Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರೀಸಮಂಚಿತಮವ್ಯಯಂ ಪರಮಪ್ರಕಾಶಮಗೋಚರಂ
ಭೇದವರ್ಜಿತಮಪ್ರಮೇಯಮನನ್ತಮುಝ್ಝಿತಕಲ್ಮಷಮ್ |
ನಿರ್ಮಲಂ ನಿಗಮಾನ್ತಮದ್ಭುತಮಪ್ಯತರ್ಕ್ಯಮನುತ್ತಮಂ
ಪ್ರಾತರೇವ ಹಿ ಮಾನಸೇ ಗುರುಪಾದುಕಾದ್ವಯಮಾಶ್ರಯೇ || ೧ ||
ನಾದಬಿನ್ದುಕಳಾತ್ಮಕಂ ದಶನಾದವೇದವಿನೋದಿತಂ
ಮನ್ತ್ರರಾಜಪರಾಜಿತಂ ನಿಜಮಂಡಲಾನ್ತರಭಾಸಿತಮ್ |
ಪಂಚವರ್ಣಮಖಂಡಮದ್ಭುತಮಾದಿಕಾರಣಮಚ್ಯುತಂ
ಪ್ರಾತರೇವ ಹಿ ಮಾನಸೇ ಗುರುಪಾದುಕಾದ್ವಯಮಾಶ್ರಯೇ || ೨ ||
ಹಂತಚಾರುಮಖಂಡನಾದಮನೇಕವರ್ಣಮರೂಪಕಂ
ಶಬ್ದಜಾಲಮಯಂ ಚರಾಚರಜನ್ತುದೇಹನಿರಾಸಿನಮ್ |
ಚಕ್ರರಾಜಮನಾಹತೋದ್ಭವಮೇಘವರ್ಣಮತತ್ಪರಂ
ಪ್ರಾತರೇವ ಹಿ ಮಾನಸೇ ಗುರುಪಾದುಕಾದ್ವಯಮಾಶ್ರಯೇ || ೩ ||
ಬುದ್ಧಿರೂಪಮಬದ್ಧಕಂ ತ್ರಿದೈವಕೂಟಸ್ಥನಿವಾಸಿನಂ
ನಿಶ್ಚಯಂ ನಿರತಪ್ರಕಾಶಮನೇಕಸದ್ರುಚಿರೂಪಕಮ್ |
ಪಂಕಜಾನ್ತರಖೇಲನಂ ನಿಜಶುದ್ಧಸಖ್ಯಮಗೋಚರಂ
ಪ್ರಾತರೇವ ಹಿ ಮಾನಸೇ ಗುರುಪಾದುಕಾದ್ವಯಮಾಶ್ರಯೇ || ೪ ||
ಪಂಚ ಪಂಚ ಹೃಷೀಕದೇಹಮನಶ್ಚತುಷ್ಕ ಪರಸ್ಪರಂ
ಪಂಚಭೂತನಿಕಾಮಷಟ್ಕಸಮೀರಶಬ್ದಮಭೀಕರಮ್ |
ಪಂಚಕೋಶಗುಣತ್ರಯಾದಿಸಮಸ್ತಧರ್ಮವಿಲಕ್ಷಣಂ
ಪ್ರಾತರೇವ ಹಿ ಮಾನಸೇ ಗುರುಪಾದುಕಾದ್ವಯಮಾಶ್ರಯೇ || ೫ ||
ಪಂಚಮುದ್ರಸುಲಕ್ಷ್ಯದರ್ಶನಭಾವಮಾತ್ರನಿರೂಪಣಂ
ವಿದ್ಯುದಾದಿದಗದ್ಧಗಿತವಿನೋದಕಾನ್ತಿ ವಿವರ್ತನಮ್ |
ಚಿನ್ಮಯತ್ರಯವರ್ತಿನಂ ಸದಸದ್ವಿವೇಕಮಮಾಯಿಕಂ
ಪ್ರಾತರೇವ ಹಿ ಮಾನಸೇ ಗುರುಪಾದುಕಾದ್ವಯಮಾಶ್ರಯೇ || ೬ ||
ಪಂಚವರ್ಣಶುಕಂ ಸಮಸ್ತರುಚಿರ್ವಿಚಿತ್ರವಿಚಾರಿಣಂ
ಚನ್ದ್ರಸೂರ್ಯಚಿದಾಗ್ನಿಮಂಡಲಮಂಡಿತಂ ಘನಚಿನ್ಮಯಮ್ |
ಚಿತ್ಕಳಾಪರಿಪೂರ್ಣಮಂಡಲಚಿತ್ಸಮಾಧಿನಿರೀಕ್ಷಿತಂ
ಪ್ರಾತರೇವ ಹಿ ಮಾನಸೇ ಗುರುಪಾದುಕಾದ್ವಯಮಾಶ್ರಯೇ || ೭ ||
ಸ್ಥೂಲಸೂಕ್ಷ್ಮಸಕಾರಣಾನ್ತರ ಖೇಲನಂ ಪರಿಪಾಲನಂ
ವಿಶ್ವತೈಜಪಪ್ರಾಜ್ಞಚೇತಸಮನ್ತರಾತ್ಮನಿಜಸ್ಥಿತಿಮ್ |
ಸರ್ವಕಾರಣಮೀಶ್ವರಂ ನಿಟಲಾನ್ತರಾಲವಿಹಾರಿಣಂ
ಪ್ರಾತರೇವ ಹಿ ಮಾನಸೇ ಗುರುಪಾದುಕಾದ್ವಯಮಾಶ್ರಯೇ || ೮ ||
ತಪ್ತಕಾಂಚನದೀಪ್ಯಮಾನ ಮಹಾನುರೂಪಮರೂಪಕಂ
ಚನ್ದ್ರಕಾನ್ತರತಾರಕೈರವಮುಜ್ಜ್ವಲಂ ಪರಮಂ ಪದಮ್ |
ನೀಲನೀರದಮಧ್ಯಮಸ್ಥಿತವಿದ್ಯುದಾಭವಿಭಾಸಿತಂ
ಪ್ರಾತರೇವ ಹಿ ಮಾನಸೇ ಗುರುಪಾದುಕಾದ್ವಯಮಾಶ್ರಯೇ || ೯ ||
ಇತಿ ಪಾದುಕಾಷ್ಟಕಮ್ |
ಇನ್ನಷ್ಟು ಶ್ರೀ ಗುರು ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
