Read in తెలుగు / ಕನ್ನಡ / தமிழ் / देवनागरी / English (IAST)
ವಿಕ್ರಮಪಾಂಡ್ಯ ಉವಾಚ-
ಕಲ್ಯಾಣಾಚಲಕೋದಂಡಕಾಂತದೋರ್ದಂಡಮಂಡಿತಮ್ |
ಕಬಳೀಕೃತಸಂಸಾರಂ ಕಲಯೇಽಟ್ಟಾಲಸುಂದರಮ್ || ೧ ||
ಕಾಲಕೂಟಪ್ರಭಾಜಾಲಕಳಂಕೀಕೃತಕಂಧರಮ್ |
ಕಲಾಧರಂ ಕಲಾಮೌಳಿಂ ಕಲಯೇಽಟ್ಟಾಲಸುಂದರಮ್ || ೨ ||
ಕಾಲಕಾಲಂ ಕಳಾತೀತಂ ಕಲಾವಂತಂ ಚ ನಿಷ್ಕಳಮ್ |
ಕಮಲಾಪತಿಸಂಸ್ತುತ್ಯಂ ಕಲಯೇಽಟ್ಟಾಲಸುಂದರಮ್ || ೩ ||
ಕಾಂತಾರ್ಧಂ ಕಮನೀಯಾಂಗಂ ಕರುಣಾಮೃತಸಾಗರಮ್ |
ಕಲಿಕಲ್ಮಷದೋಷಘ್ನಂ ಕಲಯೇಽಟ್ಟಾಲಸುಂದರಮ್ || ೪ ||
ಕದಂಬಕಾನನಾಧೀಶಂ ಕಾಂಕ್ಷಿತಾರ್ಥಸುರದ್ರುಮಮ್ |
ಕಾಮಶಾಸನಮೀಶಾನಂ ಕಲಯೇಽಟ್ಟಾಲಸುಂದರಮ್ || ೫ ||
ಸೃಷ್ಟಾನಿ ಮಾಯಯಾ ಯೇನ ಬ್ರಹ್ಮಾಂಡಾನಿ ಬಹೂನಿ ಚ |
ರಕ್ಷಿತಾನಿ ಹತಾನ್ಯಂತೇ ಕಲಯೇಽಟ್ಟಾಲಸುಂದರಮ್ || ೬ ||
ಸ್ವಭಕ್ತಜನಸಂತಾಪಪಾಪಾಪದ್ಭಂಗತತ್ಪರಮ್ |
ಕಾರಣಂ ಸರ್ವಜಗತಾಂ ಕಲಯೇಽಟ್ಟಾಲಸುಂದರಮ್ || ೭ ||
ಕುಲಶೇಖರವಂಶೋತ್ಥಭೂಪಾನಾಂ ಕುಲದೈವತಮ್ |
ಪರಿಪೂರ್ಣಂ ಚಿದಾನಂದಂ ಕಲಯೇಽಟ್ಟಾಲಸುಂದರಮ್ || ೮ ||
ಅಟ್ಟಾಲವೀರಶ್ರೀಶಂಭೋರಷ್ಟಕಂ ವರಮಿಷ್ಟದಮ್ |
ಪಠತಾಂ ಶೃಣ್ವತಾಂ ಸದ್ಯಸ್ತನೋತು ಪರಮಾಂ ಶ್ರಿಯಮ್ || ೯ ||
ಇತಿ ಶ್ರೀಹಾಲಾಸ್ಯಮಾಹಾತ್ಮ್ಯೇ ವಿಕ್ರಮಪಾಂಡ್ಯಕೃತಂ ಅಟ್ಟಾಲಸುಂದರಾಷ್ಟಕಮ್ |
ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ.
గమనిక: "శ్రీ కాళికా స్తోత్రనిధి" విడుదల చేశాము. కొనుగోలుకు అందుబాటులో ఉంది. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
