Read in తెలుగు / ಕನ್ನಡ / தமிழ் / देवनागरी / English (IAST)
శ్రీసమంచితమవ్యయం పరమప్రకాశమగోచరం
భేదవర్జితమప్రమేయమనన్తముఝ్ఝితకల్మషమ్ |
నిర్మలం నిగమాన్తమద్భుతమప్యతర్క్యమనుత్తమం
ప్రాతరేవ హి మానసే గురుపాదుకాద్వయమాశ్రయే || ౧ ||
నాదబిన్దుకళాత్మకం దశనాదవేదవినోదితం
మన్త్రరాజపరాజితం నిజమండలాన్తరభాసితమ్ |
పంచవర్ణమఖండమద్భుతమాదికారణమచ్యుతం
ప్రాతరేవ హి మానసే గురుపాదుకాద్వయమాశ్రయే || ౨ ||
హంతచారుమఖండనాదమనేకవర్ణమరూపకం
శబ్దజాలమయం చరాచరజన్తుదేహనిరాసినమ్ |
చక్రరాజమనాహతోద్భవమేఘవర్ణమతత్పరం
ప్రాతరేవ హి మానసే గురుపాదుకాద్వయమాశ్రయే || ౩ ||
బుద్ధిరూపమబద్ధకం త్రిదైవకూటస్థనివాసినం
నిశ్చయం నిరతప్రకాశమనేకసద్రుచిరూపకమ్ |
పంకజాన్తరఖేలనం నిజశుద్ధసఖ్యమగోచరం
ప్రాతరేవ హి మానసే గురుపాదుకాద్వయమాశ్రయే || ౪ ||
పంచ పంచ హృషీకదేహమనశ్చతుష్క పరస్పరం
పంచభూతనికామషట్కసమీరశబ్దమభీకరమ్ |
పంచకోశగుణత్రయాదిసమస్తధర్మవిలక్షణం
ప్రాతరేవ హి మానసే గురుపాదుకాద్వయమాశ్రయే || ౫ ||
పంచముద్రసులక్ష్యదర్శనభావమాత్రనిరూపణం
విద్యుదాదిదగద్ధగితవినోదకాన్తి వివర్తనమ్ |
చిన్మయత్రయవర్తినం సదసద్వివేకమమాయికం
ప్రాతరేవ హి మానసే గురుపాదుకాద్వయమాశ్రయే || ౬ ||
పంచవర్ణశుకం సమస్తరుచిర్విచిత్రవిచారిణం
చన్ద్రసూర్యచిదాగ్నిమండలమండితం ఘనచిన్మయమ్ |
చిత్కళాపరిపూర్ణమండలచిత్సమాధినిరీక్షితం
ప్రాతరేవ హి మానసే గురుపాదుకాద్వయమాశ్రయే || ౭ ||
స్థూలసూక్ష్మసకారణాన్తర ఖేలనం పరిపాలనం
విశ్వతైజపప్రాజ్ఞచేతసమన్తరాత్మనిజస్థితిమ్ |
సర్వకారణమీశ్వరం నిటలాన్తరాలవిహారిణం
ప్రాతరేవ హి మానసే గురుపాదుకాద్వయమాశ్రయే || ౮ ||
తప్తకాంచనదీప్యమాన మహానురూపమరూపకం
చన్ద్రకాన్తరతారకైరవముజ్జ్వలం పరమం పదమ్ |
నీలనీరదమధ్యమస్థితవిద్యుదాభవిభాసితం
ప్రాతరేవ హి మానసే గురుపాదుకాద్వయమాశ్రయే || ౯ ||
ఇతి పాదుకాష్టకమ్ ||
మరిన్ని శ్రీ గురు స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
I really appreciate ur effort
Really great idea
My request is to add meanings of all the stotras, sruti and all
It would be great if it could be added
Stotranidhi is really great to develop the Hindu Dharma
Stotranidhi must be recommended to like minded and needy people to draw from the rich source base. It’s really an admirable effort by the people behind it. My pranamams to all of you