Read in తెలుగు / ಕನ್ನಡ / தமிழ் / देवनागरी / English (IAST)
స్వర్గతః సుఖకరీ దివౌకసాం శైలరాజతనయాఽతివల్లభా |
ఢుంఢిభైరవవిదారితవిఘ్నా విశ్వనాథనగరీ గరీయసీ || ౧ ||
యత్ర దేహపతనేన దేహినాం ముక్తిరేవ భవతీతి నిశ్చితమ్ |
పూర్వపుణ్య నిచయేన లభ్యతే విశ్వనాథనగరీ గరీయసీ || ౨ ||
సర్వదాఽమరగణైశ్చవందితా యా గజేంద్రముఖవారితవిఘ్నా |
కాలభైరవకృతైకశాసనా విశ్వనాథనగరీ గరీయసీ || ౩ ||
యత్ర తీర్థమమలా మణికర్ణికా యా సదాశివ సుఖప్రదాయినీ |
యా శివేన రచితా నిజాయుధైః విశ్వనాథనగరీ గరీయసీ || ౪ ||
సర్వతీర్థకృతమజ్జనపుణ్యైర్జన్మజన్మసుకృతైః ఖలు లభ్యా |
ప్రాప్యతే భవ భవార్తినాశిని విశ్వనాథనగరీ గరీయసీ || ౫ ||
యత్ర ముక్తిరఖిలైస్తు జంతుభిర్లభ్యతే మరణమాత్రతః సదా |
నాఖిలామరగణైశ్చవందితా విశ్వనాథనగరీ గరీయసీ || ౬ ||
యత్ర శక్రనగరీ తనీయసీ యత్ర ధాతృనగరీ కనీయసీ |
యత్ర కేశవపురీ లఘీయసీ విశ్వనాథనగరీ గరీయసీ || ౭ ||
యత్ర దేవతటినీ ప్రథీయసీ యత్ర విశ్వజననీ పటీయసీ |
యత్ర భైరవకృతిర్బలీయసీ విశ్వనాథనగరీ గరీయసీ || ౮ ||
విశ్వనాథనగరీస్తవం శుభం
యః పఠేత్ ప్రయతమానసః సదా |
పుత్రదారగృహలాభమవ్యయం
ముక్తిమార్గమనఘం లభేత్సదా || ౯ ||
ఇతి శ్రీవేదవ్యాసవిరచిత కాశ్యష్టకం నామ విశ్వనాథనగరీస్తవమ్ |
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ శివ స్తోత్రనిధి
(నిత్య పారాయణ గ్రంథము)
మరిన్ని వివిధ స్తోత్రాలు చూడండి.
గమనిక: "శ్రీ కాళికా స్తోత్రనిధి" విడుదల చేశాము. కొనుగోలుకు అందుబాటులో ఉంది. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
