Read in తెలుగు / ಕನ್ನಡ / தமிழ் / देवनागरी / English (IAST)
ನಮಸ್ತೇ ಲಲಿತೇ ದೇವಿ ಶ್ರೀಮತ್ಸಿಂಹಾಸನೇಶ್ವರಿ |
ಭಕ್ತಾನಾಮಿಷ್ಟದೇ ಮಾತಃ ಅಭಿರಾಮಿ ನಮೋಽಸ್ತು ತೇ || ೧ ||
ಚಂದ್ರೋದಯಂ ಕೃತವತೀ ತಾಟಂಕೇನ ಮಹೇಶ್ವರಿ |
ಆಯುರ್ದೇಹಿ ಜಗನ್ಮಾತಃ ಅಭಿರಾಮಿ ನಮೋಽಸ್ತು ತೇ || ೨ ||
ಸುಧಾಘಟೇಶಶ್ರೀಕಾಂತೇ ಶರಣಾಗತವತ್ಸಲೇ |
ಆರೋಗ್ಯಂ ದೇಹಿ ಮೇ ನಿತ್ಯಂ ಅಭಿರಾಮಿ ನಮೋಽಸ್ತು ತೇ || ೩ ||
ಕಳ್ಯಾಣಿ ಮಂಗಳಂ ದೇಹಿ ಜಗನ್ಮಂಗಳಕಾರಿಣಿ |
ಐಶ್ವರ್ಯಂ ದೇಹಿ ಮೇ ನಿತ್ಯಂ ಅಭಿರಾಮಿ ನಮೋಽಸ್ತು ತೇ || ೪ ||
ಚಂದ್ರಮಂಡಲಮಧ್ಯಸ್ಥೇ ಮಹಾತ್ರಿಪುರಸುಂದರಿ |
ಶ್ರೀಚಕ್ರರಾಜನಿಲಯೇ ಅಭಿರಾಮಿ ನಮೋಽಸ್ತು ತೇ || ೫ ||
ರಾಜೀವಲೋಚನೇ ಪೂರ್ಣೇ ಪೂರ್ಣಚಂದ್ರವಿಧಾಯಿನಿ |
ಸೌಭಾಗ್ಯಂ ದೇಹಿ ಮೇ ನಿತ್ಯಂ ಅಭಿರಾಮಿ ನಮೋಽಸ್ತು ತೇ || ೬ ||
ಗಣೇಶಸ್ಕಂದಜನನಿ ವೇದರೂಪೇ ಧನೇಶ್ವರಿ |
ವಿದ್ಯಾಂ ಚ ದೇಹಿ ಮೇ ಕೀರ್ತಿಂ ಅಭಿರಾಮಿ ನಮೋಽಸ್ತು ತೇ || ೭ ||
ಸುವಾಸಿನೀಪ್ರಿಯೇ ಮಾತಃ ಸೌಮಾಂಗಳ್ಯವಿವರ್ಧಿನೀ |
ಮಾಂಗಳ್ಯಂ ದೇಹಿ ಮೇ ನಿತ್ಯಂ ಅಭಿರಾಮಿ ನಮೋಽಸ್ತು ತೇ || ೮ ||
ಮಾರ್ಕಂಡೇಯ ಮಹಾಭಕ್ತ ಸುಬ್ರಹ್ಮಣ್ಯ ಸುಪೂಜಿತೇ |
ಶ್ರೀರಾಜರಾಜೇಶ್ವರೀ ತ್ವಂ ಹ್ಯಭಿರಾಮಿ ನಮೋಽಸ್ತು ತೇ || ೯ ||
ಸಾನ್ನಿಧ್ಯಂ ಕುರು ಕಳ್ಯಾಣೀ ಮಮ ಪೂಜಾಗೃಹೇ ಶುಭೇ |
ಬಿಂಬೇ ದೀಪೇ ತಥಾ ಪುಷ್ಪೇ ಹರಿದ್ರಾ ಕುಂಕುಮೇ ಮಮ || ೧೦ ||
ಅಭಿರಾಮ್ಯಾ ಇದಂ ಸ್ತೋತ್ರಂ ಯಃ ಪಠೇಚ್ಛಕ್ತಿಸನ್ನಿಧೌ |
ಆಯುರ್ಬಲಂ ಯಶೋ ವರ್ಚೋ ಮಂಗಳಂ ಚ ಭವೇತ್ಸುಖಮ್ || ೧೧ ||
ಇತಿ ಶ್ರೀಅಭಿರಾಮಿಭಟ್ಟಾರ್ ಕೃತ ಶ್ರೀ ಅಭಿರಾಮಿ ಸ್ತೋತ್ರಮ್ |
ಇನ್ನಷ್ಟು ದೇವೀ ಸ್ತೋತ್ರಗಳು ನೋಡಿ. ಇನ್ನಷ್ಟು ಶ್ರೀ ಲಲಿತಾ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
