Read in తెలుగు / ಕನ್ನಡ / தமிழ் / देवनागरी / English (IAST)
vikramapāṇḍya uvāca-
kalyāṇācalakōdaṇḍakāntadōrdaṇḍamaṇḍitam |
kabalīkr̥tasaṁsāraṁ kalayē:’ṭṭālasundaram || 1 ||
kālakūṭaprabhājālakalaṅkīkr̥takandharam |
kalādharaṁ kalāmauliṁ kalayē:’ṭṭālasundaram || 2 ||
kālakālaṁ kalātītaṁ kalāvantaṁ ca niṣkalam |
kamalāpatisaṁstutyaṁ kalayē:’ṭṭālasundaram || 3 ||
kāntārdhaṁ kamanīyāṅgaṁ karuṇāmr̥tasāgaram |
kalikalmaṣadōṣaghnaṁ kalayē:’ṭṭālasundaram || 4 ||
kadambakānanādhīśaṁ kāṅkṣitārthasuradrumam |
kāmaśāsanamīśānaṁ kalayē:’ṭṭālasundaram || 5 ||
sr̥ṣṭāni māyayā yēna brahmāṇḍāni bahūni ca |
rakṣitāni hatānyantē kalayē:’ṭṭālasundaram || 6 ||
svabhaktajanasantāpapāpāpadbhaṅgatatparam |
kāraṇaṁ sarvajagatāṁ kalayē:’ṭṭālasundaram || 7 ||
kulaśēkharavaṁśōtthabhūpānāṁ kuladaivatam |
paripūrṇaṁ cidānandaṁ kalayē:’ṭṭālasundaram || 8 ||
aṭṭālavīraśrīśambhōraṣṭakaṁ varamiṣṭadam |
paṭhatāṁ śr̥ṇvatāṁ sadyastanōtu paramāṁ śriyam || 9 ||
iti śrīhālāsyamāhātmyē vikramapāṇḍyakr̥taṁ aṭṭālasundarāṣṭakam |
See more śrī śiva stotras for chanting.
గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.