Read in తెలుగు / ಕನ್ನಡ / தமிழ் / देवनागरी / English (IAST)
ಸ್ವರ್ಗತಃ ಸುಖಕರೀ ದಿವೌಕಸಾಂ ಶೈಲರಾಜತನಯಾಽತಿವಲ್ಲಭಾ |
ಢುಂಢಿಭೈರವವಿದಾರಿತವಿಘ್ನಾ ವಿಶ್ವನಾಥನಗರೀ ಗರೀಯಸೀ || ೧ ||
ಯತ್ರ ದೇಹಪತನೇನ ದೇಹಿನಾಂ ಮುಕ್ತಿರೇವ ಭವತೀತಿ ನಿಶ್ಚಿತಮ್ |
ಪೂರ್ವಪುಣ್ಯ ನಿಚಯೇನ ಲಭ್ಯತೇ ವಿಶ್ವನಾಥನಗರೀ ಗರೀಯಸೀ || ೨ ||
ಸರ್ವದಾಽಮರಗಣೈಶ್ಚವಂದಿತಾ ಯಾ ಗಜೇಂದ್ರಮುಖವಾರಿತವಿಘ್ನಾ |
ಕಾಲಭೈರವಕೃತೈಕಶಾಸನಾ ವಿಶ್ವನಾಥನಗರೀ ಗರೀಯಸೀ || ೩ ||
ಯತ್ರ ತೀರ್ಥಮಮಲಾ ಮಣಿಕರ್ಣಿಕಾ ಯಾ ಸದಾಶಿವ ಸುಖಪ್ರದಾಯಿನೀ |
ಯಾ ಶಿವೇನ ರಚಿತಾ ನಿಜಾಯುಧೈಃ ವಿಶ್ವನಾಥನಗರೀ ಗರೀಯಸೀ || ೪ ||
ಸರ್ವತೀರ್ಥಕೃತಮಜ್ಜನಪುಣ್ಯೈರ್ಜನ್ಮಜನ್ಮಸುಕೃತೈಃ ಖಲು ಲಭ್ಯಾ |
ಪ್ರಾಪ್ಯತೇ ಭವ ಭವಾರ್ತಿನಾಶಿನಿ ವಿಶ್ವನಾಥನಗರೀ ಗರೀಯಸೀ || ೫ ||
ಯತ್ರ ಮುಕ್ತಿರಖಿಲೈಸ್ತು ಜಂತುಭಿರ್ಲಭ್ಯತೇ ಮರಣಮಾತ್ರತಃ ಸದಾ |
ನಾಖಿಲಾಮರಗಣೈಶ್ಚವಂದಿತಾ ವಿಶ್ವನಾಥನಗರೀ ಗರೀಯಸೀ || ೬ ||
ಯತ್ರ ಶಕ್ರನಗರೀ ತನೀಯಸೀ ಯತ್ರ ಧಾತೃನಗರೀ ಕನೀಯಸೀ |
ಯತ್ರ ಕೇಶವಪುರೀ ಲಘೀಯಸೀ ವಿಶ್ವನಾಥನಗರೀ ಗರೀಯಸೀ || ೭ ||
ಯತ್ರ ದೇವತಟಿನೀ ಪ್ರಥೀಯಸೀ ಯತ್ರ ವಿಶ್ವಜನನೀ ಪಟೀಯಸೀ |
ಯತ್ರ ಭೈರವಕೃತಿರ್ಬಲೀಯಸೀ ವಿಶ್ವನಾಥನಗರೀ ಗರೀಯಸೀ || ೮ ||
ವಿಶ್ವನಾಥನಗರೀಸ್ತವಂ ಶುಭಂ
ಯಃ ಪಠೇತ್ ಪ್ರಯತಮಾನಸಃ ಸದಾ |
ಪುತ್ರದಾರಗೃಹಲಾಭಮವ್ಯಯಂ
ಮುಕ್ತಿಮಾರ್ಗಮನಘಂ ಲಭೇತ್ಸದಾ || ೯ ||
ಇತಿ ಶ್ರೀವೇದವ್ಯಾಸವಿರಚಿತ ಕಾಶ್ಯಷ್ಟಕಂ ನಾಮ ವಿಶ್ವನಾಥನಗರೀಸ್ತವಮ್ |
ಇನ್ನಷ್ಟು ವಿವಿಧ ಸ್ತೋತ್ರಗಳು ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
