Ratri Suktam – ರಾತ್ರಿ ಸೂಕ್ತಮ್


(ಋ।ವೇ।10-127)

ಅಸ್ಯ ಶ್ರೀ ರಾತ್ರೀತಿ ಸೂಕ್ತಸ್ಯ ಕುಶಿಕ ಋಷಿಃ ರಾತ್ರಿರ್ದೇವತಾ, ಗಾಯತ್ರೀಚ್ಛನ್ದಃ,
ಶ್ರೀಜಗದಮ್ಬಾ ಪ್ರೀತ್ಯರ್ಥೇ ಸಪ್ತಶತೀಪಾಠಾದೌ ಜಪೇ ವಿನಿಯೋಗಃ ।

ರಾತ್ರೀ॒ ವ್ಯ॑ಖ್ಯದಾಯ॒ತೀ ಪು॑ರು॒ತ್ರಾ ದೇ॒ವ್ಯ॒1॑ಕ್ಷಭಿ॑: ।
ವಿಶ್ವಾ॒ ಅಧಿ॒ ಶ್ರಿಯೋ॑ಽಧಿತ ॥ 1

ಓರ್ವ॑ಪ್ರಾ॒ ಅಮ॑ರ್ತ್ಯಾ ನಿ॒ವತೋ॑ ದೇ॒ವ್ಯು॒1॑ದ್ವತ॑: ।
ಜ್ಯೋತಿ॑ಷಾ ಬಾಧತೇ॒ ತಮ॑: ॥ 2

ನಿರು॒ ಸ್ವಸಾ॑ರಮಸ್ಕೃತೋ॒ಷಸಂ॑ ದೇ॒ವ್ಯಾ॑ಯ॒ತೀ ।
ಅಪೇದು॑ ಹಾಸತೇ॒ ತಮ॑: ॥ 3

ಸಾ ನೋ॑ ಅ॒ದ್ಯ ಯಸ್ಯಾ॑ ವ॒ಯಂ ನಿ ತೇ॒ ಯಾಮ॒ನ್ನವಿ॑ಕ್ಷ್ಮಹಿ ।
ವೃ॒ಕ್ಷೇ ನ ವ॑ಸ॒ತಿಂ ವಯ॑: ॥ 4

ನಿ ಗ್ರಾಮಾ॑ಸೋ ಅವಿಕ್ಷತ॒ ನಿ ಪ॒ದ್ವನ್ತೋ॒ ನಿ ಪ॒ಕ್ಷಿಣ॑: ।
ನಿ ಶ್ಯೇ॒ನಾಸ॑ಶ್ಚಿದ॒ರ್ಥಿನ॑: ॥ 5

ಯಾ॒ವಯಾ॑ ವೃ॒ಕ್ಯಂ॒1॑ ವೃಕಂ॑ ಯ॒ವಯ॑ ಸ್ತೇ॒ನಮೂ॑ರ್ಮ್ಯೇ ।
ಅಥಾ॑ ನಃ ಸು॒ತರಾ॑ ಭವ ॥ 6

ಉಪ॑ ಮಾ॒ ಪೇಪಿ॑ಶ॒ತ್ತಮ॑: ಕೃ॒ಷ್ಣಂ ವ್ಯ॑ಕ್ತಮಸ್ಥಿತ ।
ಉಷ॑ ಋ॒ಣೇವ॑ ಯಾತಯ ॥ 7

ಉಪ॑ ತೇ॒ ಗಾ ಇ॒ವಾಕ॑ರಂ ವೃಣೀ॒ಷ್ವ ದು॑ಹಿತರ್ದಿವಃ ।
ರಾತ್ರಿ॒ ಸ್ತೋಮಂ॒ ನ ಜಿ॒ಗ್ಯುಷೇ॑ ॥ 8


ಸಂಪೂರ್ಣ ದುರ್ಗಾ ಸಪ್ತಶತೀ ನೋಡಿ.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

ನಿಮ್ಮದೊಂದು ಉತ್ತರ

error: Not allowed