Read in తెలుగు / ಕನ್ನಡ / தமிழ் / देवनागरी / English (IAST)
ಕ್ವ ಪ್ರಾಸೂತ ಕದಾ ತ್ವಾಂ ಗೌರೀ ನ ಪ್ರಾಮಾಣ್ಯಂ ತವ ಜನನೇ |
ವಿಪ್ರಾಃ ಪ್ರಾಹುರಜಂ ಗಣರಾಜಂ ಯಃ ಪ್ರಾಚಾಮಪಿ ಪೂರ್ವತಮಃ || ೧ ||
ನಾಸಿ ಗಣಪತೇ ಶಂಕರಾತ್ಮಜೋ ಭಾಸಿ ತದ್ವದೇವಾಖಿಲಾತ್ಮಕಃ |
ಈಶತಾ ತವಾನೀಶತಾ ನೃಣಾಂ ಕೇಶವೇರಿತಾ ಸಾಶಯೋಕ್ತಿಭಿಃ || ೨ ||
ಗಜಮುಖ ತಾವಕಮಂತ್ರ ಮಹಿಮ್ನಾ ಸೃಜತಿ ಜಗದ್ವಿಧಿರನುಕಲ್ಪಮ್ |
ಭಜತಿ ಹರಿಸ್ತ್ವಾಂ ತದವನಕೃತ್ಯೇ ಯಜತಿ ಹರೋಽಪಿ ವಿರಾಮವಿಧೌ || ೩ ||
ಸುಖಯತಿ ಶತಮಖಮುಖಸುರನಿಕರಾನಖಿಲಕ್ರತು ವಿಘ್ನಘ್ನೋಽಯಮ್ |
ನಿಖಿಲಜಗಜ್ಜೀವಕಜೀವನದಃ ಸ ಖಲು ಯತಃ ಪರ್ಜನ್ಯಾತ್ಮಾ || ೪ ||
ಪ್ರಾರಂಭೇ ಕಾರ್ಯಾಣಾಂ ಹೇರಂಬಂ ಯೋ ಧ್ಯಾಯೇತ್ |
ಪಾರಂ ಯಾತ್ಯೇವ ಕೃತೇರಾರಾದಾಪ್ನೋತಿ ಸುಖಮ್ || ೫ ||
ಗೌರೀಸೂನೋಃ ಪಾದಾಂಭೋಜೇ ಲೀನಾ ಚೇತೋವೃತ್ತಿರ್ಮೇ |
ಘೋರೇ ಸಂಸಾರಾರಣ್ಯೇ ವಾಸಃ ಕೈಲಾಸೇ ವಾಸ್ತು || ೬ ||
ಗುಹಗುರು ಪದಯುಗಮನಿಶಮಭಯದಮ್ |
ವಹಸಿ ಮನಸಿ ಯದಿ ಶಮಯಸಿ ದುರಿತಮ್ || ೭ ||
ಜಯ ಜಯ ಶಂಕರವರಸೂನೋ ಭಯಹರ ಭಜತಾಂ ಗಣರಾಜ |
ನಯ ಮಮ ಚೇತಸ್ತವ ಚರಣಂ ನಿಯಮಯ ಧರ್ಮೇಽಂತಃ ಕರಣಮ್ || ೮ ||
ಚಲಸಿ ಚಿತ್ತ ಕಿನ್ನು ವಿಷಮವಿಷಯಕಾನನೇ
ಕಲಯ ವೃತ್ತಿಮಮೃತ ದಾತೃಕರಿವರಾನನೇ |
ತುಲಯ ಖೇದಮೋದಯುಗಳಮಿದಮಶಾಶ್ವತಂ
ವಿಲಯ ಭಯಮಲಂಘ್ಯಮೇವ ಜನ್ಮನಿ ಸ್ಮೃತಮ್ || ೯ ||
ಸೋಮಶೇಖರಸೂನವೇ ಸಿಂದೂರಸೋದರಭಾನವೇ
ಯಾಮಿನೀಪತಿಮೌಳಯೇ ಯಮಿಹೃದಯವಿರಚಿತಕೇಳಯೇ |
ಮೂಷಕಾಧಿಪಗಾಮಿನೇ ಮುಖ್ಯಾತ್ಮನೋಽಂತರ್ಯಾಮಿನೇ
ಮಂಗಳಂ ವಿಘ್ನದ್ವಿಷೇ ಮತ್ತೇಭವಕ್ತ್ರಜ್ಯೋತಿಷೇ || ೧೦ ||
ಅವಧೀರಿತದಾಡಿಮಸುಮ ಸೌಭಗಮವತು ಗಣೇಶಜ್ಯೋತಿ-
-ರ್ಮಾಮವತು ಗಣೇಶಜ್ಯೋತಿಃ |
ಹಸ್ತಚತುಷ್ಟಯಧೃತ ವರದಾಭಯ ಪುಸ್ತಕಬೀಜಾಪೂರಂ
ಧೃತ ಪುಸ್ತಕಬೀಜಾಪೂರಮ್ || ೧೧ ||
ರಜತಾಚಲ ವಪ್ರಕ್ರೀಡೋತ್ಸುಕ ಗಜರಾಜಾಸ್ಯಮುದಾರಂ
ಭಜ ಶ್ರೀಗಜರಾಜಾಸ್ಯಮುದಾರಮ್ |
ಫಣಿಪರಿಕೃತ ಕಟಿವಲಯಾಭರಣಂ ಕೃಣು ರೇ ಜನಹೃದಿಕಾರಣಂ
ತವ ಕೃಣು ರೇ ಜನಹೃದಿಕಾರಣಮ್ || ೧೨ ||
ಯಃ ಪ್ರಗೇ ಗಜರಾಜಮನುದಿನಮಪ್ರಮೇಯಮನುಸ್ಮರೇತ್ |
ಸ ಪ್ರಯಾತಿ ಪವಿತ್ರಿತಾಂಗೋ ವಿಪ್ರಗಂಗಾದ್ಯಧಿಕತಾಮ್ || ೧೩ ||
ಸುಬ್ರಹ್ಮಣ್ಯಮನೀಷಿವಿರಚಿತಾ ತ್ವಬ್ರಹ್ಮಣ್ಯಮಪಾಕುರುತೇ |
ಗಣಪತಿಗೀತಾ ಗಾನಸಮುಚಿತಾ ಸಮ್ಯಕ್ಪಠತಾಂ ಸಿದ್ಧಾಂತಃ || ೧೪ ||
ಇತಿ ಶ್ರೀಸುಬ್ರಹ್ಮಣ್ಯಯೋಗಿ ವಿರಚಿತ ಶ್ರೀ ಗಣಪತಿ ಗೀತಾ ||
ಇನ್ನಷ್ಟು ಶ್ರೀ ಗಣೇಶ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
