Read in తెలుగు / ಕನ್ನಡ / தமிழ் / देवनागरी / English (IAST)
ನಮೋ ಗಣಾಧಿಪಾಯ ತೇ ತ್ವಯಾ ಜಗದ್ವಿನಿರ್ಮಿತಂ
ನಿಜೇಚ್ಛಯಾ ಚ ಪಾಲ್ಯತೇಽಧುನಾ ವಶೇ ತವ ಸ್ಥಿತಮ್ |
ತ್ವಮಂತರಾತ್ಮಕೋಽಸ್ಯಮುಷ್ಯ ತನ್ಮಯಿ ಸ್ಥಿತಃ ಪುನೀಹಿ
ಮಾಂ ಜಗತ್ಪತೇಽಂಬಿಕಾತನೂಜ ನಿತ್ಯ ಶಾಂಕರೇ || ೧ ||
ಗಣೇಶ್ವರಃ ಕೃಪಾನಿಧಿರ್ಜಗತ್ಪತಿಃ ಪರಾತ್ಪರಃ
ಪ್ರಭುಃ ಸ್ವಲೀಲಯಾಽಭವಚ್ಛಿವಾನ್ಮದಾವಳಾನನಃ |
ಗಿರೀಂದ್ರಜಾತನೂಭವಸ್ತಮೇವ ಸರ್ವಕರ್ಮಸು
ಪ್ರಪೂಜಯಂತಿ ದೇಹಿನಃ ಸಮಾಪ್ನುವಂತಿ ಚೇಪ್ಸಿತಮ್ || ೨ ||
ಚತುಃಪುಮರ್ಥದಾಯಿಭಿಶ್ಚತುಷ್ಕರೈರ್ವಿಲಂಬಿನಾ
ಸಹೋದರೇಣ ಸೋದರೇಣ ಪದ್ಮಜಾಂಡ ಸಂತತೇಃ |
ಪದದ್ವಯೇನ ಚಾಪದಾಂ ನಿವಾರಕೇಣ ಭಾಸುರಂ
ಭಜೇ ಭವಾತ್ಮಜಂ ಪ್ರಭುಂ ಪ್ರಸನ್ನವಕ್ತ್ರಮದ್ವಯಮ್ || ೩ ||
ಬಲಿಷ್ಠಮೂಷಿಕಾಧಿರಾಜಪೃಷ್ಠನಿಷ್ಠವಿಷ್ಠರ-
-ಪ್ರತಿಷ್ಠಿತಂ ಗಣಪ್ರಬರ್ಹಪಾರಮೇಷ್ಠ್ಯಶೋಭಿತಮ್ |
ಗರಿಷ್ಠಮಾತ್ಮಭಕ್ತಕಾರ್ಯ ವಿಘ್ನವರ್ಗ ಭಂಜನೇ
ಪಟಿಷ್ಠಮಾಶ್ರಿತಾವನೇ ಭಜಾಮಿ ವಿಘ್ನನಾಯಕಮ್ || ೪ ||
ಭಜಾಮಿ ಶೂರ್ಪಕರ್ಣಮಗ್ರಜಂ ಗುಹಸ್ಯ ಶಂಕರಾ-
-ತ್ಮಜಂ ಗಜಾನನಂ ಸಮಸ್ತದೇವಬೃಂದವಂದಿತಮ್ |
ಮಹಾಂತರಾಯಶಾಂತಿದಂ ಮತಿಪ್ರದಂ ಮನೀಷಿಣಾಂ
ಗತಿಂ ಶ್ರುತಿಸ್ಮೃತಿಸ್ತುತಂ ಗಣೇಶ್ವರಂ ಮದೀಶ್ವರಮ್ || ೫ ||
ಯದಂಘ್ರಿಪಲ್ಲವಸ್ಮೃತಿರ್ನಿರಂತರಾಯ ಸಿದ್ಧಿದಾ
ಯಮೇವ ಬುದ್ಧಿಶಾಲಿನಃ ಸ್ಮರಂತ್ಯಹರ್ನಿಶಂ ಹೃದಿ |
ಯಮಾಶ್ರಿತಸ್ತರತ್ಯಲಂಘ್ಯ ಕಾಲಕರ್ಮಬಂಧನಂ
ತಮೇವ ಚಿತ್ಸುಖಾತ್ಮಕಂ ಭಜಾಮಿ ವಿಘ್ನನಾಯಕಮ್ || ೬ ||
ಕರಾಂಬುಜೈಃ ಸ್ಫುರದ್ವರಾಭಯಾಕ್ಷಸೂತ್ರ ಪುಸ್ತಕಂ
ಸೃಣಿಂ ಸಬೀಜಪೂರಕಾಬ್ಜಪಾಶದಂತಮೋದಕಾನ್ |
ವಹನ್ಕಿರೀಟಕುಂಡಲಾದಿ ದಿವ್ಯಭೂಷಣೋಜ್ಜ್ವಲೋ
ಗಜಾನನೋ ಗಣಾಧಿಪಃ ಪ್ರಭುರ್ಜಯತ್ಯಹರ್ನಿಶಮ್ || ೭ ||
ಗಿರೀಂದ್ರಜಾಮಹೇಶಯೋಃ ಪರಸ್ಪರಾನುರಾಗಜಂ
ನಿಜಾನುಭೂತಚಿತ್ಸುಖಂ ಸುರೈರುಪಾಸ್ಯ ದೈವತಮ್ |
ಗಣೇಶ್ವರಂ ಗುರುಂ ಗುಹಸ್ಯ ವಿಘ್ನವರ್ಗಘಾತಿನಂ
ಗಜಾನನಂ ಭಜಾಮ್ಯಹಂ ನ ದೈವಮನ್ಯಮಾಶ್ರಯೇ || ೮ ||
ಗಣೇಶಪಂಚಚಾಮರಸ್ತುತಿಂ ಪಠಧ್ವಮಾದರಾತ್
ಮನೀಷಿತಾರ್ಥದಾಯಕಂ ಮನೀಷಿಣಃ ಕಲೌ ಯುಗೇ |
ನಿರಂತರಾಯಸಿದ್ಧಿದಂ ಚಿರಂತನೋಕ್ತಿಸಮ್ಮತಂ
ನಿರಂತರಂ ಗಣೇಶಭಕ್ತಿ ಶುದ್ಧಚಿತ್ತವೃತ್ತಯಃ || ೯ ||
ಇತಿ ಶ್ರೀಸುಬ್ರಹ್ಮಣ್ಯಯೋಗಿ ವಿರಚಿತಾ ಶ್ರೀಗಣೇಶಪಂಚಚಾಮರಸ್ತುತಿಃ |
ಇನ್ನಷ್ಟು ಶ್ರೀ ಗಣೇಶ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
