Read in తెలుగు / ಕನ್ನಡ / தமிழ் / देवनागरी / English (IAST)
ಅತುಲ್ಯವೀರ್ಯಮುಗ್ರತೇಜಸಂ ಸುರಂ
ಸುಕಾಂತಿಮಿಂದ್ರಿಯಪ್ರದಂ ಸುಕಾಂತಿದಮ್ |
ಕೃಪಾರಸೈಕಪೂರ್ಣಮಾದಿರೂಪಿಣಂ
ದಿವಾಕರಂ ಸದಾ ಭಜೇ ಸುಭಾಸ್ವರಮ್ || ೧ ||
ಇನಂ ಮಹೀಪತಿಂ ಚ ನಿತ್ಯಸಂಸ್ತುತಂ
ಕಲಾಸುವರ್ಣಭೂಷಣಂ ರಥಸ್ಥಿತಮ್ |
ಅಚಿಂತ್ಯಮಾತ್ಮರೂಪಿಣಂ ಗ್ರಹಾಶ್ರಯಂ
ದಿವಾಕರಂ ಸದಾ ಭಜೇ ಸುಭಾಸ್ವರಮ್ || ೨ ||
ಉಷೋದಯಂ ವಸುಪ್ರದಂ ಸುವರ್ಚಸಂ
ವಿದಿಕ್ಪ್ರಕಾಶಕಂ ಕವಿಂ ಕೃಪಾಕರಮ್ |
ಸುಶಾಂತಮೂರ್ತಿಮೂರ್ಧ್ವಗಂ ಜಗಜ್ಜ್ವಲಂ
ದಿವಾಕರಂ ಸದಾ ಭಜೇ ಸುಭಾಸ್ವರಮ್ || ೩ ||
ಋಷಿಪ್ರಪೂಜಿತಂ ವರಂ ವಿಯಚ್ಚರಂ
ಪರಂ ಪ್ರಭುಂ ಸರೋರುಹಸ್ಯ ವಲ್ಲಭಮ್ |
ಸಮಸ್ತಭೂಮಿಪಂ ಚ ತಾರಕಾಪತಿಂ
ದಿವಾಕರಂ ಸದಾ ಭಜೇ ಸುಭಾಸ್ವರಮ್ || ೪ ||
ಗ್ರಹಾಧಿಪಂ ಗುಣಾನ್ವಿತಂ ಚ ನಿರ್ಜರಂ
ಸುಖಪ್ರದಂ ಶುಭಾಶಯಂ ಭಯಾಪಹಮ್ |
ಹಿರಣ್ಯಗರ್ಭಮುತ್ತಮಂ ಚ ಭಾಸ್ಕರಂ
ದಿವಾಕರಂ ಸದಾ ಭಜೇ ಸುಭಾಸ್ವರಮ್ || ೫ ||
ಇತಿ ಶ್ರೀ ದಿವಾಕರ ಪಂಚಕಮ್ |
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
