Read in తెలుగు / ಕನ್ನಡ / தமிழ் / देवनागरी / English (IAST)
ನಿರುಪಮನಿತ್ಯನಿರಂಶಕೇಽಪ್ಯಖಂಡೇ |
ಮಯಿ ಚಿತಿ ಸರ್ವವಿಕಲ್ಪನಾದಿಶೂನ್ಯೇ |
ಘಟಯತಿ ಜಗದೀಶಜೀವಭೇದಂ |
ತ್ವಘಟಿತಘಟನಾಪಟೀಯಸೀ ಮಾಯಾ || ೧ ||
ಶ್ರುತಿಶತನಿಗಮಾಂತಶೋಧಕಾನ-
ಪ್ಯಹಹ ಧನಾದಿನಿದರ್ಶನೇನ ಸದ್ಯಃ |
ಕಲುಷಯತಿ ಚತುಷ್ಪದಾದ್ಯಭಿನ್ನಾ-
ನಘಟಿತಘಟನಾಪಟೀಯಸೀ ಮಾಯಾ || ೨ ||
ಸುಖಚಿದಖಂಡವಿಬೋಧಮದ್ವಿತೀಯಂ |
ವಿಯದನಲಾದಿವಿನಿರ್ಮಿತೇ ನಿಯೋಜ್ಯ |
ಭ್ರಮಯತಿ ಭವಸಾಗರೇ ನಿತಾಂತಂ |
ತ್ವಘಟಿತಘಟನಾಪಟೀಯಸೀ ಮಾಯಾ || ೩ ||
ಅಪಗತಗುಣವರ್ಣಜಾತಿಭೇದೇ |
ಸುಖಚಿತಿ ವಿಪ್ರವಿಡಾದ್ಯಹಂಕೃತಿಂ ಚ |
ಸ್ಫುಟಯತಿ ಸುತದಾರಗೇಹಮೋಹಂ |
ತ್ವಘಟಿತಘಟನಾಪಟೀಯಸೀ ಮಾಯಾ || ೪ ||
ವಿಧಿಹರಿಹರವಿಭೇದಮಪ್ಯಖಂಡೇ |
ಬತ ವಿರಚಯ್ಯ ಬುಧಾನಪಿ ಪ್ರಕಾಮಮ್ |
ಭ್ರಮಯತಿ ಹರಿಹರಭೇದಭಾವಾ-
ನಘಟಿತಘಟನಾಪಟೀಯಸೀ ಮಾಯಾ || ೫ ||
ಇನ್ನಷ್ಟು ವಿವಿಧ ಸ್ತೋತ್ರಗಳು ನೋಡಿ.
గమనిక: :"శ్రీ నరసింహ స్తోత్రనిధి" పుస్తకము అందుబాటులో ఉంది. Click here to buy
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
