Sri Bala Pancharatna Stotram – ಶ್ರೀ ಬಾಲಾ ಪಂಚರತ್ನ ಸ್ತೋತ್ರಂ


ಆಯೀ ಆನಂದವಲ್ಲೀ ಅಮೃತಕರತಲೀ ಆದಿಶಕ್ತಿಃ ಪರಾಯೀ
ಮಾಯಾ ಮಾಯಾತ್ಮರೂಪೀ ಸ್ಫಟಿಕಮಣಿಮಯೀ ಮಾಮತಂಗೀ ಷಡಂಗೀ |
ಜ್ಞಾನೀ ಜ್ಞಾನಾತ್ಮರೂಪೀ ನಲಿನಪರಿಮಲೀ ನಾದ ಓಂಕಾರಮೂರ್ತಿಃ
ಯೋಗೀ ಯೋಗಾಸನಸ್ಥಾ ಭುವನವಶಕರೀ ಸುಂದರೀ ಐಂ ನಮಸ್ತೇ || ೧ ||

ಬಾಲಾಮಂತ್ರೇ ಕಟಾಕ್ಷೀ ಮಮ ಹೃದಯಸಖೀ ಮತ್ತಭಾವ ಪ್ರಚಂಡೀ
ವ್ಯಾಲೀ ಯಜ್ಞೋಪವೀತೀ ವಿಕಟಕಟಿತಟೀ ವೀರಶಕ್ತಿಃ ಪ್ರಸನ್ನಾ |
ಬಾಲಾ ಬಾಲೇಂದುಮೌಲಿರ್ಮದಗಜಗಮನಾ ಸಾಕ್ಷಿಕಾ ಸ್ವಸ್ತಿಮಂತ್ರೀ
ಕಾಲೀ ಕಂಕಾಲರೂಪೀ ಕಟಿಕಟಿಕಹ್ರೀಂ ಕಾರಿಣೀ ಕ್ಲೀಂ ನಮಸ್ತೇ || ೨ ||

ಮೂಲಾಧಾರಾ ಮಹಾತ್ಮಾ ಹುತವಹನಯನೀ ಮೂಲಮಂತ್ರಾ ತ್ರಿನೇತ್ರಾ
ಹಾರಾ ಕೇಯೂರವಲ್ಲೀ ಅಖಿಲತ್ರಿಪದಗಾ ಅಂಬಿಕಾಯೈ ಪ್ರಿಯಾಯೈ |
ವೇದಾ ವೇದಾಂಗನಾದಾ ವಿನತಘನಮುಖೀ ವೀರತಂತ್ರೀಪ್ರಚಾರೀ
ಸಾರೀ ಸಂಸಾರವಾಸೀ ಸಕಲದುರಿತಹಾ ಸರ್ವತೋ ಹ್ರೀಂ ನಮಸ್ತೇ || ೩ ||

ಐಂ ಕ್ಲೀಂ ಹ್ರೀಂ ಮಂತ್ರರೂಪಾ ಶಕಲಶಶಿಧರಾ ಸಂಪ್ರದಾಯಪ್ರಧಾನಾ
ಕ್ಲೀಂ ಹ್ರೀಂ ಶ್ರೀಂ ಬೀಜಮುಖ್ಯೈಃ ಹಿಮಕರದಿನಕೃಜ್ಜ್ಯೋತಿರೂಪಾ ಸರೂಪಾ |
ಸೌಃ ಕ್ಲೀಂ ಐಂ ಶಕ್ತಿರೂಪಾ ಪ್ರಣವಹರಿಸತೇ ಬಿಂದುನಾದಾತ್ಮಕೋಟಿಃ
ಕ್ಷಾಂ ಕ್ಷೀಂ ಕ್ಷೂಂ‍ಕಾರನಾದೇ ಸಕಲಗುಣಮಯೀ ಸುಂದರೀ ಐಂ ನಮಸ್ತೇ || ೪ ||

ಅಧ್ಯಾನಾಧ್ಯಾನರೂಪಾ ಅಸುರಭಯಕರೀ ಆತ್ಮಶಕ್ತಿಸ್ವರೂಪಾ
ಪ್ರತ್ಯಕ್ಷಾ ಪೀಠರೂಪೀ ಪ್ರಲಯಯುಗಧರಾ ಬ್ರಹ್ಮವಿಷ್ಣುತ್ರಿರೂಪೀ |
ಶುದ್ಧಾತ್ಮಾ ಸಿದ್ಧರೂಪಾ ಹಿಮಕಿರಣನಿಭಾ ಸ್ತೋತ್ರಸಂಕ್ಷೋಭಶಕ್ತಿಃ
ಸೃಷ್ಟಿಸ್ಥಿತ್ಯಂತಮೂರ್ತೀ ತ್ರಿಪುರಹರಜಯೀ ಸುಂದರೀ ಐಂ ನಮಸ್ತೇ || ೫ ||

ಇತಿ ಶ್ರೀ ಬಾಲಾ ಪಂಚರತ್ನ ಸ್ತೋತ್ರಮ್ |


గమనిక : "శ్రీ దత్తాత్రేయ స్తోత్రనిధి" పుస్తకము ముద్రణ చేయబోతున్నాము.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed