Read in తెలుగు / ಕನ್ನಡ / தமிழ் / देवनागरी / English (IAST)
ದೇವರ್ಷಯ ಊಚುಃ |
ಜಯ ದೇವ ಗಣಾಧೀಶ ಜಯ ವಿಘ್ನಹರಾವ್ಯಯ |
ಜಯ ಪುಷ್ಟಿಪತೇ ಢುಂಢೇ ಜಯ ಸರ್ವೇಶ ಸತ್ತಮ || ೧ ||
ಜಯಾನಂತ ಗುಣಾಧಾರ ಜಯ ಸಿದ್ಧಿಪ್ರದ ಪ್ರಭೋ |
ಜಯ ಯೋಗೇನ ಯೋಗಾತ್ಮನ್ ಜಯ ಶಾಂತಿಪ್ರದಾಯಕ || ೨ ||
ಜಯ ಬ್ರಹ್ಮೇಶ ಸರ್ವಜ್ಞ ಜಯ ಸರ್ವಪ್ರಿಯಂಕರ |
ಜಯ ಸ್ವಾನಂದಪಸ್ಥಾಯಿನ್ ಜಯ ವೇದವಿದಾಂವರ || ೩ ||
ಜಯ ವೇದಾಂತವಾದಜ್ಞ ಜಯ ವೇದಾಂತಕಾರಣ |
ಜಯ ಬುದ್ಧಿಧರ ಪ್ರಾಜ್ಞ ಜಯ ಸರ್ವಾಮರಪ್ರಿಯ || ೪ ||
ಜಯ ಮಾಯಾಮಯೇ ಖೇಲಿನ್ ಜಯಾವ್ಯಕ್ತ ಗಜಾನನ |
ಜಯ ಲಂಬೋದರಃ ಸಾಕ್ಷಿನ್ ಜಯ ದುರ್ಮತಿನಾಶನ || ೫ ||
ಜಯೈಕದಂತಹಸ್ತಸ್ತ್ವಂ ಜಯೈಕರದಧಾರಕ |
ಜಯ ಯೋಗಿಹೃದಿಸ್ಥ ತ್ವಂ ಜಯ ಬ್ರಾಹ್ಮಣಪೂಜಿತ || ೬ ||
ಜಯ ಕರ್ಮ ತಪೋರೂಪ ಜಯ ಜ್ಞಾನಪ್ರದಾಯಕ |
ಜಯಾಮೇಯ ಮಹಾಭಾಗ ಜಯ ಪೂರ್ಣಮನೋರಥ || ೭ ||
ಜಯಾನಂದ ಗಣೇಶಾನ ಜಯ ಪಾಶಾಂಕುಶಪ್ರಿಯ |
ಜಯ ಪರ್ಶುಧರ ತ್ವಂ ವೈ ಜಯ ಪಾವನಕಾರಕ || ೮ ||
ಜಯ ಭಕ್ತಾಭಯಾಧ್ಯಕ್ಷ ಜಯ ಭಕ್ತಮಹಾಪ್ರಿಯ |
ಜಯ ಭಕ್ತೇಶ ವಿಘ್ನೇಶ ಜಯ ನಾಥ ಮಹೋದರ || ೯ ||
ನಮೋ ನಮಸ್ತೇ ಗಣನಾಯಕಾಯ
ನಮೋ ನಮಸ್ತೇ ಸಕಲಾತ್ಮಕಾಯ |
ನಮೋ ನಮಸ್ತೇ ಭವಮೋಚನಾಯ
ನಮೋ ನಮಸ್ತೇಽತಿಸುಖಪ್ರದಾಯ || ೧೦ ||
ಇತಿ ಶ್ರೀಮನ್ಮುದ್ಗಲೇ ಮಹಾಪುರಾಣೇ ಏಕದಂತಚರಿತೇ ಪಂಚಷಷ್ಟಿತಮೋಽಧ್ಯಾಯೇ ದೇವರ್ಷಿಕೃತ ಪುಷ್ಟಿಪತಿ ಸ್ತೋತ್ರಮ್ ||
ಇನ್ನಷ್ಟು ಶ್ರೀ ಗಣೇಶ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
