Read in తెలుగు / ಕನ್ನಡ / தமிழ் / देवनागरी / English (IAST)
ವಂದೇ ವಾಙ್ಮನಸಾತೀತಂ ನಿರ್ಗುಣಂ ಸಗುಣಂ ಗುರುಮ್ |
ದತ್ತಮಾತ್ರೇಯಮಾನಂದಕಂದಂ ಭಕ್ತೇಷ್ಟಪೂರಕಮ್ || ೧ ||
ನಮಾಮಿ ಸತತಂ ದತ್ತಮೌದುಂಬರನಿವಾಸಿನಮ್ |
ಯತೀಂದ್ರರೂಪಂ ಚ ಸದಾ ನಿಜಾನಂದಪ್ರಬೋಧನಮ್ || ೨ ||
ಕೃಷ್ಣಾ ಯದಗ್ರೇ ಭುವನೇಶಾನೀ ವಿದ್ಯಾನಿಧಿಸ್ತಥಾ |
ಔದುಂಬರಾಃ ಕಲ್ಪವೃಕ್ಷಾಃ ಸರ್ವತಃ ಸುಖದಾಃ ಸದಾ || ೩ ||
ಭಕ್ತಬೃಂದಾನ್ ದರ್ಶನತಃ ಪುರುಷಾರ್ಥಚತುಷ್ಟಯಮ್ |
ದದಾತಿ ಭಗವಾನ್ ಭೂಮಾ ಸಚ್ಚಿದಾನಂದವಿಗ್ರಹಃ || ೪ ||
ಜಾಗರ್ತಿ ಗುಪ್ತರೂಪೇಣ ಗೋಪ್ತಾ ಧ್ಯಾನಸಮಾಧಿತಃ |
ಬ್ರಹ್ಮಬೃಂದಂ ಬ್ರಹ್ಮಸುಖಂ ದದಾತಿ ಸಮದೃಷ್ಟಿತಃ || ೫ ||
ಕೃಷ್ಣಾ ತೃಷ್ಣಾಹರಾ ಯತ್ರ ಸುಖದಾ ಭುವನೇಶ್ವರೀ |
ಯತ್ರ ಮೋಕ್ಷದರಾಡ್ದತ್ತಪಾದುಕಾ ತಾಂ ನಮಾಮ್ಯಹಮ್ || ೬ ||
ಪಾದುಕಾರೂಪಿಯತಿರಾಟ್ ಶ್ರೀನೃಸಿಂಹಸರಸ್ವತೀ |
ರಾಜತೇ ರಾಜರಾಜಶ್ರೀದತ್ತಶ್ರೀಪಾದವಲ್ಲಭಃ || ೭ ||
ನಮಾಮಿ ಗುರುಮೂರ್ತೇ ತಂ ತಾಪತ್ರಯಹರಂ ಹರಿಮ್ |
ಆನಂದಮಯಮಾತ್ಮಾನಂ ನವಭಕ್ತ್ಯಾ ಸುಖಪ್ರದಮ್ || ೮ ||
ಕರವೀರಸ್ಥವಿದುಷಮೂಢಪುತ್ರಂ ವಿನಿಂದಿತಮ್ |
ಛಿನ್ನಜಿಹ್ವಂ ಬುಧಂ ಚಕ್ರೇ ತದ್ವನ್ಮಯಿ ಕೃಪಾಂ ಕುರು || ೯ ||
ಇತಿ ಶ್ರೀಮತ್ಪರಮಹಂಸ ಪರಿವ್ರಾಜಕಾಚಾರ್ಯ ಶ್ರೀವಾಸುದೇವಾನಂದಸರಸ್ವತೀ ವಿರಚಿತಂ ಔದುಂಬರ ಪಾದುಕಾ ಸ್ತೋತ್ರಮ್ |
ಇನ್ನಷ್ಟು ಶ್ರೀ ದತ್ತತ್ರೇಯ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
