Read in తెలుగు / ಕನ್ನಡ / தமிழ் / देवनागरी / English (IAST)
ಷಷ್ಠದಶಕಮ್ (೬) – ವಿರಾಟ್-ಸ್ವರೂಪವರ್ಣನಮ್
ಏವಂ ಚತುರ್ದಶಜಗನ್ಮಯತಾಂ ಗತಸ್ಯ
ಪಾತಾಳಮೀಶ ತವ ಪಾದತಲಂ ವದಂತಿ |
ಪಾದೋರ್ಧ್ವದೇಶಮಪಿ ದೇವ ರಸಾತಲಂ ತೇ
ಗುಲ್ಫದ್ವಯಂ ಖಲು ಮಹಾತಲಮದ್ಭುತಾತ್ಮನ್ || ೬-೧ ||
ಜಂಘೇ ತಲಾತಲಮಥೋ ಸುತಲಂ ಚ ಜಾನೂ
ಕಿಂಚೋರುಭಾಗಯುಗಳಂ ವಿತಲಾತಲೇ ದ್ವೇ |
ಕ್ಷೋಣೀತಲಂ ಜಘನಮಂಬರಮಂಗ ನಾಭಿ-
-ರ್ವಕ್ಷಶ್ಚ ಶಕ್ರನಿಲಯಸ್ತವ ಚಕ್ರಪಾಣೇ || ೬-೨ ||
ಗ್ರೀವಾ ಮಹಸ್ತವ ಮುಖಂ ಚ ಜನಸ್ತಪಸ್ತು
ಫಾಲಂ ಶಿರಸ್ತವ ಸಮಸ್ತಮಯಸ್ಯ ಸತ್ಯಮ್ |
ಏವಂ ಜಗನ್ಮಯತನೋ ಜಗದಾಶ್ರಿತೈರ-
-ಪ್ಯನ್ಯೈರ್ನಿಬದ್ಧವಪುಷೇ ಭಗವನ್ ನಮಸ್ತೇ || ೬-೩ ||
ತ್ವದ್ಬ್ರಹ್ಮರಂಧ್ರಪದಮೀಶ್ವರ ವಿಶ್ವಕಂದ
ಛಂದಾಂಸಿ ಕೇಶವ ಘನಾಸ್ತವ ಕೇಶಪಾಶಾಃ |
ಉಲ್ಲಾಸಿಚಿಲ್ಲಿಯುಗಳಂ ದ್ರುಹಿಣಸ್ಯ ಗೇಹಂ
ಪಕ್ಷ್ಮಾಣಿ ರಾತ್ರಿದಿವಸೌ ಸವಿತಾ ಚ ನೇತ್ರೇ || ೬-೪ ||
ನಿಶ್ಶೇಷವಿಶ್ವರಚನಾ ಚ ಕಟಾಕ್ಷಮೋಕ್ಷಃ
ಕರ್ಣೌ ದಿಶೋಽಶ್ವಿಯುಗಳಂ ತವ ನಾಸಿಕೇ ದ್ವೇ |
ಲೋಭತ್ರಪೇ ಚ ಭಗವನ್ನಧರೋತ್ತರೋಷ್ಠೌ
ತಾರಾಗಣಾಶ್ಚ ದಶನಾಃ ಶಮನಶ್ಚ ದಂಷ್ಟ್ರಾ || ೬-೫ ||
ಮಾಯಾವಿಲಾಸಹಸಿತಂ ಶ್ವಸಿತಂ ಸಮೀರೋ
ಜಿಹ್ವಾ ಜಲಂ ವಚನಮೀಶ ಶಕುಂತಪಂಕ್ತಿಃ |
ಸಿದ್ಧಾದಯಃ ಸ್ವರಗಣಾ ಮುಖರಂಧ್ರಮಗ್ನಿ-
-ರ್ದೇವಾ ಭುಜಾಃ ಸ್ತನಯುಗಂ ತವ ಧರ್ಮದೇವಃ || ೬-೬ ||
ಪೃಷ್ಠಂ ತ್ವಧರ್ಮ ಇಹ ದೇವ ಮನಃ ಸುಧಾಂಶು-
-ರವ್ಯಕ್ತಮೇವ ಹೃದಯಾಂಬುಜಮಂಬುಜಾಕ್ಷ |
ಕುಕ್ಷಿಃ ಸಮುದ್ರನಿವಹಾ ವಸನಂ ತು ಸಂಧ್ಯೇ
ಶೇಫಃ ಪ್ರಜಾಪತಿರಸೌ ವೃಷಣೌ ಚ ಮಿತ್ರಃ || ೬-೭ ||
ಶ್ರೋಣೀಸ್ಥಲಂ ಮೃಗಗಣಾಃ ಪದಯೋರ್ನಖಾಸ್ತೇ
ಹಸ್ತ್ಯುಷ್ಟ್ರಸೈಂಧವಮುಖಾ ಗಮನಂ ತು ಕಾಲಃ |
ವಿಪ್ರಾದಿವರ್ಣಭವನಂ ವದನಾಬ್ಜಬಾಹು-
-ಚಾರೂರುಯುಗ್ಮಚರಣಂ ಕರುಣಾಂಬುಧೇ ತೇ || ೬-೮ ||
ಸಂಸಾರಚಕ್ರಮಯಿ ಚಕ್ರಧರ ಕ್ರಿಯಾಸ್ತೇ
ವೀರ್ಯಂ ಮಹಾಸುರಗಣೋಽಸ್ಥಿಕುಲಾನಿ ಶೈಲಾಃ |
ನಾಡ್ಯಃ ಸರಿತ್ಸಮುದಯಸ್ತರವಶ್ಚ ರೋಮ
ಜೀಯಾದಿದಂ ವಪುರನಿರ್ವಚನೀಯಮೀಶ || ೬-೯ ||
ಈದೃಗ್ಜಗನ್ಮಯವಪುಸ್ತವ ಕರ್ಮಭಾಜಾಂ
ಕರ್ಮಾವಸಾನಸಮಯೇ ಸ್ಮರಣೀಯಮಾಹುಃ |
ತಸ್ಯಾಂತರಾತ್ಮವಪುಷೇ ವಿಮಲಾತ್ಮನೇ ತೇ
ವಾತಾಲಯಾಧಿಪ ನಮೋಽಸ್ತು ನಿರುಂಧಿ ರೋಗಾನ್ || ೬-೧೦ ||
ಇತಿ ಷಷ್ಠದಶಕಂ ಸಮಾಪ್ತಮ್ ||
ಸಂಪೂರ್ಣ ನಾರಾಯಣೀಯಂ ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
