Read in తెలుగు / ಕನ್ನಡ / தமிழ் / देवनागरी / English (IAST)
ಓಂ ಪ್ರಾ॒ತರ॒ಗ್ನಿಂ ಪ್ರಾ॒ತರಿನ್ದ್ರಗ್ಂ॑ ಹವಾಮಹೇ ಪ್ರಾ॒ತರ್ಮಿ॒ತ್ರಾ ವರು॑ಣಾ ಪ್ರಾ॒ತರ॒ಶ್ವಿನಾ᳚ ।
ಪ್ರಾ॒ತರ್ಭಗಂ॑ ಪೂ॒ಷಣಂ॒ ಬ್ರಹ್ಮ॑ಣ॒ಸ್ಪತಿಂ॑ ಪ್ರಾ॒ತಃ ಸೋಮ॑ಮು॒ತ ರು॒ದ್ರಗ್ಂ ಹು॑ವೇಮ ॥ 1 ॥
ಪ್ರಾ॒ತ॒ರ್ಜಿತಂ॒ ಭ॑ಗಮು॒ಗ್ರಗ್ಂ ಹು॑ವೇಮ ವ॒ಯಂ ಪು॒ತ್ರ-ಮದಿ॑ತೇ॒ರ್ಯೋ ವಿ॑ಧ॒ರ್ತಾ ।
ಆ॒ದ್ಧ್ರಶ್ಚಿ॒ದ್ಯಂ ಮನ್ಯ॑ಮಾನಸ್ತು॒ರಶ್ಚಿ॒ದ್ರಾಜಾ॑ ಚಿ॒ದ್ಯಂ ಭಗಂ॑ ಭ॒ಕ್ಷೀತ್ಯಾಹ॑ ॥ 2 ॥
ಭಗ॒ ಪ್ರಣೇ॑ತ॒-ರ್ಭಗ॒ ಸತ್ಯ॑ರಾಧೋ॒ ಭಗೇ॒ಮಾಂ ಧಿಯ॒ಮುದ॑ವ॒ದದ॑ನ್ನಃ ।
ಭಗ॒ಪ್ರಣೋ॑ ಜನಯ॒ ಗೋಭಿ॒-ರಶ್ವೈ॒ರ್ಭಗ॒ಪ್ರನೃಭಿ॑-ರ್ನೃ॒ವನ್ತ॑ಸ್ಸ್ಯಾಮ ॥ 3 ॥
ಉ॒ತೇದಾನೀಂ॒ ಭಗ॑ವನ್ತಸ್ಸ್ಯಾಮೋ॒ತ ಪ್ರಪಿ॒ತ್ವ ಉ॒ತ ಮಧ್ಯೇ॒ ಅಹ್ನಾ᳚ಮ್ ।
ಉ॒ತೋದಿ॑ತಾ ಮಘವ॒ನ್ಥ್ಸೂರ್ಯ॑ಸ್ಯ ವ॒ಯಂ ದೇ॒ವಾನಾಗ್ಂ॑ ಸುಮ॒ತೌ ಸ್ಯಾ॑ಮ ॥ 4 ॥
ಭಗ॑ ಏ॒ವ ಭಗ॑ವಾಗ್ಂ ಅಸ್ತು ದೇವಾ॒ಸ್ತೇನ॑ ವ॒ಯಂ ಭಗ॑ವನ್ತಸ್ಸ್ಯಾಮ ।
ತಂ ತ್ವಾ॑ ಭಗ॒ ಸರ್ವ॒ ಇಜ್ಜೋ॑ಹವೀಮಿ॒ ಸನೋ॑ ಭಗ ಪುರ ಏ॒ತಾ ಭ॑ವೇಹ ॥ 5 ॥
ಸಮ॑ಧ್ವ॒ರಾಯೋ॒ಷಸೋ॑ಽನಮನ್ತ ದಧಿ॒ಕ್ರಾವೇ॑ವ॒ ಶುಚಯೇ॑ ಪ॒ದಾಯ॑ ।
ಅ॒ರ್ವಾ॒ಚೀ॒ನಂ ವ॑ಸು॒ವಿದಂ॒ ಭಗ॑ನ್ನೋ॒ ರಥ॑ಮಿ॒ವಾಽಶ್ವಾ॑ವಾ॒ಜಿನ॒ ಆವ॑ಹನ್ತು ॥ 6 ॥
ಅಶ್ವಾ॑ವತೀ॒-ರ್ಗೋಮ॑ತೀ-ರ್ನ ಉ॒ಷಾಸೋ॑ ವೀ॒ರವ॑ತೀ॒ಸ್ಸದ॑-ಮುಚ್ಛನ್ತು ಭ॒ದ್ರಾಃ ।
ಘೃ॒ತಂ ದುಹಾ॑ನಾ ವಿ॒ಶ್ವತ॒: ಪ್ರಪೀ॑ನಾ ಯೂ॒ಯಂ ಪಾ॑ತ ಸ್ವ॒ಸ್ತಿಭಿ॒ಸ್ಸದಾ॑ ನಃ ॥ 7 ॥
ಯೋ ಮಾ᳚ಽಗ್ನೇ ಭಾ॒ಗಿನಗ್ಂ॑ ಸ॒ನ್ತಮಥಾ॑ಭಾ॒ಗಂ ಚಿಕೀ॑ಋಷತಿ ।
ಅಭಾ॒ಗಮ॑ಗ್ನೇ॒ ತಂ ಕು॑ರು॒ ಮಾಮ॑ಗ್ನೇ ಭಾ॒ಗಿನಂ॑ ಕುರು ॥ 8 ॥
ಓಂ ಶಾನ್ತಿ॒: ಶಾನ್ತಿ॒: ಶಾನ್ತಿ॑: ॥
గమనిక: "నవగ్రహ స్తోత్రనిధి" పుస్తకము తాయారుచేయుటకు ఆలోచన చేయుచున్నాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
