಗೀ ರತ್ನದಾಯಿನೀ || ೫೦ ||
ಣಿಕಾರರೂಪಿಣೀ ನಿತ್ಯಾ ನಿತ್ಯತೃಪ್ತಾ ನಿರಂಜನಾ |
ನಿದ್ರಾತ್ಯಯವಿಶೇಷಜ್ಞಾ ನೀಲಜೀಮೂತಸನ್ನಿಭಾ || ೫೧ ||
ನೀವಾರಶೂಕವತ್ತನ್ವೀ ನಿತ್ಯಕಲ್ಯಾಣರೂಪಿಣೀ |
ನಿತ್ಯೋತ್ಸವಾ ನಿತ್ಯಪೂಜ್ಯಾ ನಿತ್ಯಾನಂದಸ್ವರೂಪಿಣೀ || ೫೨ ||
ನಿರ್ವಿಕಲ್ಪಾ ನಿರ್ಗುಣಸ್ಥಾ ನಿಶ್ಚಿಂತಾ ನಿರುಪದ್ರವಾ |
ನಿಸ್ಸಂಶಯಾ ನಿರೀಹಾ ಚ ನಿರ್ಲೋಭಾ ನೀಲಮೂರ್ಧಜಾ || ೫೩ ||
ನಿಖಿಲಾಗಮಮಧ್ಯಸ್ಥಾ ನಿಖಿಲಾಗಮಸಂಸ್ಥಿತಾ |
ನಿತ್ಯೋಪಾಧಿವಿನಿರ್ಮುಕ್ತಾ ನಿತ್ಯಕರ್ಮಫಲಪ್ರದಾ || ೫೪ ||
ನೀಲಗ್ರೀವಾ ನಿರಾಹಾರಾ ನಿರಂಜನವರಪ್ರದಾ |
ನವನೀತಪ್ರಿಯಾ ನಾರೀ ನರಕಾರ್ಣವತಾರಿಣೀ || ೫೫ ||
ನಾರಾಯಣೀ ನಿರೀಹಾ ಚ ನಿರ್ಮಲಾ ನಿರ್ಗುಣಪ್ರಿಯಾ |
ನಿಶ್ಚಿಂತಾ ನಿಗಮಾಚಾರನಿಖಿಲಾಗಮವೇದಿನೀ || ೫೬ ||
ನಿಮೇಷಾನಿಮಿಷೋತ್ಪನ್ನಾ ನಿಮೇಷಾಂಡವಿಧಾಯಿನೀ |
ನಿವಾತದೀಪಮಧ್ಯಸ್ಥಾ ನಿರ್ವಿಘ್ನಾ ನೀಚನಾಶಿನೀ || ೫೭ ||
ನೀಲವೇಣೀ ನೀಲಖಂಡಾ ನಿರ್ವಿಷಾ ನಿಷ್ಕಶೋಭಿತಾ |
ನೀಲಾಂಶುಕಪರೀಧಾನಾ ನಿಂದಾಘ್ನೀ ಚ ನಿರೀಶ್ವರೀ || ೫೮ ||
ನಿಶ್ವಾಸೋಚ್ಛ್ವಾಸಮಧ್ಯಸ್ಥಾ ನಿತ್ಯಯಾನವಿಲಾಸಿನೀ |
ಯಂಕಾರರೂಪಾ ಯಂತ್ರೇಶೀ ಯಂತ್ರೀ ಯಂತ್ರಯಶಸ್ವಿನೀ || ೫೯ ||
ಯಂತ್ರಾರಾಧನಸಂತುಷ್ಟಾ ಯಜಮಾನಸ್ವರೂಪಿಣೀ |
ಯೋಗಿಪೂಜ್ಯಾ ಯಕಾರಸ್ಥಾ ಯೂಪಸ್ತಂಭನಿವಾಸಿನೀ || ೬೦ ||
ಯಮಘ್ನೀ ಯಮಕಲ್ಪಾ ಚ ಯಶಃಕಾಮಾ ಯತೀಶ್ವರೀ |
ಯಮಾದಿಯೋಗನಿರತಾ ಯತಿದುಃಖಾಪಹಾರಿಣೀ || ೬೧ ||
ಯಜ್ಞಾ ಯಜ್ವಾ ಯಜುರ್ಗೇಯಾ ಯಜ್ಞೇಶ್ವರಪತಿವ್ರತಾ |
ಯಜ್ಞಸೂತ್ರಪ್ರದಾ ಯಷ್ಟ್ರೀ ಯಜ್ಞಕರ್ಮಫಲಪ್ರದಾ || ೬೨ ||
ಯವಾಂಕುರಪ್ರಿಯಾ ಯಂತ್ರೀ ಯವದಘ್ನೀ ಯವಾರ್ಚಿತಾ |
ಯಜ್ಞಕರ್ತೀ ಯಜ್ಞಭೋಕ್ತ್ರೀ ಯಜ್ಞಾಂಗೀ ಯಜ್ಞವಾಹಿನೀ || ೬೩ ||
ಯಜ್ಞಸಾಕ್ಷೀ ಯಜ್ಞಮುಖೀ ಯಜುಷೀ ಯಜ್ಞರಕ್ಷಣೀ |
ಭಕಾರರೂಪಾ ಭದ್ರೇಶೀ ಭದ್ರಕಲ್ಯಾಣದಾಯಿನೀ || ೬೪ ||
ಭಕ್ತಪ್ರಿಯಾ ಭಕ್ತಸಖೀ ಭಕ್ತಾಭೀಷ್ಟಸ್ವರೂಪಿಣೀ |
ಭಗಿನೀ ಭಕ್ತಸುಲಭಾ ಭಕ್ತಿದಾ ಭಕ್ತವತ್ಸಲಾ || ೬೫ ||
ಭಕ್ತಚೈತನ್ಯನಿಲಯಾ ಭಕ್ತಬಂಧವಿಮೋಚನೀ |
ಭಕ್ತಸ್ವರೂಪಿಣೀ ಭಾಗ್ಯಾ ಭಕ್ತಾರೋಗ್ಯಪ್ರದಾಯಿನೀ || ೬೬ ||
ಭಕ್ತಮಾತಾ ಭಕ್ತಗಮ್ಯಾ ಭಕ್ತಾಭೀಷ್ಟಪ್ರದಾಯಿನೀ |
ಭಾಸ್ಕರೀ ಭೈರವೀ ಭೋಗ್ಯಾ ಭವಾನೀ ಭಯನಾಶಿನೀ || ೬೭ ||
ಭದ್ರಾತ್ಮಿಕಾ ಭದ್ರದಾಯೀ ಭದ್ರಕಾಳೀ ಭಯಂಕರೀ |
ಭಗನಿಷ್ಯಂದಿನೀ ಭೂಮ್ನೀ ಭವಬಂಧವಿಮೋಚನೀ || ೬೮ ||
ಭೀಮಾ ಭವಸಖೀ ಭಂಗೀ ಭಂಗುರಾ ಭೀಮದರ್ಶಿನೀ |
ಭಲ್ಲೀ ಭಲ್ಲೀಧರಾ ಭೀರುರ್ಭೇರುಂಡಾ ಭೀಮಪಾಪಹಾ || ೬೯ ||
ಭಾವಜ್ಞಾ ಭೋಗದಾತ್ರೀ ಚ ಭವಘ್ನೀ ಭೂತಿಭೂಷಣಾ |
ಭೂತಿದಾ ಭೂಮಿದಾತ್ರೀ ಚ ಭೂಪತಿತ್ವಪ್ರದಾಯಿನೀ || ೭೦ ||
ಭ್ರಾಮರೀ ಭ್ರಮರೀ ಭಾರೀ ಭವಸಾಗರತಾರಿಣೀ |
ಭಂಡಾಸುರವಧೋತ್ಸಾಹಾ ಭಾಗ್ಯದಾ ಭಾವಮೋದಿನೀ || ೭೧ ||
ಗೋಕಾರರೂಪಾ ಗೋಮಾತಾ ಗುರುಪತ್ನೀ ಗುರುಪ್ರಿಯಾ |
ಗೋರೋಚನಪ್ರಿಯಾ ಗೌರೀ ಗೋವಿಂದಗುಣವರ್ಧಿನೀ || ೭೨ ||
ಗೋಪಾಲಚೇಷ್ಟಾಸಂತುಷ್ಟಾ ಗೋವರ್ಧನವಿವರ್ಧಿನೀ |
ಗೋವಿಂದರೂಪಿಣೀ ಗೋಪ್ತ್ರೀ ಗೋಕುಲಾನಾಂ ವಿವರ್ಧಿನೀ || ೭೩ ||
ಗೀತಾ ಗೀತಪ್ರಿಯಾ ಗೇಯಾ ಗೋದಾ ಗೋರೂಪಧಾರಿಣೀ |
ಗೋಪೀ ಗೋಹತ್ಯಶಮನೀ ಗುಣಿನೀ ಗುಣಿವಿಗ್ರಹಾ || ೭೪ ||
ಗೋವಿಂದಜನನೀ ಗೋಷ್ಠಾ ಗೋಪ್ರದಾ ಗೋಕುಲೋತ್ಸವಾ |
ಗೋಚರೀ ಗೌತಮೀ ಗೋಪ್ತ್ರೀ ಗೋಮುಖೀ ಗುಣವಾಸಿನೀ || ೭೫ ||
ಗೋಪಾಲೀ ಗೋಮಯಾ ಗುಂಫಾ ಗೋಷ್ಠೀ ಗೋಪುರವಾಸಿನೀ |
ಗರುಡೀ ಗಮನಶ್ರೇಷ್ಠಾ ಗಾರುಡೀ ಗರುಡಧ್ವಜಾ || ೭೬ ||
ಗಂಭೀರಾ ಗಂಡಕೀ ಗುಂಭಾ ಗರುಡಧ್ವಜವಲ್ಲಭಾ |
ಗಗನಸ್ಥಾ ಗಯಾವಾಸಾ ಗುಣವೃತ್ತಿರ್ಗುಣೋದ್ಭವಾ || ೭೭ ||
ದೇಕಾರರೂಪಾ ದೇವೇಶೀ ದೃಗ್ರೂಪಾ ದೇವತಾರ್ಚಿತಾ |
ದೇವರಾಜೇಶ್ವರಾರ್ಧಾಂಗೀ ದೀನದೈನ್ಯವಿಮೋಚನೀ || ೭೮ ||
ದೇಶಕಾಲಪರಿಜ್ಞಾನಾ ದೇಶೋಪದ್ರವನಾಶಿನೀ |
ದೇವಮಾತಾ ದೇವಮೋಹಾ ದೇವದಾನವಮೋಹಿನೀ || ೭೯ ||
ದೇವೇಂದ್ರಾರ್ಚಿತಪಾದಶ್ರೀರ್ದೇವದೇವಪ್ರಸಾದಿನೀ |
ದೇಶಾಂತರೀ ದೇಶರೂಪಾ ದೇವಾಲಯನಿವಾಸಿನೀ || ೮೦ ||
ದೇಶಭ್ರಮಣಸಂತುಷ್ಟಾ ದೇಶಸ್ವಾಸ್ಥ್ಯಪ್ರದಾಯಿನೀ |
ದೇವಯಾನಾ ದೇವತಾ ಚ ದೇವಸೈನ್ಯಪ್ರಪಾಲಿನೀ || ೮೧ ||
ವಕಾರರೂಪಾ ವಾಗ್ದೇವೀ ವೇದಮಾನಸಗೋಚರಾ |
ವೈಕುಂಠದೇಶಿಕಾ ವೇದ್ಯಾ ವಾಯುರೂಪಾ ವರಪ್ರದಾ || ೮೨ ||
ವಕ್ರತುಂಡಾರ್ಚಿತಪದಾ ವಕ್ರತುಂಡಪ್ರಸಾದಿನೀ |
ವೈಚಿತ್ರ್ಯರೂಪಾ ವಸುಧಾ ವಸುಸ್ಥಾನಾ ವಸುಪ್ರಿಯಾ || ೮೩ ||
ವಷಟ್ಕಾರಸ್ವರೂಪಾ ಚ ವರಾರೋಹಾ ವರಾಸನಾ |
ವೈದೇಹೀಜನನೀ ವೇದ್ಯಾ ವೈದೇಹೀಶೋಕನಾಶಿನೀ || ೮೪ ||
ವೇದಮಾತಾ ವೇದಕನ್ಯಾ ವೇದರೂಪಾ ವಿನೋದಿನೀ |
ವೇದಾಂತವಾದಿನೀ ಚೈವ ವೇದಾಂತನಿಲಯಪ್ರಿಯಾ || ೮೫ ||
ವೇದಶ್ರವಾ ವೇದಘೋಷಾ ವೇದಗೀತಾ ವಿನೋದಿನೀ |
ವೇದಶಾಸ್ತ್ರಾರ್ಥತತ್ತ್ವಜ್ಞಾ ವೇದಮಾರ್ಗಪ್ರದರ್ಶಿನೀ || ೮೬ ||
ವೇದೋಕ್ತಕರ್ಮಫಲದಾ ವೇದಸಾಗರವಾಡವಾ |
ವೇದವಂದ್ಯಾ ವೇದಗುಹ್ಯಾ ವೇದಾಶ್ವರಥವಾಹಿನೀ || ೮೭ ||
ವೇದಚಕ್ರಾ ವೇದವಂದ್ಯಾ ವೇದಾಂಗೀ ವೇದವಿತ್ಕವಿಃ |
ಸ್ಯಕಾರರೂಪಾ ಸಾಮಂತಾ ಸಾಮಗಾನವಿಚಕ್ಷಣಾ || ೮೮ ||
ಸಾಮ್ರಾಜ್ಞೀ ಸಾಮರೂಪಾ ಚ ಸದಾನಂದಪ್ರದಾಯಿನೀ |
ಸರ್ವದೃಕ್ಸನ್ನಿವಿಷ್ಟಾ ಚ ಸರ್ವಸಂಪ್ರೇಷಿಣೀ ಸಹಾ || ೮೯ ||
ಸವ್ಯಾಪಸವ್ಯದಾ ಸವ್ಯಸಧ್ರೀಚೀ ಚ ಸಹಾಯಿನೀ |
ಸಕಲಾ ಸಾಗರಾ ಸಾರಾ ಸಾರ್ವಭೌಮಸ್ವರೂಪಿಣೀ || ೯೦ ||
ಸಂತೋಷಜನನೀ ಸೇವ್ಯಾ ಸರ್ವೇಶೀ ಸರ್ವರಂಜನೀ |
ಸರಸ್ವತೀ ಸಮಾರಾಧ್ಯಾ ಸಾಮದಾ ಸಿಂಧುಸೇವಿತಾ || ೯೧ ||
ಸಮ್ಮೋಹಿನೀ ಸದಾಮೋಹಾ ಸರ್ವಮಾಂಗಳ್ಯದಾಯಿನೀ |
ಸಮಸ್ತಭುವನೇಶಾನೀ ಸರ್ವಕಾಮಫಲಪ್ರದಾ || ೯೨ ||
ಸರ್ವಸಿದ್ಧಿಪ್ರದಾ ಸಾಧ್ವೀ ಸರ್ವಜ್ಞಾನಪ್ರದಾಯಿನೀ |
ಸರ್ವದಾರಿದ್ರ್ಯಶಮನೀ ಸರ್ವದುಃಖವಿಮೋಚನೀ || ೯೩ ||
ಸರ್ವರೋಗಪ್ರಶಮನೀ ಸರ್ವಪಾಪವಿಮೋಚನೀ |
ಸಮದೃಷ್ಟಿಃ ಸಮಗುಣಾ ಸರ್ವಗೋಪ್ತ್ರೀ ಸಹಾಯಿನೀ || ೯೪ ||
ಸಾಮರ್ಥ್ಯವಾಹಿನೀ ಸಾಂಖ್ಯಾ ಸಾಂದ್ರಾನಂದಪಯೋಧರಾ |
ಸಂಕೀರ್ಣಮಂದಿರಸ್ಥಾನಾ ಸಾಕೇತಕುಲಪಾಲಿನೀ || ೯೫ ||
ಸಂಹಾರಿಣೀ ಸುಧಾರೂಪಾ ಸಾಕೇತಪುರವಾಸಿನೀ |
ಸಂಬೋಧಿನೀ ಸಮಸ್ತೇಶೀ ಸತ್ಯಜ್ಞಾನಸ್ವರೂಪಿಣೀ || ೯೬ ||
ಸಂಪತ್ಕರೀ ಸಮಾನಾಂಗೀ ಸರ್ವಭಾವಸುಸಂಸ್ಥಿತಾ |
ಸಂಧ್ಯಾವಂದನಸುಪ್ರೀತಾ ಸನ್ಮಾರ್ಗಕುಲಪಾಲಿನೀ || ೯೭ ||
ಸಂಜೀವಿನೀ ಸರ್ವಮೇಧಾ ಸಭ್ಯಾ ಸಾಧುಸುಪೂಜಿತಾ |
ಸಮಿದ್ಧಾ ಸಾಮಿಧೇನೀ ಚ ಸಾಮಾನ್ಯಾ ಸಾಮವೇದಿನೀ || ೯೮ ||
ಸಮುತ್ತೀರ್ಣಾ ಸದಾಚಾರಾ ಸಂಹಾರಾ ಸರ್ವಪಾವನೀ |
ಸರ್ಪಿಣೀ ಸರ್ಪಮಾತಾ ಚ ಸಮಾದಾನಸುಖಪ್ರದಾ || ೯೯ ||
ಸರ್ವರೋಗಪ್ರಶಮನೀ ಸರ್ವಜ್ಞತ್ವಫಲಪ್ರದಾ |
ಸಂಕ್ರಮಾ ಸಮದಾ ಸಿಂಧುಃ ಸರ್ಗಾದಿಕರಣಕ್ಷಮಾ || ೧೦೦ ||
ಸಂಕಟಾ ಸಂಕಟಹರಾ ಸಕುಂಕುಮವಿಲೇಪನಾ |
ಸುಮುಖೀ ಸುಮುಖಪ್ರೀತಾ ಸಮಾನಾಧಿಕವರ್ಜಿತಾ || ೧೦೧ ||
ಸಂಸ್ತುತಾ ಸ್ತುತಿಸುಪ್ರೀತಾ ಸತ್ಯವಾದೀ ಸದಾಸ್ಪದಾ |
ಧೀಕಾರರೂಪಾ ಧೀಮಾತಾ ಧೀರಾ ಧೀರಪ್ರಸಾದಿನೀ || ೧೦೨ ||
ಧೀರೋತ್ತಮಾ ಧೀರಧೀರಾ ಧೀರಸ್ಥಾ ಧೀರಶೇಖರಾ |
ಧೃತಿರೂಪಾ ಧನಾಢ್ಯಾ ಚ ಧನಪಾ ಧನದಾಯಿನೀ || ೧೦೩ ||
ಧೀರೂಪಾ ಧೀರವಂದ್ಯಾ ಚ ಧೀಪ್ರಭಾ ಧೀರಮಾನಸಾ |
ಧೀಗೇಯಾ ಧೀಪದಸ್ಥಾ ಚ ಧೀಶಾನೀ ಧೀಪ್ರಸಾದಿನೀ || ೧೦೪ ||
ಮಕಾರರೂಪಾ ಮೈತ್ರೇಯೀ ಮಹಾಮಂಗಳದೇವತಾ |
ಮನೋವೈಕಲ್ಯಶಮನೀ ಮಲಯಾಚಲವಾಸಿನೀ || ೧೦೫ ||
ಮಲಯಧ್ವಜರಾಜಶ್ರೀರ್ಮಾಯಾಮೋಹವಿಭೇದಿನೀ |
ಮಹಾದೇವೀ ಮಹಾರೂಪಾ ಮಹಾಭೈರವಪೂಜಿತಾ || ೧೦೬ ||
ಮನುಪ್ರೀತಾ ಮಂತ್ರಮೂರ್ತಿರ್ಮಂತ್ರವಶ್ಯಾ ಮಹೇಶ್ವರೀ |
ಮತ್ತಮಾತಂಗಗಮನಾ ಮಧುರಾ ಮೇರುಮಂಡಪಾ || ೧೦೭ ||
ಮಹಾಗುಪ್ತಾ ಮಹಾಭೂತಮಹಾಭಯವಿನಾಶಿನೀ |
ಮಹಾಶೌರ್ಯಾ ಮಂತ್ರಿಣೀ ಚ ಮಹಾವೈರಿವಿನಾಶಿನೀ || ೧೦೮ ||
ಮಹಾಲಕ್ಷ್ಮೀರ್ಮಹಾಗೌರೀ ಮಹಿಷಾಸುರಮರ್ದಿನೀ |
ಮಹೀ ಚ ಮಂಡಲಸ್ಥಾ ಚ ಮಧುರಾಗಮಪೂಜಿತಾ || ೧೦೯ ||
ಮೇಧಾ ಮೇಧಾಕರೀ ಮೇಧ್ಯಾ ಮಾಧವೀ ಮಧುಮರ್ದಿನೀ |
ಮಂತ್ರಾ ಮಂತ್ರಮಯೀ ಮಾನ್ಯಾ ಮಾಯಾ ಮಾಧವಮಂತ್ರಿಣೀ || ೧೧೦ ||
ಮಾಯಾದೂರಾ ಚ ಮಾಯಾವೀ ಮಾಯಾಜ್ಞಾ ಮಾನದಾಯಿನೀ |
ಮಾಯಾಸಂಕಲ್ಪಜನನೀ ಮಾಯಾಮಾಯವಿನೋದಿನೀ || ೧೧೧ ||
ಮಾಯಾಪ್ರಪಂಚಶಮನೀ ಮಾಯಾಸಂಹಾರರೂಪಿಣೀ |
ಮಾಯಾಮಂತ್ರಪ್ರಸಾದಾ ಚ ಮಾಯಾಜನವಿಮೋಹಿನೀ || ೧೧೨ ||
ಮಹಾಪಥಾ ಮಹಾಭೋಗಾ ಮಹವಿಘ್ನವಿನಾಶಿನೀ |
ಮಹಾನುಭಾವಾ ಮಂತ್ರಾಢ್ಯಾ ಮಹಮಂಗಳದೇವತಾ || ೧೧೩ ||
ಹಿಕಾರರೂಪಾ ಹೃದ್ಯಾ ಚ ಹಿತಕಾರ್ಯಪ್ರವರ್ಧಿನೀ |
ಹೇಯೋಪಾಧಿವಿನಿರ್ಮುಕ್ತಾ ಹೀನಲೋಕವಿನಾಶಿನೀ || ೧೧೪ ||
ಹ್ರೀಂಕಾರೀ ಹ್ರೀಮ್ಮತೀ ಹೃದ್ಯಾ ಹ್ರೀಂ‍ದೇವೀ ಹ್ರೀಂ‍ಸ್ವಭಾವಿನೀ |
ಹ್ರೀಂ‍ಮಂದಿರಾ ಹಿತಕರೀ ಹೃಷ್ಟಾ ಚ ಹ್ರೀಂ‍ಕುಲೋದ್ಭವಾ || ೧೧೫ ||
ಹಿತಪ್ರಜ್ಞಾ ಹಿತಪ್ರೀತಾ ಹಿತಕಾರುಣ್ಯವರ್ಧಿನೀ |
ಹಿತಾಶಿನೀ ಹಿತಕ್ರೋಧಾ ಹಿತಕರ್ಮಫಲಪ್ರದಾ || ೧೧೬ ||
ಹಿಮಾ ಹೈಮವತೀ ಹೈಮ್ನೀ ಹೇಮಾಚಲನಿವಾಸಿನೀ |
ಹಿಮಾಗಜಾ ಹಿತಕರೀ ಹಿತಕರ್ಮಸ್ವಭಾವಿನೀ || ೧೧೭ ||
ಧಿಕಾರರೂಪಾ ಧಿಷಣಾ ಧರ್ಮರೂಪಾ ಧನೇಶ್ವರೀ |
ಧನುರ್ಧರಾ ಧರಾಧಾರಾ ಧರ್ಮಕರ್ಮಫಲಪ್ರದಾ || ೧೧೮ ||
ಧರ್ಮಾಚಾರಾ ಧರ್ಮಸಾರಾ ಧರ್ಮಮಧ್ಯನಿವಾಸಿನೀ |
ಧನುರ್ವಿದ್ಯಾ ಧನುರ್ವೇದಾ ಧನ್ಯಾ ಧೂರ್ತವಿನಾಶಿನೀ || ೧೧೯ ||
ಧನಧಾನ್ಯಾ ಧೇನುರೂಪಾ ಧನಾಢ್ಯಾ ಧನದಾಯಿನೀ |
ಧನೇಶೀ ಧರ್ಮನಿರತಾ ಧರ್ಮರಾಜಪ್ರಸಾದಿನೀ || ೧೨೦ ||
ಧರ್ಮಸ್ವರೂಪಾ ಧರ್ಮೇಶೀ ಧರ್ಮಾಧರ್ಮವಿಚಾರಿಣೀ |
ಧರ್ಮಸೂಕ್ಷ್ಮಾ ಧರ್ಮಗೇಹಾ ಧರ್ಮಿಷ್ಠಾ ಧರ್ಮಗೋಚರಾ || ೧೨೧ ||
ಯೋಕಾರರೂಪಾ ಯೋಗೇಶೀ ಯೋಗಸ್ಥಾ ಯೋಗರೂಪಿಣೀ |
ಯೋಗ್ಯಾ ಯೋಗೀಶವರದಾ ಯೋಗಮಾರ್ಗನಿವಾಸಿನೀ || ೧೨೨ ||
ಯೋಗಾಸನಸ್ಥಾ ಯೋಗೇಶೀ ಯೋಗಮಾಯಾವಿಲಾಸಿನೀ |
ಯೋಗಿನೀ ಯೋಗರಕ್ತಾ ಚ ಯೋಗಾಂಗೀ ಯೋಗವಿಗ್ರಹಾ || ೧೨೩ ||
ಯೋಗವಾಸಾ ಯೋಗಭಾಗ್ಯಾ ಯೋಗಮಾರ್ಗಪ್ರದರ್ಶಿನೀ |
ಯೋಕಾರರೂಪಾ ಯೋಧಾಢ್ಯಾ ಯೋದ್ಧ್ರೀ ಯೋಧಸುತತ್ಪರಾ || ೧೨೪ ||
ಯೋಗಿನೀ ಯೋಗಿನೀಸೇವ್ಯಾ ಯೋಗಜ್ಞಾನಪ್ರಬೋಧಿನೀ |
ಯೋಗೇಶ್ವರಪ್ರಾಣಾನಾಥಾ ಯೋಗೀಶ್ವರಹೃದಿಸ್ಥಿತಾ || ೧೨೫ ||
ಯೋಗಾ ಯೋಗಕ್ಷೇಮಕರ್ತ್ರೀ ಯೋಗಕ್ಷೇಮವಿಧಾಯಿನೀ |
ಯೋಗರಾಜೇಶ್ವರಾರಾಧ್ಯಾ ಯೋಗಾನಂದಸ್ವರೂಪಿಣೀ || ೧೨೬ ||
ನಕಾರರೂಪಾ ನಾದೇಶೀ ನಾಮಪಾರಾಯಣಪ್ರಿಯಾ |
ನವಸಿದ್ಧಿಸಮಾರಾಧ್ಯಾ ನಾರಾಯಣಮನೋಹರೀ || ೧೨೭ ||
ನಾರಾಯಣೀ ನವಾಧಾರಾ ನವಬ್ರಹ್ಮಾರ್ಚಿತಾಂಘ್ರಿಕಾ |
ನಗೇಂದ್ರತನಯಾರಾಧ್ಯಾ ನಾಮರೂಪವಿವರ್ಜಿತಾ || ೧೨೮ ||
ನರಸಿಂಹಾರ್ಚಿತಪದಾ ನವಬಂಧವಿಮೋಚನೀ |
ನವಗ್ರಹಾರ್ಚಿತಪದಾ ನವಮೀಪೂಜನಪ್ರಿಯಾ || ೧೨೯ ||
ನೈಮಿತ್ತಿಕಾರ್ಥಫಲದಾ ನಂದಿತಾರಿವಿನಾಶಿನೀ |
ನವಪೀಠಸ್ಥಿತಾ ನಾದಾ ನವರ್ಷಿಗಣಸೇವಿತಾ || ೧೩೦ ||
ನವಸೂತ್ರವಿಧಾನಜ್ಞಾ ನೈಮಿಷಾರಣ್ಯವಾಸಿನೀ |
ನವಚಂದನದಿಗ್ಧಾಂಗೀ ನವಕುಂಕುಮಧಾರಿಣೀ || ೧೩೧ ||
ನವವಸ್ತ್ರಪರೀಧಾನಾ ನವರತ್ನವಿಭೂಷಣಾ |
ನವ್ಯಭಸ್ಮವಿದಗ್ಧಾಂಗೀ ನವಚಂದ್ರಕಳಾಧರಾ || ೧೩೨ ||
ಪ್ರಕಾರರೂಪಾ ಪ್ರಾಣೇಶೀ ಪ್ರಾಣಸಂರಕ್ಷಣೀ ಪರಾ |
ಪ್ರಾಣಸಂಜೀವಿನೀ ಪ್ರಾಚ್ಯಾ ಪ್ರಾಣಿಪ್ರಾಣಪ್ರಬೋಧಿನೀ || ೧೩೩ ||
ಪ್ರಜ್ಞಾ ಪ್ರಾಜ್ಞಾ ಪ್ರಭಾಪುಷ್ಪಾ ಪ್ರತೀಚೀ ಪ್ರಬುಧಪ್ರಿಯಾ |
ಪ್ರಾಚೀನಾ ಪ್ರಾಣಿಚಿತ್ತಸ್ಥಾ ಪ್ರಭಾ ಪ್ರಜ್ಞಾನರೂಪಿಣೀ || ೧೩೪ ||
ಪ್ರಭಾತಕರ್ಮಸಂತುಷ್ಟಾ ಪ್ರಾಣಾಯಾಮಪರಾಯಣಾ |
ಪ್ರಾಯಜ್ಞಾ ಪ್ರಣವಾ ಪ್ರಾಣಾ ಪ್ರವೃತ್ತಿಃ ಪ್ರಕೃತಿಃ ಪರಾ || ೧೩೫ ||
ಪ್ರಬಂಧಾ ಪ್ರಥಮಾ ಚೈವ ಪ್ರಜ್ಞಾ ಪ್ರಾರಬ್ಧನಾಶಿನೀ |
ಪ್ರಬೋಧನಿರತಾ ಪ್ರೇಕ್ಷ್ಯಾ ಪ್ರಬಂಧಾ ಪ್ರಾಣಸಾಕ್ಷಿಣೀ || ೧೩೬ ||
ಪ್ರಯಾಗತೀರ್ಥನಿಲಯಾ ಪ್ರತ್ಯಕ್ಷಪರಮೇಶ್ವರೀ |
ಪ್ರಣವಾದ್ಯಂತನಿಲಯಾ ಪ್ರಣವಾದಿಃ ಪ್ರಜೇಶ್ವರೀ || ೧೩೭ ||
ಚೋಕಾರರೂಪಾ ಚೋರಘ್ನೀ ಚೋರಬಾಧಾವಿನಾಶಿನೀ |
ಚೈತನ್ಯಚೇತನಸ್ಥಾ ಚ ಚತುರಾ ಚ ಚಮತ್ಕೃತಿಃ || ೧೩೮ ||
ಚಕ್ರವರ್ತಿಕುಲಾಧಾರಾ ಚಕ್ರಿಣೀ ಚಕ್ರಧಾರಿಣೀ |
ಚಿತ್ತಗೇಯಾ ಚಿದಾನಂದಾ ಚಿದ್ರೂಪಾ ಚಿದ್ವಿಲಾಸಿನೀ || ೧೩೯ ||
ಚಿಂತಾಚಿತ್ತಪ್ರಶಮನೀ ಚಿಂತಿತಾರ್ಥಫಲಪ್ರದಾ |
ಚಾಂಪೇಯೀ ಚಂಪಕಪ್ರೀತಾ ಚಂಡೀ ಚಂಡಾಟ್ಟಹಾಸಿನೀ || ೧೪೦ ||
ಚಂಡೇಶ್ವರೀ ಚಂಡಮಾತಾ ಚಂಡಮುಂಡವಿನಾಶಿನೀ |
ಚಕೋರಾಕ್ಷೀ ಚಿರಪ್ರೀತಾ ಚಿಕುರಾ ಚಿಕುರಾಲಕಾ || ೧೪೧ ||
ಚೈತನ್ಯರೂಪಿಣೀ ಚೈತ್ರೀ ಚೇತನಾ ಚಿತ್ತಸಾಕ್ಷಿಣೀ |
ಚಿತ್ರಾ ಚಿತ್ರವಿಚಿತ್ರಾಂಗೀ ಚಿತ್ರಗುಪ್ತಪ್ರಸಾದಿನೀ || ೧೪೨ ||
ಚಲನಾ ಚಕ್ರಸಂಸ್ಥಾ ಚ ಚಾಂಪೇಯೀ ಚಲಚಿತ್ರಿಣೀ |
ಚಂದ್ರಮಂಡಲಮಧ್ಯಸ್ಥಾ ಚಂದ್ರಕೋಟಿಸುಶೀತಲಾ || ೧೪೩ ||
ಚಂದ್ರಾನುಜಸಮಾರಾಧ್ಯಾ ಚಂದ್ರಾ ಚಂಡಮಹೋದರೀ |
ಚರ್ಚಿತಾರಿಶ್ಚಂದ್ರಮಾತಾ ಚಂದ್ರಕಾಂತಾ ಚಲೇಶ್ವರೀ || ೧೪೪ ||
ಚರಾಚರನಿವಾಸೀ ಚ ಚಕ್ರಪಾಣಿಸಹೋದರೀ |
ದಕಾರರೂಪಾ ದತ್ತಶ್ರೀರ್ದಾರಿದ್ರ್ಯಚ್ಛೇದಕಾರಿಣೀ || ೧೪೫ ||
ದತ್ತಾತ್ರೇಯಸ್ಯ ವರದಾ ದಯಾಲುರ್ದೀನವತ್ಸಲಾ |
ದಕ್ಷಾರಾಧ್ಯಾ ದಕ್ಷಕನ್ಯಾ ದಕ್ಷಯಜ್ಞವಿನಾಶಿನೀ || ೧೪೬ ||
ದಕ್ಷಾ ದಾಕ್ಷಾಯಣೀ ದೀಕ್ಷಾ ದೃಷ್ಟಾ ದಕ್ಷವರಪ್ರದಾ |
ದಕ್ಷಿಣಾ ದಕ್ಷಿಣಾರಾಧ್ಯಾ ದಕ್ಷಿಣಾಮೂರ್ತಿರೂಪಿಣೀ || ೧೪೭ ||
ದಯಾವತೀ ದಮಸ್ವಾಂತಾ ದನುಜಾರಿರ್ದಯಾನಿಧಿಃ |
ದಂತಶೋಭನಿಭಾ ದೇವೀ ದಮನಾ ದಾಡಿಮಸ್ತನೀ || ೧೪೮ ||
ದಂಡಾ ಚ ದಮಯಿತ್ರೀ ಚ ದಂಡಿನೀ ದಮನಪ್ರಿಯಾ |
ದಂಡಕಾರಣ್ಯನಿಲಯಾ ದಂಡಕಾರಿವಿನಾಶಿನೀ || ೧೪೯ ||
ದಂಷ್ಟ್ರಾಕರಾಳವದನಾ ದಂಡಶೋಭಾ ದರೋದರೀ |
ದರಿದ್ರಾರಿಷ್ಟಶಮನೀ ದಮ್ಯಾ ದಮನಪೂಜಿತಾ || ೧೫೦ ||
ದಾನವಾರ್ಚಿತಪಾದಶ್ರೀರ್ದ್ರವಿಣಾ ದ್ರಾವಿಣೀ ದಯಾ |
ದಾಮೋದರೀ ದಾನವಾರಿರ್ದಾಮೋದರಸಹೋದರೀ || ೧೫೧ ||
ದಾತ್ರೀ ದಾನಪ್ರಿಯಾ ದಾಮ್ನೀ ದಾನಶ್ರೀರ್ದ್ವಿಜವಂದಿತಾ |
ದಂತಿಗಾ ದಂಡಿನೀ ದೂರ್ವಾ ದಧಿದುಗ್ಧಸ್ವರೂಪಿಣೀ || ೧೫೨ ||
ದಾಡಿಮೀಬೀಜಸಂದೋಹದಂತಪಂಕ್ತಿವಿರಾಜಿತಾ |
ದರ್ಪಣಾ ದರ್ಪಣಸ್ವಚ್ಛಾ ದ್ರುಮಮಂಡಲವಾಸಿನೀ || ೧೫೩ ||
ದಶಾವತಾರಜನನೀ ದಶದಿಗ್ದೈವಪೂಜಿತಾ |
ದಮಾ ದಶದಿಶಾ ದೃಶ್ಯಾ ದಶದಾಸೀ ದಯಾನಿಧಿಃ || ೧೫೪ ||
ದೇಶಕಾಲಪರಿಜ್ಞಾನಾ ದೇಶಕಾಲವಿಶೋಧಿನೀ |
ದಶಮ್ಯಾದಿಕಲಾರಾಧ್ಯ ದಶಗ್ರೀವವಿರೋಧಿನೀ || ೧೫೫ ||
ದಶಾಪರಾಧಶಮನೀ ದಶವೃತ್ತಿಫಲಪ್ರದಾ |
ಯಾತ್ಕಾರರೂಪಿಣೀ ಯಾಜ್ಞೀ ಯಾದವೀ ಯಾದವಾರ್ಚಿತಾ || ೧೫೬ ||
ಯಯಾತಿಪೂಜನಪ್ರೀತಾ ಯಾಜ್ಞಿಕೀ ಯಾಜಕಪ್ರಿಯಾ |
ಯಜಮಾನಾ ಯದುಪ್ರೀತಾ ಯಾಮಪೂಜಾಫಲಪ್ರದಾ || ೧೫೭ ||
ಯಶಸ್ವಿನೀ ಯಮಾರಾಧ್ಯಾ ಯಮಕನ್ಯಾ ಯತೀಶ್ವರೀ |
ಯಮಾದಿಯೋಗಸಂತುಷ್ಟಾ ಯೋಗೀಂದ್ರಹೃದಯಾ ಯಮಾ || ೧೫೮ ||
ಯಮೋಪಾಧಿವಿನಿರ್ಮುಕ್ತಾ ಯಶಸ್ಯವಿಧಿಸನ್ನುತಾ |
ಯವೀಯಸೀ ಯುವಪ್ರೀತಾ ಯಾತ್ರಾನಂದಾ ಯತೀಶ್ವರೀ || ೧೫೯ ||
ಯೋಗಪ್ರಿಯಾ ಯೋಗಗಮ್ಯಾ ಯೋಗಧ್ಯೇಯಾ ಯಥೇಚ್ಛಗಾ |
ಯಾಗಪ್ರಿಯಾ ಯಾಜ್ಞಸೇನೀ ಯೋಗರೂಪಾ ಯಥೇಷ್ಟದಾ || ೧೬೦ ||
ಇತಿ ಶ್ರೀ ಗಾಯತ್ರೀ ದಿವ್ಯಸಹಸ್ರನಾಮ ಸ್ತೋತ್ರಮ್ ||
ಇನ್ನಷ್ಟು ಶ್ರೀ ಗಾಯತ್ರೀ ಸ್ತೋತ್ರಗಳು ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
