Read in తెలుగు / ಕನ್ನಡ / தமிழ் / देवनागरी / English (IAST)
ಕಶ್ಯಪಃ (ಬಾಲಕಾಂಡಂ) –
ಜಾತಃ ಶ್ರೀರಘುನಾಯಕೋ ದಶರಥಾನ್ಮುನ್ಯಾಶ್ರಯಾತ್ತಾಟಕಾಂ
ಹತ್ವಾ ರಕ್ಷಿತಕೌಶಿಕಕ್ರತುವರಃ ಕೃತ್ವಾಪ್ಯಹಲ್ಯಾಂ ಶುಭಾಮ್ |
ಭಂಕ್ತ್ವಾ ರುದ್ರಶರಾಸನಂ ಜನಕಜಾಂ ಪಾಣೌ ಗೃಹೀತ್ವಾ ತತೋ
ಜಿತ್ವಾರ್ಧಾಧ್ವನಿ ಭಾರ್ಗವಂ ಪುನರಗಾತ್ ಸೀತಾಸಮೇತಃ ಪುರೀಮ್ || ೧ ||
ಅತ್ರಿಃ (ಅಯೋಧ್ಯಾಕಾಂಡಂ) –
ದಾಸ್ಯಾ ಮಂಥರಯಾ ದಯಾರಹಿತಯಾ ದುರ್ಭೇದಿತಾ ಕೈಕಯೀ
ಶ್ರೀರಾಮಪ್ರಥಮಾಭಿಷೇಕಸಮಯೇ ಮಾತಾಪ್ಯಯಾಚದ್ವರೌ |
ಭರ್ತಾರಂ ಭರತಃ ಪ್ರಶಾಸ್ತು ಧರಣೀಂ ರಾಮೋ ವನಂ ಗಚ್ಛತಾ-
-ದಿತ್ಯಾಕರ್ಣ್ಯ ಸ ಚೋತ್ತರಂ ನ ಹಿ ದದೌ ದುಃಖೇನ ಮೂರ್ಛಾಂ ಗತಃ || ೨ ||
ಭರದ್ವಾಜಃ (ಆರಣ್ಯಕಾಂಡಂ) –
ಶ್ರೀರಾಮಃ ಪಿತೃಶಾಸನಾದ್ವನಮಗಾತ್ ಸೌಮಿತ್ರಿಸೀತಾನ್ವಿತೋ
ಗಂಗಾಂ ಪ್ರಾಪ್ಯ ಜಟಾಂ ನಿಬಧ್ಯ ಸಗುಹಃ ಸಚ್ಚಿತ್ರಕೂಟೇ ವಸನ್ |
ಕೃತ್ವಾ ತತ್ರ ಪಿತೃಕ್ರಿಯಾಂ ಸಭರತೋ ದತ್ವಾಽಭಯಂ ದಂಡಕೇ
ಪ್ರಾಪ್ಯಾಗಸ್ತ್ಯಮುನೀಶ್ವರಂ ತದುದಿತಂ ಧೃತ್ವಾ ಧನುಶ್ಚಾಕ್ಷಯಮ್ || ೩ ||
ವಿಶ್ವಾಮಿತ್ರಃ (ಕಿಷ್ಕಿಂಧಕಾಂಡಂ) –
ಗತ್ವಾ ಪಂಚವಟೀಮಗಸ್ತ್ಯವಚನಾದ್ದತ್ವಾಽಭಯಂ ಮೌನಿನಾಂ
ಛಿತ್ವಾ ಶೂರ್ಪಣಖಾಸ್ಯಕರ್ಣಯುಗಲಂ ತ್ರಾತುಂ ಸಮಸ್ತಾನ್ ಮುನೀನ್ |
ಹತ್ವಾ ತಂ ಚ ಖರಂ ಸುವರ್ಣಹರಿಣಂ ಭಿತ್ವಾ ತಥಾ ವಾಲಿನಂ
ತಾರಾರತ್ನಮವೈರಿರಾಜ್ಯಮಕರೋತ್ಸರ್ವಂ ಚ ಸುಗ್ರೀವಸಾತ್ || ೪ ||
ಗೌತಮಃ (ಸುಂದರಕಾಂಡಂ) –
ದೂತೋ ದಾಶರಥೇಃ ಸಲೀಲಮುದಧಿಂ ತೀರ್ತ್ವಾ ಹನೂಮಾನ್ ಮಹಾನ್
ದೃಷ್ಟ್ವಾಽಶೋಕವನೇ ಸ್ಥಿತಾಂ ಜನಕಜಾಂ ದತ್ವಾಂಗುಲೇರ್ಮುದ್ರಿಕಾಮ್ |
ಅಕ್ಷಾದೀನಸುರಾನ್ನಿಹತ್ಯ ಮಹತೀಂ ಲಂಕಾಂ ಚ ದಗ್ಧ್ವಾ ಪುನಃ
ಶ್ರೀರಾಮಂ ಚ ಸಮೇತ್ಯ ದೇವ ಜನನೀ ದೃಷ್ಟಾ ಮಯೇತ್ಯಬ್ರವೀತ್ || ೫ ||
ಜಮದಗ್ನಿಃ (ಯುದ್ಧಕಾಂಡಂ) –
ರಾಮೋ ಬದ್ಧಪಯೋನಿಧಿಃ ಕಪಿವರೈರ್ವೀರೈರ್ನಲಾದ್ಯೈರ್ವೃತೋ
ಲಂಕಾಂ ಪ್ರಾಪ್ಯ ಸಕುಂಭಕರ್ಣತನುಜಂ ಹತ್ವಾ ರಣೇ ರಾವಣಮ್ |
ತಸ್ಯಾಂ ನ್ಯಸ್ಯ ವಿಭೀಷಣಂ ಪುನರಸೌ ಸೀತಾಪತಿಃ ಪುಷ್ಪಕಾ-
-ರೂಢಃ ಸನ್ ಪುರಮಾಗತಃ ಸಭರತಃ ಸಿಂಹಾಸನಸ್ಥೋ ಬಭೌ || ೬ ||
ವಸಿಷ್ಠಃ (ಉತ್ತರಕಾಂಡಂ) –
ಶ್ರೀರಾಮೋ ಹಯಮೇಧಮುಖ್ಯಮಖಕೃತ್ ಸಮ್ಯಕ್ ಪ್ರಜಾಃ ಪಾಲಯನ್
ಕೃತ್ವಾ ರಾಜ್ಯಮಥಾನುಜೈಶ್ಚ ಸುಚಿರಂ ಭೂರಿ ಸ್ವಧರ್ಮಾನ್ವಿತೌ |
ಪುತ್ರೌ ಭ್ರಾತೃಸಮನ್ವಿತೌ ಕುಶಲವೌ ಸಂಸ್ಥಾಪ್ಯ ಭೂಮಂಡಲೇ
ಸೋಽಯೋಧ್ಯಾಪುರವಾಸಿಭಿಶ್ಚ ಸರಯೂಸ್ನಾತಃ ಪ್ರಪೇದೇ ದಿವಮ್ || ೭ ||
ಸರ್ವೇ ಋಷಯಃ –
ಶ್ರೀರಾಮಸ್ಯ ಕಥಾಸುಧಾತಿಮಧುರಾನ್ ಶ್ಲೋಕಾನಿಮಾನುತ್ತಮಾನ್
ಯೇ ಶೃಣ್ವಂತಿ ಪಠಂತಿ ಚ ಪ್ರತಿದಿನಂ ತೇಽಘೌಘವಿಧ್ವಂಸಿನಃ |
ಶ್ರೀಮಂತೋ ಬಹುಪುತ್ರಪೌತ್ರಸಹಿತಾ ಭುಕ್ತ್ವೇಹ ಭೋಗಾಂಶ್ಚಿರಂ
ಭೋಗಾಂತೇ ತು ಸದಾರ್ಚಿತಂ ಸುರಗಣೈರ್ವಿಷ್ಣೋರ್ಲಭಂತೇ ಪದಮ್ || ೮ ||
ಇತಿ ಸಪ್ತರ್ಷಿ ರಾಮಾಯಣಮ್ |
ಇನ್ನಷ್ಟು ಶ್ರೀ ರಾಮ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
