Read in తెలుగు / ಕನ್ನಡ / தமிழ் / देवनागरी / English (IAST)
vandē vāṅmanasātītaṁ nirguṇaṁ saguṇaṁ gurum |
dattamātrēyamānandakandaṁ bhaktēṣṭapūrakam || 1 ||
namāmi satataṁ dattamaudumbaranivāsinam |
yatīndrarūpaṁ ca sadā nijānandaprabōdhanam || 2 ||
kr̥ṣṇā yadagrē bhuvanēśānī vidyānidhistathā |
audumbarāḥ kalpavr̥kṣāḥ sarvataḥ sukhadāḥ sadā || 3 ||
bhaktabr̥ndān darśanataḥ puruṣārthacatuṣṭayam |
dadāti bhagavān bhūmā saccidānandavigrahaḥ || 4 ||
jāgarti guptarūpēṇa gōptā dhyānasamādhitaḥ |
brahmabr̥ndaṁ brahmasukhaṁ dadāti samadr̥ṣṭitaḥ || 5 ||
kr̥ṣṇā tr̥ṣṇāharā yatra sukhadā bhuvanēśvarī |
yatra mōkṣadarāḍdattapādukā tāṁ namāmyaham || 6 ||
pādukārūpiyatirāṭ śrīnr̥siṁhasarasvatī |
rājatē rājarājaśrīdattaśrīpādavallabhaḥ || 7 ||
namāmi gurumūrtē taṁ tāpatrayaharaṁ harim |
ānandamayamātmānaṁ navabhaktyā sukhapradam || 8 ||
karavīrasthaviduṣamūḍhaputraṁ vininditam |
chinnajihvaṁ budhaṁ cakrē tadvanmayi kr̥pāṁ kuru || 9 ||
iti śrīmatparamahaṁsa parivrājakācārya śrīvāsudēvānandasarasvatī viracitaṁ audumbara pādukā stōtram |
See more śrī dattātrēya stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.