Read in తెలుగు / ಕನ್ನಡ / தமிழ் / देवनागरी / English (IAST)
ಬಾಲಾರ್ಕಕೋಟಿರುಚಿರಾಂ ಕೋಟಿಬ್ರಹ್ಮಾಂಡಭೂಷಿತಾಮ್ |
ಕಂದರ್ಪಕೋಟಿಲಾವಣ್ಯಾಂ ಬಾಲಾಂ ವಂದೇ ಶಿವಪ್ರಿಯಾಮ್ || ೧ ||
ವಹ್ನಿಕೋಟಿಪ್ರಭಾಂ ಸೂಕ್ಷ್ಮಾಂ ಕೋಟಿಕೋಟಿಸಹೇಲಿನೀಮ್ |
ವರದಾಂ ರಕ್ತವರ್ಣಾಂ ಚ ಬಾಲಾಂ ವಂದೇ ಸನಾತನೀಮ್ || ೨ ||
ಜ್ಞಾನರತ್ನಾಕರಾಂ ಭೀಮಾಂ ಪರಬ್ರಹ್ಮಾವತಾರಿಣೀಮ್ |
ಪಂಚಪ್ರೇತಾಸನಗತಾಂ ಬಾಲಾಂ ವಂದೇ ಗುಹಾಶಯಾಮ್ || ೩ ||
ಪರಾಪ್ರಾಸಾದಮೂರ್ಧ್ನಿಸ್ಥಾಂ ಪವಿತ್ರಾಂ ಪಾತ್ರಧಾರಿಣೀಮ್ |
ಪಶುಪಾಶಚ್ಛಿದಾಂ ತೀಕ್ಷ್ಣಾಂ ಬಾಲಾಂ ವಂದೇ ಶಿವಾಸನಾಮ್ || ೪ ||
ಗಿರಿಜಾಂ ಗಿರಿಮಧ್ಯಸ್ಥಾಂ ಗೀಃ ರೂಪಾಂ ಜ್ಞಾನದಾಯಿನೀಮ್ |
ಗುಹ್ಯತತ್ತ್ವಪರಾಂ ಚಾದ್ಯಾಂ ಬಾಲಾಂ ವಂದೇ ಪುರಾತನೀಮ್ || ೫ ||
ಬೌದ್ಧಕೋಟಿಸುಸೌಂದರ್ಯಾಂ ಚಂದ್ರಕೋಟಿಸುಶೀತಲಾಮ್ |
ಆಶಾವಾಸಾಂ ಪರಾಂ ದೇವೀಂ ವಂದೇ ಬಾಲಾಂ ಕಪರ್ದಿನೀಮ್ || ೬ ||
ಸೃಷ್ಟಿಸ್ಥಿತ್ಯಂತಕಾರಿಣೀಂ ತ್ರಿಗುಣಾತ್ಮಕರೂಪಿಣೀಮ್ |
ಕಾಲಗ್ರಸನಸಾಮರ್ಥ್ಯಾಂ ಬಾಲಾಂ ವಂದೇ ಫಲಪ್ರದಾಮ್ || ೭ ||
ಯಜ್ಞನಾಶೀಂ ಯಜ್ಞದೇಹಾಂ ಯಜ್ಞಕರ್ಮಶುಭಪ್ರದಾಮ್ |
ಜೀವಾತ್ಮವಿಶ್ವಜನನೀಂ ಬಾಲಾಂ ವಂದೇ ಪರಾತ್ಪರಾಮ್ || ೮ ||
ಇತ್ಯೇತತ್ಪರಮಂ ಗುಹ್ಯಂ ನಾಮ್ನಾ ಮುಕ್ತಾವಲೀಸ್ತವಮ್ |
ಯೇ ಪಠಂತಿ ಮಹೇಶಾನಿ ಫಲಂ ವಕ್ತುಂ ನ ಶಕ್ಯತೇ || ೯ ||
ಗುಹ್ಯಾದ್ಗುಹ್ಯತರಂ ಗುಹ್ಯಂ ಮಹಾಗುಹ್ಯಂ ವರಾನನೇ |
ವಿದ್ಯಾರ್ಥೀ ಲಭತೇ ವಿದ್ಯಾಂ ಧನಾರ್ಥೀ ಲಭತೇ ಧನಮ್ || ೧೦ ||
ಕನ್ಯಾರ್ಥೀ ಲಭತೇ ಕನ್ಯಾಂ ಮೋಕ್ಷಾರ್ಥೀ ಮೋಕ್ಷಮಾಪ್ನುಯಾತ್ |
ಬಹುನಾತ್ರ ಕಿಮುಕ್ತೇನ ಚಿಂತಾಮಣಿರಿವಾಪರಮ್ || ೧೧ ||
ಗೋಪನೀಯಂ ಪ್ರಯತ್ನೇನ ಗೋಪನೀಯಂ ನ ಸಂಶಯಃ |
ಅನ್ಯೇಭ್ಯೋ ನೈವ ದಾತವ್ಯಂ ಕಿಮನ್ಯಚ್ಛ್ರೋತುಮಿಚ್ಛಸಿ || ೧೨ ||
ಇತಿ ಶ್ರೀವಿಷ್ಣುಯಾಮಲೇ ಶ್ರೀ ಬಾಲಾ ಮುಕ್ತಾವಲೀ ಸ್ತೋತ್ರಮ್ |
ಇನ್ನಷ್ಟು ಶ್ರೀ ಬಾಲಾ ಸ್ತೋತ್ರಗಳು ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
