Sri Brihaspati Stotram – ಶ್ರೀ ಬೃಹಸ್ಪತಿ ಸ್ತೋತ್ರಂ

ಬೃಹಸ್ಪತಿಃ ಸುರಾಚಾರ್ಯೋ ದಯಾವಾನ್ ಶುಭಲಕ್ಷಣಃ |
ಲೋಕತ್ರಯಗುರುಃ ಶ್ರೀಮಾನ್ ಸರ್ವಜ್ಞಃ ಸರ್ವಕೋವಿದಃ || ೧ ||

ಸರ್ವೇಶಃ ಸರ್ವದಾಽಭೀಷ್ಟಃ ಸರ್ವಜಿತ್ಸರ್ವಪೂಜಿತಃ |
ಅಕ್ರೋಧನೋ ಮುನಿಶ್ರೇಷ್ಠೋ ನೀತಿಕರ್ತಾ ಗುರುಃ ಪಿತಾ || ೨ ||

ವಿಶ್ವಾತ್ಮಾ ವಿಶ್ವಕರ್ತಾ ಚ ವಿಶ್ವಯೋನಿರಯೋನಿಜಃ |
ಭೂರ್ಭುವಸ್ಸುವರೋಂ ಚೈವ ಭರ್ತಾ ಚೈವ ಮಹಾಬಲಃ || ೩ ||

ಪಂಚವಿಂಶತಿನಾಮಾನಿ ಪುಣ್ಯಾನಿ ನಿಯತಾತ್ಮನಾ |
ನಂದಗೋಪಗೃಹಾಸೀನ ವಿಷ್ಣುನಾ ಕೀರ್ತಿತಾನಿ ವೈ || ೪ ||

ಯಃ ಪಠೇತ್ ಪ್ರಾತರುತ್ಥಾಯ ಪ್ರಯತಃ ಸುಸಮಾಹಿತಃ |
ವಿಪರೀತೋಽಪಿ ಭಗವಾನ್ಪ್ರೀತಸ್ತಸ್ಯ ಬೃಹಸ್ಪತಿಃ || ೫ ||

ಯಶ್ಶೃಣೋತಿ ಗುರುಸ್ತೋತ್ರಂ ಚಿರಂ ಜೀವೇನ್ನ ಸಂಶಯಃ |
ಸಹಸ್ರಗೋದಾನಫಲಂ ವಿಷ್ಣೋರ್ವಚನತೋಭವೇತ್ |
ಬೃಹಸ್ಪತಿಕೃತಾ ಪೀಡಾ ನ ಕದಾಚಿದ್ಭವಿಷ್ಯತಿ || ೬ ||

ಇನ್ನಷ್ಟು ನವಗ್ರಹ ಸ್ತೋತ್ರಗಳು ನೋಡಿ.